السلام عليكم

علماً ان انبير الحراره ما ارتفع الحراره عندي ف الانبير ابد واتمتى تفيدوني والسياره الحين واقفه ماعاد حركتها

وعليكم السلام ورحمة الله وبركاته

صلح التهريب 

وعب موية بريستون الي لونه برتقالي هذا ممتاز جدا تبريده عالي جدا لا يغلي ولا يتجمد 

وشيك على غطا الرديتر اذا اسسته ماهي مظبوطه غيرها 

ولا تظيف اي مويه على مويه بريستون البرتقالي لامقطر ولا غير عشان المواد والتركيز ماتخف وتروح الفائده

واخيرا عب قربة الرديته من نفس المويه البرتقالية ولاتزيد مقطر الى كلمة MAX  لا تزيد عليها عشان مايطلع مع الشكمان

قيمة الجالون الواحد 60 ريال تقريا اكثر من 3 لتر ونص 


لاسمح الله مشيت بسيارة وارتفعت الحرارة الى الـH  لازم تسوي الخطوات هاذي 


1-خلك ماشي لاتوقف  ونت ماشي فك المكيف على الحار اخر شي  والهوا على اخر شي 

2-فك القزاز عشان ماتنشوي هههه  وفك الكبوت وهد السرعه تريجيا بدون فرمله زايده

3- وقف  وطف السيارة  وشيك على المويه اذا ناقصة ولا لا  اذا طلع مافي مويه او ناقصه 

اصبر الين ماتبرد السيارة طبيعي بدون ماترش مويه اوغيره  ولافضل تخليه ساعتين حتى تبرد المكينه كاملة

بعدها عب مويه وشيك على المراوح 


شوف انا ما ابالغ في كلامي ولا اسوي اني المهندس الفاهم لكن والله ان كلامي ذا عن تجربه 

واذا طبقت الطرق هاذي راح تتفادى مشاكل كثييييره  اكبرها تلف راس المكينه 

والله يوفق الجميع !

جزاك الله خير بشوف بكرا ان شاء الله ماتكون راس المكينه وهذا الي متخوف منه 

مادام انك تعرف محل التهريب صلحه

وانتبه يكون البلف مسدود

على طاري التهريب قبل فترة اسبوع طرمبة الموية تهرب وغيرتها 
واليوم شفت الي يهرب موية وغيرته ب200 وموية اصلية 

طالما السياره شغاله ولا فيها حراره ما ارتفعت ولا شيء الرأس سليم

عبيها مويه وامشي طبيعي لو التهريب بسيط امشي لحد الصناعية مو مشكله

لكن التهريب من وين اي ماصورة تقصد لو صورتها افضل

بتوقف التهريب مؤقتا
عندك بودره امبرو تلقاها في محلات قطع الغيار
تصبها في الرديتر تسد التهريبات مؤقتا
لين ما تصلح التهريب
بالنسبه للراس ان شاء الله مافيه شي ما دام حرارة السياره طبيعيه ولاتلعب معاك والرديتر مليان

البودرة تقفل التهريب لو كان بسيط مثل الرذاذ فقط او تقطير بسيط

اما لو كان اكثر من مجرد تنقيط ما ينفع الا تغيير الو تللحيم

التهريب كثير انا وقفت بنشر غيرت كفر اشوف اللديتر اشيك على المويه فاضي اخذت مويه اخضر عبيته شوي الا هو من تحت كأنك فاتح حنفيه والماصوره الي تجي من الشكمان للمكينه الحراره ما ارتفعت بس شافها واحد في ورشه ب محطه قالي الله واعلم ان فيها راس لكن خذ الماصوره وغيرها وشوف بعدين رحت باخذ مالقيت قلت بكرا سبت اصحى واروح ادور عليها

وش الماصورة اللي تجي مع الشكمان وفيها موية ؟؟؟؟

عموما طالما التهريب قوي لا تحركها حتى لو تشيلها بسطحه للصناعية لمحل رديترات يشوفها لك

هذي الشغله يسويها محل رديتر وتكلف 300 ريال 
الماكينة سليمه ان شاءالله مافيها شيء حتئ لو التهريب من جهتها