أضف سؤال أو موضوع جديد          

أنتبه لتأمين سيارتك

up 20 down 2
خالد 3000 838
قبل 7 سنه



السلام عليكم ورحمة الله وبركاته 
مساكم الله بالخير جميعاً 

بالأمس وأنا راجع بسيارتي من المواقف ولا أسمع إلا صوت الصقعه 

أناظر إلا ليموزين النترا أنخلق فجأة وراي ولا أدري كيف قدر يوقف في خلال أجزاء من الثانية

المهم نزلت الحمد لله أنكسر الإصطب عندي وخش الصدام شوي 

وأشوف التكسي ما فيه غير شعر في الصدام الخلفي بمقدار 5 سم

علماً صدامه مسمكر ومرشوش وصدام سيارتي وكالة

قلت الحمد لله جت سليمة كيف صديق اش ابغى كيف وقف تعرفون عاد تحمدنا الله على السلامة ماصار شئ 

قال أبغى نجم شيل هذا رقم انا مافي رصيد 

المهم قلت ماصار شئ وإن تبي حق تصليح الشعر ذا ابشر عطيته إلى 200 ريال ورفض 

قلت خلاص دق على نجم والشكوى لله نلطع كم ساعه لعيونك يا سوبر خان

المهم جاء نجم وقرر الحادث الغلط علي نسبة 100 % 

قلت ياخي طالع من موقف مافي أحد وفي خلال جزء من الثانية طلع ذا الليموزين والسبب

وقف لزبون كان خلف سيارتي

قال الخطاً عليك قلنا مو مشكلة خذ التأمين  

وأعطيه التأمين

طبعاً شركة أمانه باقي فيه تقريباً 4 أشهر 

ويقوم حق نجم يطقطق بالجوال  ويقولي التأمين مو مسجل بأسمك هذا بإسم شخص آخر 

وأقول ياهوه التأمين نقلته مع السيارة وشيكت عليه بنظام أبشر  , قال اسمحلي مقدر وراح أحولك على المرور 

وأرجع للسوبر خان ها يا صديق اش رايك تتنازل أو تنتظر إلى بكرة أشوف المشكلة ونرجع نوقف بنفس الموقع

قال مافي لازم مرور يجي وراح موظف نجم واتصل على المرور ونلطع كم ساعه وجاء المرور 

وأعطيه الورقة مع الكرت حق التأمين قال التأمين مو مسجل بإسمك قلت عارف ولكن نقلته عن طريق المعرض 

وشيكت ببرنامج أبشر وهذا هو .. ناظر فيني العسكري قال معك حل من 2 

يا تتصالحون يا أحملك الآن وعلى التوقيف 

وأنا والله أشوف الدنيا قفلت بوجهي خلاص حسيت إني مرتكب جريمة 

أناظر بالباكستاني يا صديق يا هوو كم آخر قال 1200 ريال

أناظر بالعسكري يا الأخو اتق الله بنفسك من الساعه 9 إلى 1 ومأمن وآخرتها على التوقيف بسبب مخش 

والله ما قصر صراحه ناظر للباكستاني وقال وش تبغى وعجبني صراحة أعطاه هذيك النظرة 

تعرفون حقين المرور

المهم إنه الباكستاني عرف إنه مسخها وكأنه قمط شوي من العسكري قال خلاص جيب 600 ريال

قلت 500 وعساك ما تصرفها إلا في تابوت وعلى باكستان

والله وأعطيه وأفتكيت .

وأروح المعرض اليوم وأسأل كيف تنقلون السيارة بدون التأمين وليش مو بأسمي بموقع الشركة

قال لازم تروح للشركة وتغيره بأسمك حتى لو على السيارة 20 تأمين ما تنفعك إلا إذا صارت الورقة بأسمك

فنصيحة با أخوان والله ماتسوى يسحبك فيك أي شخص بسبب حاجه تافهة مثل هذه .

تأكد إن التأمين معك بالدرج وبأسمك شخصياً وتوكل على الله 

واعذروني على عدم التنسيق بالموضوع .












