ماهو افضل زيت قير للانترا

اي سي ديلكو ممتاز للسيارات المخصص لها
وزيت هونداي مخصص لها ما يناسب السيارات المخصص لها اي سي ديلكو
يعني مافيه زيت افضل من زيت
فيه كل سياره مخصص لها زيت معين
خذ الزيت من الوكالة او من وكيل معتمد لهونداي وغيره برى عادي

اخوي لاتاخذ الزيت اﻻ من الوكاله لون علبته ازرق
خاص لهونداي وتغييره عن طريق لي (هوز)
يفرغونه اول شي بعدين يدخلون الي من الصره اللي تحت
ويضخونه انا لي اسبوعين بجيب زيت من الوكاله وكسلان 
جب لي معك زيت اذا رحت هع 
على فكره مو اي احد يغير الزيت ﻻزم فني علشانه شغله شوي
يكلف من 200 وعلى حسب عاد وتراه يتغير على 100 الف كيلو

اها الله يعطيكم العافيه يعني لازم فني اجل اصبر عليها شوي لانها ماشية 67 الف وبيض الله وجيهكم ماقصرتوا 

شيك على الكتالوج مكتوب فيه متى يتغير الزيت بالظبط
العفو وياك

لا لا تصبر غيره
لان الزيت يعتمد على المشي وعلى الوقت
انت موديل 2012 المفروض تغيره حتى لو ماشيه 20 الف

يعطيكم العافيه الكاتلوج مكتوب 100 الف بس بغيره على قول ابو عبد العزيز وباذن الله مايخالف معي القير 

الله لايوريكم مكروه ماقصرتوا 

يابرق 
لاتوسوس وتسمع كلام كل من هب ودب ؟ 
انا موتري جلس 5 سنوات ويالله يالله جاب ال 100 الف 
ويوم جاب ال 100 الف غيرته ولا واجهت اي مشاكل ! 
وبالنسبة للزيت يمديك تستخدم زيوت كثيرة من لكن شوف الموصى في الكتالوج 
مثلا الموصى DEXRON III عادي تاخذه من اي شركة لكن المهم يكون نفس المواصفات 
وعلى فكرة مواصفات DEXRON III = MERCON V 
وفي زيت ميستوبيشي يحطون منه حقين الهونداي SP III 
فيه خيارات كثيره لكن الاهم مثل ماذكرت سابقاً مواصفات الزيت الموصى بها ولا الشركة المصنعه ماتهم.
موفق.

يعطيك العافيه ماقصرت لكن الافضل انك تغيره اذا كان الفلتر ماينتغير فلازم تغير الزيت كل فتره عشان يضبط وشكرا لك وللجميع

الان انتم تتكلمون عن القير العادي ولا الاوتماتيك لانه ما ذكر صاحب الموضوع انه عادي ولا تماتيك ولو كان تماتيك يتغير كل 40الف
مع الفلتر ولاتغيره الا بالوكاله حتى العادي يتغير كل 100 الف والافضل عند الوكاله انا غيرته برى طلع صوت ونه على سرعة ميه واختفت مع الايام.

هلا اخي نبيل بخصوص القير اسف لاني ماذكرت نوع القير لكن ذكرت ان ليس لها معيار زيت فاتوقع العادي مافيه معيار زيت وشكرا لك على مرورك ^_^