رأيكم بالازيرا

بعد 7 سنوات ما بتمسك سعرها 
اتوقع بعد 7 سنوات راح تبيعها بمبلغ 30 الف مثل اخواتها اللحين موديل 2008

من ناحية الكرف مدري عنها لكن ما تستاهل سعرها المبالغ فيه بصراحه

اخوي ابو عبد العزيز هونداي قبل 2011 كلها ما تمسك ومن الخطأ مقارنتها بالموديلات الجديده
 
الازيرا معروفة بالكد والجودة ومسك السعر

لكن ترا بعد 7 سنين حتى التويوتا ما تمسك 

خذها وتوكل على الله

انا من رأيي الهونداي من موديل 2007 الى 2010 افضل من الجديده بالجودة والتحمل

بالعكس هم اصلا من2011 بدأو يهتموا بالجودة والتحمل 

ووصلت فيهم الى ان جنسس 2015 في اختبارات التصادم حصلت على تقييم افضل من بي ام i550  ومرسيدس e500

بدأو يهتمون بالشكل والديكور فقط 
بعدين من جدك تقارن هونداي بالتصادم افضل من اي سياره اوروبيه سواء مرسيدس او بي ام او غيرها
لا تغرك الاشكال مجرد ديكور فقط

انت الي لا تغرك الاشكال دامك ما بحثت 

رح شف الاختبارات قبل لا تتكلم

الجنسس اخذت افضل تصميم واخذت تقييم اعلى من بي ام ومرسيدس

معليش افضل تصميم من اي ناحية
ومين اللي عمل الشيء هذا مجله يعني صحفي لا اكثر
احيانا الصحفي يبحث عن الشهره او المادة مافيه صحفي يبحث عن الحقيقة دون مادة او شهرة

لا تأخذ على كلامهم وان كان من موقع معتمد وش يكون الموقع هذا اجنبي يأخذون المواصفات بالمقام الاول
ويجونك على عدد الايرباقات مثلا ويقولون سلامة
وش فايدة كيس هواء يطلع لك اذا الحديد نفسه دخل بالمقصورة عندك من ضعف البدي
وين السلامة بالموضوع
لا تقارن صلابة البدي والشاص للسيارات الكورية بالاوروبية نهائيا

السيارات الكورية الجديدة تصل نسبة الفولاذ فيها لاعلى من 51% 

لكن انت تغرك مظاهر الالماني

والله ان الازيرا تتفوق على الافالون ماشاءالله داخليه خراااف

ولما اتكلم عن افضل تصميم انا اتكلم عن جائزة عالميه 

وحصلت عليها جنسس وسوناتا


واذا انت تنكر جمال تصميم الجنسس انصحك تراجع طبيب العيون

معليش اي فولاذ ولو اشوت الباب برجلي وصلت داخل السياره صاحي انت 
وين الفولاذ بالهونداي 
خلك واقعي وتكلم بالواقع اترك النسب عنك كلها كلام فاضي مجرد تسويق

ممتازه جداً 

بس دامك تبي تسخدم فتره طويله انتظر 2016 لن الشكل بيتغير 

او خذ سوناتا 2015 الشكل الجديد فخم وقدامك 4 سنين بشكل جديد 

إن جازت لك وحبيتها لا تشاور أحد خذها واهتم فيها وبتمشيك لانها على رجلك
وبعض الناس يشتريها مستعمل ولا عليها ضمان وماشية معه..
وكلام الناس مايزيدك الا حيرة..
الحين يجيك واحد يقول لك ياخي انت موصل المية ألف؟ طيب خذ لك أفالون؟
والثاني يجيك يقول لك خذ لك لكزس؟ والثالث يقول لك خذ جينيسس والي يقول لك أوبتيما؟!الخ
اتوكل على الله وخذ الي تبيه انت وما يهمك كلام الناس..
ولو بتسمع كلام الناس والله ماتاخذ ولا سيارة هههههههههههههه يقول لك انتظر عام 2020 يمكن
ينزلون شكل جديد مكينة 8 سلندر خخخخخخخخخخخخخخخ
الله يوفقك

معالم التقنيه تقارن الكوري بالالماني  والله ماعندك سالفه  قال افضل تصميم جائزه عالميه  صدقت والله ياابو عبد العزيز لو ترفس الباب برجلك  طار  

 الالماني معروفه بمتانه وقوه  وصلب الشاصيه  وماتقارنها  بشي يستحق التقرير الى بشركه منافسه زي فولفو السويديه 

ابلشونا ب الالماني وهو الي خلاني ارف الورش كلها هونداي وارفع يدك

خذ سوناتا2015 اعلى فئه  وبعد 7 سنين اذا بتبيعها بتنباع اسرع وبسرع معقول احسن من لو معك ازيرا  لان الشاري يدور على السياره  المنتشره 
اكثر في الشارع 
والازيرا بيعتها يبلها صبر  شوي عكس السوناتا