ضعت مع السوناتا 2015 ي عالم .. احد يفيدنا

المجدوعي فرق 5 آلاف بين المخمل والجلد 

انا أفضل المجدوعي ومعروف البراشي مايجيب غير أفضل مواصفات 
وأفضل سعر 

فعلا المجدوعي هو افضل من يجيب مواصفات

انا اؤيد الشباب المجدوعي يوفر علليك 12 الف 
و الشاشه تركبها من اي مكان اذا كنت تبي الجي بي اس 
والناغي بصراحه مستغل الاسم ولكن انا سألت موظف من فرع تبوك 
قالي سيارات الناغي تجي مقفله ما يفكفك وينصب
اعتذر على الاطاله ....

الناغي افضل البريك الالكتروني فخم وحلو وفروعه كثير حتى عند البيع مرغوب ومواصفات اجمل

ما تسوى عليك 100 الف على سياره 4 سلندر وكوري بعد

مراتب جلد تقدر عند محلات التنجيد المتخصصين يحطون لك افضل من جلد الوكالة بسعر 2000 ريال من افضل

الانواع وتطريز افضل من الوكالة

حساسات خلفية كلها 200 ريال

ستائر 1000 ريال كحد اقصى افضل من حقت الوكالة

يعني مواصفات ما تستاهل 

والله غاليه ياصاحبي

توروس ستاندر افضل منها على الاقل 6 سرندل وسياره ثقيله

لا تورط نفسك بسوناتا بذا السعر

على الاقل خذ ازيرا او كادينزا

يا اخوووك والله هي نفس المواصفات نفس كل شي اللهم بس الناغي افلى سعر علشان ماسك وكلاء سيارات فخمه منها رولز رايس وبي ورنج وجاكوار هي كلها مواصفات ومحرك واحد اللهم الوكيل وانصحك بالمجدوعي عيب البريك الالكتروني ما يطول معك يخررب ان المعروف البريك الالكتروني موجوده في البي ام والجاكوار وبالتوفيق

والله منت صاحي تحط في سوناتا 98 الف ريال   يارجال المكسيما صارت ب89 الف ريال والكوري مولع نار على قلة سنع شكل بس عندك خيارات كصيره وشركات وانواع سيارات حرام تحط هالمبلغ في سوناتا 

الفل كامل فيها نقطة عمياء وبريك اكتروني 
شوف المواصفتين ذي عند اي وكيل واشتريها
ولو ب100 الف تراها غالية جدا جدا 
لكن وش تسوي اذا رغبتك بسوناتا 
لو علي اطلعلي جينسس حتى لو زاد في السعر وادفع اكثر شهريا
مادام خربانة خربانة بدفع شهريا 

يارجال 110 خذ لك تورس نص فل
ولا كادينزا وازيرا
موتر 4 سلندر تحط فيه ذا المبلغ

خذ الي تبي ماعليك من احد طالما انك تعرف مشاكله واموره
انا عن نفسي غير مؤيد ان الواحد يدفع مبلغ كبير في 4 سلندر
مهما كانت مواصفاتها

لكن انت اذا حاب السيارة فهذا شيء راجع لك 

سوناتا حدها بكثييير 80 الف اكثر من كذا لا ,, كوري و 4 سلندر !!

على البركه مقدما ،، بالنسبه للشكل القديم الناغي كان يركب على السياره اكسسوارات  صينيه المجدوعي والوعلان كان افضل ، اما الشكل الجديد صراحه مدري عن الافضل. . 

ابوتيما فل وارد خليجي 
اطلع جيبها من الامارات او اي دولة في الخليج 
مواصفات خرافية 
واذا تلقى اوبتيما تيربو 279 حصان 
خذها 

حياكم الله جميعا ً ..
ارائكم على عيني وراسي ومحل تقدير واهتمام .. ولو مايهمني رايكم ماحطيت الموضوع ..
لكن ي جماعه ياليت البعض يركز مساله ذوقك تختلف عن اذواق الناس .. وماهو صح ان انت اللي ذوقك توب ومافي احد مثلك ياخي كل مين ورايه .. ،

بالنسبه للي كانو يتكلموا بمنطق وانها ٤ سلندر .. انا الان راح اعطيكم العلم .. ،

اولا التورسس .. للاسف كانت اول خياراتي وللعلم انا من عشاق الامريكي .. لكن فورد عندنا اليومين ذي الظاهر ماودهم يبيعونها او الموضوع صار واسطات ! لكن للامانه تورس لحقت الافالون بموضوع الاقساط ..

