الرمان بلي للكفرات الامامية

وضح اكثر
يعني والسياره واقفه يطلع صوت ولو دعست بنزين وهي واقفه يختفي الصوت او كيف

وانا ماشي يطلع صوت حك 
لكن وانا واقف  ما تسمع اي صوت حتى لو دعست بنزين وانت مفضي القير 

الصوت يطلع على المشي فقط

مع المشي خلاص من الفلنجه والميزان اصلا ما يقدر يحدد الصوت وين
حتى لو الوكالة بنفسها ما تقدر تفحصها وهي واقفه
على اي اساس يقولك ميزان ابن الكلب
لازم يرفع السياره من قدام ويخليك تمشي عشان يدور الكفر ويطلع الصوت
اما ينزل تحتها ويقولك ميزان ما يقدر يحكم عليها ابدا

هو رفع السيارة من قدام مرة من جهة اليمين ومرة من جهة اليسار 
ولف الكفر بايده 
وقالي يمكن رمان
هل عادي لو مشيت عليه وهو فيه صوت

ارفع السياره جهة الكفر الخربان

وشوته برجلك بيبن اذا الفلنجه خربانه يرجرج

الرمان او الفلنجة وحدة منهم 

الاسعار ماعندي علم عنها للاكسنت

بنفس الموضوع تقول انه كشف عليها وقالك تحتاج ميزان
وبالردود تقول كشف عليها وقالك ممكن رمان
ما عرفنا لك ؟؟؟

كم تستاهل شغل ايدين تغيير الرمان 
وهل فيه مشكلة لو مشيت عليه

وش الفرق بين الرمان والفلنجة تراها قطعه وحده كيف يا رمان يا فلنجه وهي نفس القطعه

ابتسم شوي شوي على نفسك

ايه فيه فرق بينهم

الرمان قطعه

والفلنجه قطعه ثانيه

ابتسم كيف حالك ياغلاهم 
والله صرت مارد زي اول بالاعلانات صرت كسول هههههههههه
اخوي لو الصوت يطلع تاكد من القير لو انه اوتوماتيك يمكن ينقز معاك لن تعشق وشيك عالعكس اما الرمان ماتوقع الحركه منه 
وبالسيارات الفلنجه لو تعطلت مصيبه اما الرمان حاول تغيره باسرع وقت قبل لاياكل الفلنجه ويتكسر بداخلها

على حسب وصفك إما فحماتك منتهية و هذي قد صارتلي 
أو رمان لكن ترى صوت الرمان مثل الونة أما الفحمات تسمع صوت احتكاك حديد 
طريقة الفحص ترفع السيارة من قدام و تحرك الكفر مع عقارب الساعة و عكسها و تبين 
معك الفحمات صوت حديد يحك ببعضه 

صوت ونه او طقطقه...هذا رمان...

رح لاقرب بنشري...ورفع الكفر اليمين...وادعس بنزين اذا طلع الصوت هذا الكفر الخربان ماطلع رح لثاني...وس نفس الطريقة....مممن يكون كفر واحد بس...

نصيحتي اقرب وقت صلحه....انا توي مصلح رمان الكامري...شغل يد مع كبس الرمان ب150 والرمان ب115...

بالنسبة للمشي عليه مايضر...باذن الله..لكن لا اطول عليه.

مشكورين يا اخوان

اخوي الصوت وانت ماشي تسمع صوت وشوشوشوش زي كذا متواصل الصوت يشد ويخف,,وانت واقف مافييه صوت

هذي الفلنجه وسعرها 90 ريال وشغلتها ماهي صعبه مرره بس طويله 

وماتقدر تمشي عليها واجد لان احتمال الكفر يمسك معك وانت تسوق ويسبب حادث 

وشغل يد ناسي والله بس ماتكلف واجد تحت 300

م ازيد على كلام اللي فوقي .. ولمن تفك الفلنجه شيك على الرمان وخله يفرها ويتاكد بها صوت او لا والله يسهلك عزيزي

صباح الخير عليك وعلى الجميع أسألني أنا في هالأمور من واقع مرير مع الدرادع اللين
رقعتني ورقعتها اللين فهمت وعرفت جميع مشاكل السيارات ههههه حبيبي خلنا في المهم 
وركز معي شوي أولاً مشكلة حك حديد مع حديد في الممشى وعند الوقوف لاتجد أي صوت
حتى ولو تدعس بالبنزين مافي صوت حك للحديد هاذي تحصل من عدة مشاكل وأولها/
الهوبات أحياناً تحتاج لخرط وأحياناً تحتاج لتغيير الهوبات
وثانيها/الفحمات تحصلها منتهية ومغلقة على الآخر في هاذي الحالة يجب التغيير
وثالثها/أحياناً بعض المكانيكيين عند تغيير فحمات أو هوبات أو عكوس فيه صاجة تجي 
خلف الهوب المفروض لازم يتأكد إنه بعد مايركب الهوب أوالفحمات أو العكوس يرجع الصاجة
شوي إلى الخلف لأنه إذا مارجعها شوي وبعدها عن الهوب شوي راح يصير أحتكاك
ورابعها/ أحياناً تصيير من أسيام حديد تكون عالقه في الهوب أو الكفر من الداخل

أما بالنسبة للرمان فهي مشاكلها معروفه وواضحة تسبب رجة في السيارة على الطريق
ومشكلتها الثانية تصدر صوت مثل صوت كأنه الكفر عندك محبل أو مصعرر
وإذا تبغى تتأكد وتعرف إنه الرمان عندك خربان من واقع تجربه مرررريره ههههه 
بالنسبة طبعاً للدفع الأمامي خليك ماشي في تزايد في السرعة اللين يحدث الصوت
اللي مقروش مخك طبعا وأنت ماسك الدركسون بإتجاه الأمام لف الدركسون في اليمين
كأنك بتنطل أو بتهوز إذا زاد معك الصوت فأعرف يالحبيب الرمان جهت اليمين يحتاج تغيير
وكرر الطريقة نفسها على جهة اليسار ويتضح معك إن الصوت يزود فأعرف أنها نفس المشكلة

ملاحظة/ ترى أحياناً الكفرات تصدر صوت مثل صوت الرمان في هاذي الحاله إعرف إن
الكفرات عندك يامحبله أو مصعرره أو مقلوبة الدعسة خاصة للكفرات ذو الدعسة الرياضية
وأيضاً بعد العكوس وكراسي العكوس تعمل رجة في السيارة وتعمل طقطقة في الدوران
لليمين أو اليسار 

وأتمنى أنني قد قدمت بعض الحلول لك ولمتابعينك من وقائعي المريرة مع الدرادع وبالتوفيق

ابو عبدالعزيز b لاهنت شوف موضوعي اذا تقدر تفيدني بخبرتك !

ياخوي ابو عبد العزيز انا مشكلتي مثل مشكلة الرمان في الانترا بس الكفر الخلفي وغير الي يسار وباقي الصوت موجود بس كان يطلع ولا زال اذا لفيت لجهت اليمين على سرعه 90