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله المفروض حتى 500 كثيرة عليه
اذا انك متأكد الصدام تجاري حقه ترى صدام الالنترا التجاري قيمته 90 ريال
ورش 100 ريال يعني 190 ريال ويحمد ربه
والمفروض تشتكي المعرض الله ياخذهم المفروض يسلمونك السياره جاهزة 


ذكرتني بموقف صار لي قبل

كان فيه اجنبي يبي ياخذ مني فلوس زيادة ويبي يمرمطني  
المهم العسكري قال انت بتدفع له حقه لكن الزيادة 

خلها علي قلت كيف وكذا المهم العسكري زبدلي وكرشني 

شوي اشوفه جاي يقول خلاص ماعليك شي بس عطهم حقهم وباقي اللي يبونه لاتعطيهم ومالهم شي ههههه

قلت بيض الله وجهك ولا دفعت لهم الا حقهم


up 4 down 2
bandara 1134
قبل 7 سنه



والله إني عارف إنها كثيرة 
ولو شفت صدامه ما تآخذه ببلاش كله محكحك ومرشوش الظاهر بوية مباني 

والله لو سيارته جديدة أو على الأقل صدامه لأقول من حقه يطلب السعر الي يبي 

ولكن هذا هم إذا لقو عليك فرصة ما يرحموك 


up 2 down 0
خالد 3000 838
قبل 7 سنه



يا اخي حتى لو فيه فرصه
مدامه معدوم من اول ماله حق ياخذ حق صدام جديد
كان اعترضت وقتها تقول معدوم ومرشوش بعد ليش تدفع حق جديد


500 ذي حقت يومين بيجلس مرتاح  

الليموزين وصخين ماعنده مشكلة ينصدم علشان زبون ان كسب من الزبون ولا من الي وراه 

يشوف واحد في اليمين وهو يسار ويكسر ولا عليه 


up 7 down 1
shecoo 565
قبل 7 سنه



الله يعطيكم العافية جميعاً 

ولا يحدكم على إلي ما يسوى 

ولكم أحلى لايك


up 1 down 0
خالد 3000 838
قبل 7 سنه



اخوي خالد ...وغيره 
لو التاكسي او اي سيارة مخشت صدام موتر واحد منكم
 وعلية الغلط ١٠٠٪ بدون تامين

بتفكة بكممممم ؟؟ اذا فكيته >> خلهم ذول الاجانب امتحنونا
اما انه اتخلق فجاء هههههههههه صدقني حاس فيك 

المبلغ قريب من الي اخذة بعض النظر متهالك او لا ، كان مديت بالورقة الزرقاء من بدري
بس استرخست الرجال قبللللل سيارتة والنظام والقانون عليك 
بخروجك من مواقف الحق للي وراك لان خطة وانت رجعت علية 

غلطك التفاوض مو صح ، بديت ب ٢٠٠ ريال ،،،، ووقفت لية كمل
اسمح لي قليل انك تفك نفسك طالما الاخ معند ويابس ( ردة فعل الي يسير فيهم ) > فرصة مثل ماتفضلت

ابو عبد العزيز نسيت برد لك سابق ،،،تغيييير الصدامات فورا
 لاي دقة عند ورش وبايكة التقدير ... التابعة لشيخ الورش كمال العيتاني ،شمال جدة 

عوافي ياخالد
بس التامين مو حل دايم ،الاخلاق وسعت الصدر بقبول الانسان صاحب التكسي وغيرة
مفعولها اقوووى


up 5 down 12
aziz..747.. 2421
قبل 7 سنه



أعانك الله ....وسع الصدر الأنظمة ترفع الضغط وتجيب السكر إذا ماطبقت بشكل صحيح ..
يعوضك الله خيرا منها ...أن كان لك حق فلا تخف ...
موفق


up 1 down 0



لو كان صاحب الليموزين سعودي صدقني بتدفع المبلغ اللي يقول عليه ولا بتكون في التوقيف

لكن عشانه باكستاني استقويتم عليه انت ورجل المرور للاسف !!