النص فل بدون تنده طلعت اقساطها حول ٢٩٥٠ !!!!!!!! وين عايشين انا عندي دوام بالباحه وايجار شقه وحوسه مو معقول ادفع حول ٣ الاف بسياره ليتها بمواصفات كامله !! " الجنسس فل كامل ٦ سلندر اقساطها ٣٧٠٠ !! " شوفوا الفرق ي جماعه

بالنسبه للي يقول ماكسيما .. انا معك الماكسيما سياره لكن تعال لوكيلها !! انا للحين مدري العيسى وش يسوي .. وفوق ذا انا رايح بمنطقه المعذره ماهي بتوسع مكه او جده .. ومع ذلك مكه للحين مافيها فرع وعلى اخر زياره لي بالباحه ماشفت العيسى اللهم وكلاء له فقط .. لذلك الماكسيما استبعدتها بسبب وكيلها

الفيوجن كانت من ضمن خياراتي وكانت اولى من السوناتا .. وفورد خبروني ان ماعاد فيه ٢٠١٤ وللحين ٢٠١٥ مانزلت !! بجلس انتظرهم إلى متى ..

تويوتا حذفتها من القائمة بعد تجربه سوداء معهم وسياراتهم القرمبع .. ،

كيا لقيت الاوبتيما .. لكن المعذره الاوبتيما مقارنه بالسوناتا بنظري السوناتا افضل وشكل جديد على عكس الاوبتيما .. ،

الالتيما .. الماليبو .. تقريبا مالي فيهم وماحبيتهم .. " المساله هنا في السيارتين ذي مجرد ذوق فما بحثت عنهم ابدا "

الكادينزا لقيت السياحي اقساطها ٢٢٠٠ ريال والشكل لا احكيلكم والله يسد النفس بدون بنوراما طالع شكل السياره مع الجنط مدري وش يبي !!


ذي خلاصه بحثي بالشركات .. وللامانه انا انسان ما انحاز لشركه معينه قد ما انحاز لنفسي وراحتها .. ،
وان كان على موضوع سياره ٤ سلندر وب ١٠٠ الف .. الان الكل فوق الميه !
الكامري ، السوناتا ، الماليبو توصل حولها ، اغلب السيارات ان ماخاب ضني " اتكلم عن الفل كامل "


والله يبارك لي ولكم جميعا ً ..

انا لو مكانك اخد النيسان باثفايندر او المازدا cx9 ب 100 الف

معليش ع الشطحه بس والله حرام تدفع فوق ال 10000 في سياره 4 سرندل ومكينتها نفس مكينة الشكل اللي قبل اللهم اختلاف في الشكل 




عارف انك ماطلبت رأينا في سياره ثانيه لكن حطيت نفسي مكانك والله حرام .. اقل حاجه طق لك كادينزا نص فل دفعه اولى 10000 وقسطها 1629 ريال وبتطلع عليه 129000



ومكينتها 6 سلندر 290 حصان عزم جبار ووسيعه من داخل ..


مجرد رأي والله يسهل امورك 

إنطباعك عن الكادينزا غريب !!
عموماً أنصحك خذ من الوكيل اللي بمنطقتك يعني أنت بالغربية ؟ = الناغي , موفق 

الغالي الله يرزقك دامك مقتنع في السوناتا وتبيها وجايز لك شكلها ومركبها توكل على الله


بالنسبة للفروقات حبيت اوضح لك ان اللي عند المجدوعي اذا كانت بالمواصفات هاذي فهي مهيب فل هذي نص فل الدفعة الثانية ، يعني بكلامك تقول ان فيها كاميرا خلفية وشاشة صغيرة حقت معلومات معناها انه ينقصها عن الفل كامل اللي هو شاشة بنفقيشن وتبريد وتسخين امامي ترى فيها في الفل وتأكد انها موجودة في وارد الناغي



انا مريت الوعلان او مانزلت وقال لي فيه نص فل ثنتين الثانية اللي هي تجي بانوراما وجنوط الخ ...


والنص فل الفئة الاولى هي اللي تقول عنها تجي ستائر جانبية وخلفي وجلد وكاميرا ونقطة عمياء ورادر يوم قلت له وش تفرق عن الفل ذي ماشاء الله فل قال تفرق تسخين وتبريد وشاشة بنفقيشن واذا ماخاب ضني اللي شفنها كان بريك الكتروني انا شايف النص فل الفئة اللي الاولى زي اللي انت ذكرتها وارد المجدوعي



واذا بغيت نصيحتي اذا الفرق 200 الف زدها وطق فل مابعدها وريح عمرك اهم شي تأكد من التسخين والتبريد والنقطة العمياء والرادار والستائر الجانبية مع الخلفية وتأكد ان الصدام فيه رشاشات موية الخ ... انفش الموتر نفش وبالتوفيق ياغالي

شباب انا من مكة،،ان شاء الله بدرس في الشرقية،،
فايش أفضل وكيل لي??