الغلط عليك انت وتتحمل غلطتك او انك تخلي التأمين يدفع 

كم مرة اشوف سعوديين يضربون الاجانب عشان مخش ولا حكة بسيطة ماتسوى ٥٠ ريال 

لكن لو كان سعودي ماقدر يرفع عينه !

تذكروا ان كل قوي فيه اقوى منه وربك فوق عالم ومطلع عليكم

صحيح ان مبلغه اللي طلبه يمكن يكون مبالغ فيه 

لكن انت السبب ، انت صدمته + تأمينك مهو بإسمك واش تبيه يسوي ؟

لو انت مكانه كان طلبت مثل هالمبلغ وكان شتمته او ضربته !

مالك حق تدعي عليه وعل ان دعوتك قد عادك عليك 


up 10 down 27
هيثم احمد 130
قبل 7 سنه



لو انا مكانك ما ادفعها وامامي حلين

الحل الأول اخذ ال 500 ريال من المعرض اللي مانقل لي التأمين



الحل الثاني خل اروح التوقيف وب اتصال واحد اطلع كفاله والطع ام ام الباكستاني وانشف ابو دمممه
الين العسكري يقول صلح سيارته واخذ سيارته عند اخس واحد بالصناعيه ويسمكرها له ب 200 وقتها خله يعرف كيف المرمطه لعلمك اصحاب التكاسي انجس ماخلق ربي وولي تجارب معهم مايصدق يتبلا علييك عشان يمص دممك وحلاتها من جا قدامه وعطاه ذاك البرررريك اللي يخليه ينشب بصدامك ووقتها يايخيس بالحجز والا يدفع 5000 بدال 500 ريال ولو ان الموقف صار العكس صدقني راح تتنازل ويقولك بابا انا مسكين زعيف



up 13 down 2



ههههعععع

اما زعيف. 

هذي لحالها موضوع


up 3 down 0
ابو-لانا 185
قبل 7 سنه



أنخلق فجأة وراي ولا أدري كيف قدر يوقف في خلال أجزاء من الثانية


صادق والله حصلت معي قبل اسبوووع كامري وقف وراي وما دريت عنه سويت نفسي بنقالي مع انو هوا الغلطان من نقطتين ,,

الاولى وقف وراي مدري كيف لا صوت ولا بوري ولا اي حس

الثانية الراكب من السيارة اللي وراي كان توه نزل وشايفني راجع لورى وما يتكلم

المهم لاني كنت مستعجل سويت نفسي رفيق ^_^ والرجال يقول لخويه انت اطرش ما تهرج !!! حط اللوم على صاحبو وقالي خلاص روه ما يبي شيء


up 1 down 0
ryyan555 703
قبل 7 سنه



ابعرف كيف العسكري يقول يا تصالح أنت وياه يا تروح التوقيف
بأي حق يوقفك شغلت العسكري الوحيده يسوي تخطيط للحادث وتروح أنت وخصمك للقسم
يقدرون أصلاح سيارته على كلام الاخوان صدام تجاري مضروب ب 90 ريال ومسمكر من أول يعني نص القيمه 45 حتى لو أنه أصلي مسمكر
يحسبونه بنص قيمته
زايد رش وتركيب قل 100 أو 150 بالكثير وأذا رفضت تعطيه ذاك الوقت يحق له يوقفك لين تسدد
والله غلطان يوم تعطيه 500 الله يعوض عليك


up 1 down 2
ساقي العين 322
قبل 7 سنه



يقول تعالى 

"ويل للمطففين - اللذين اذا اكتالو على الناس يستوفون - وإذا كالوهم او وزنوهم يخسرون ".

الخلاصة : عامل الناس كما ترضى لنفسك أن تعامل.

وتحية لرد الأخ هيثم



up 6 down 6
rashidy 355
قبل 7 سنه



ياخي هالبنقالية والباكستانية ياخي ملاحظ عليهم يتعمدون احيانن زي هالحركات زي ماحصل مع اخونا
يجيك تكسي مهلوك وصدام رايح فيها والموتر كله مصدم من كل جهة
ويجي يشوف احد بيرجع مثلا طالع من موقف يجي يوقف وراه فجاة وبسرعه عشان يصدمة لو حكه بسيطة عشان ياخذ فلوس وبزيادة بدون وجه حق زي الي حصل مع اخونا يعني قالنا صدام التكسي منتهي ولا يسوى وياخذ عليه قيمة اكثر من قيمتة ولا بعد تلقاه ياخذها ولا يصلح يعني كان 500 ريال جايته كذا باردة مبردة
الزبدة احس اني طولت بس ولله منقهر من هالحركة وكذا مره شفت يجون يوقفون ورا واحد بيطلع من موقفه بسرعه وفجأة بس عشان ياخذ فلوس
وعلى قولتهم الشهيرة سعودي فلوس كثير مايدرون ان نص الشعب مطفر وحالته حالة
واسف عالاطالة بالرد


up 6 down 2



الرد على هيثم أحمد 
أنت أولاً الله يعطيك على قد نيتك 
كل كلامك لو سعودي لو كان سعودي 
لمعلوميتك قبل سنة تقريباً صدمني مصري في الدائري تفاجأ فوقوف الخط وحذف يمين وصدمني في الجهة اليسرى في الخلف
وفك لي الصدام الخلفي وانكسرت النسافة
ومع ذلك طلب المرور وأصر على حضورهم على أن عنده تأمين والخطأ مو عليه وبعد حضور المرور
طلع الخطأ عليه 100%
وطلع تأمينة منتهي وجاء العسكري بيركبة الدورية ورفضت قلت راح أتفاهم معه وجاء يقول اطلب كم تبي بس 
وتركته لوجه الله لأني ما أحب العوض وصلحت سيارتي على حسابي .
الموقف الثاني سوداني معه دنه عند إشارة الصناعية القديمة وحنا في حالة وقوف عند الإشارة ويقوم يغير رأيه بيلف يمين 
والتصق آخر الدنة في الرفرف الخلفي لسيارتي وسحبها معه طعج لي الرفرف شق لي الكفر بالصدام
وطلع بعد ما عنده تأمين ولا أخذت منه شئ تركته لوجه الله تعالى
ولكن صدقت كل شخص يناظر الناس بعين طبعه ويمكن هذه نظرتك للناس 
فرجاء أنتبه لكلامك لأنه يسبب فتنة والرسول عليه الصلاة والسلام قال ( دعوها فإنها منتنه )
وأتوقع الكل يعرف كيف سواقة أهل الليمويزينات وطريقة وقوفهم المفاجأة عند مشاهد زبون بغض النظر عن جنسياتهم


up 6 down 2
خالد 3000 838
قبل 7 سنه



والله انا حكيت يمني قبل 4 سنوات مامعي رخصه اخذ مني 200 ريال كلب 


up 1 down 7
ماشي وين -132
قبل 7 سنه



والله لو اني مكانك كان مسحت بوجهه التراب البنقالي ذا 
قال 1200 ريال
ياخي والله حاجة تقهر و تغبن 
يعني يوم ييجي ويصدمك ينزل كمان شوي يحب على رجولك
محمد مافي فلوس محمد انا مسكين 
اما لما تيجي وتحكه حكة خفيفة يستغلك 
والمشكلة سواقتهم زي الزفت 
في بلده راكب حماره وعندنا راكب الإلنترا ويطامر 
حسبي الله عليهم أبو بكس 


up 2 down 2
little trees -1
قبل 7 سنه



التامين لازم الواحد ينتبة له 
حتى لو باسمك لازم تتاكد متا ينتهي لا ما ياجي الحادث 
الا والتامين منتهي وتنباش :(
اكثر من واحد مامن وباهمالة مايدري متى يخلص 
ويسير له حادث ويورطططط


up 1 down 0
منوعات2014 187
قبل 7 سنه