تركيب زنن سوناتا 2015

نصيحة لله ركب حق الوكاله دامه موجود ولو فرق السعر لان هناك كمبيوتر وظفيره مثل ما تفضلت في الموضوع ذي ما تتحمل توليف
لان التوليف ممكن يضبط بس نادر
انت وحظك حسب نوع الزنون والكتاوت اللي انت اخترت هل تناسب كهرب موترك والكهربائي اللي اشتغلها اما حق الوكاله يكون موزون مع ذي كلها وحتى بلاستيك الشمعات ما يبهته فيها مع الوقت والله يوفقك

انا باعطيك تجربتي من ناحية الزنون سيارتي سوناتا2013
ولي فترة طويلة ادور واسال عن الزنون واغلبهم قلي يلعب بالكهرباء ويسوي مشاكل 
فسحبت عليه ورحت اشتريت لمبات الماني وركبتها ماشاء الله الاضاءة اعلى والنور ابيض ساطع ومرتاح 

أهم شيء لاتركب في محلات الزينه 

و أبعد عن الزينون الرخيص

مالك الا متجر هيونداي  بالانستقرام 
mtjarhyundai

انا مركب على سوناتا 2012 عالي وواطي ولاجاها شي 
والان مركب على كادينزا 14 

والطريقه هي :

- ظفيره اصليه لون اسلاكها اسود واحمر يجي معها فيوز و كتاوت 
- محولات 35 واط او 55 واط وانتبه من 75 و 100 واط لانها رح تحرق لك العدسات من الدخل وتشطب لك القزاز 
- عند لونين يركب عليها 4300 كالفن يسمونه ابيض كرستال لكن رح يفرق معاك في الليد الامامي 
الافضل تركب لون 6000 كالفن لانه نفس لون الليد الامامي 
- نوع الشمعه في صيني درجة اولى وفيه كوري وابتعد عن الصيني ابو 50 ريال لانه رح يرمش اول مايشتغل 
اخر شي شمعات السيارات الكوريه يجي لها اغطية من الخلف رح يخرم لك الغطاء ويركب اللمبه من وسط الغطاء 
اهم شي يركب الجلده عشان مايدخل غبار داخل الشمعات 
- نجي للتكلفه رح تكلف من 350 - 500 ريال عاد انت وشطارتك طبعا هذا للصيني 
اما اذا بتركب دينسو الجيل الرابع مع لمبات H7 معدله فرح يكلفك حدود 1500 - 1700 ريال 
نصيحه : الواطي ركب صيني درجة ممتازه لانه يفي بالغرض اما العالي الافضل تركب دينسو لانه سريع في التكشيح 

هذي خلاصة تجربتي مع كهربة السيارات الكوريه واي استفسار انا حاظر 

موفق 

يعطيكم العافيه وشكلي بروح الوكالة وبركبه مع ان سعره 1350 

وانا عندي محولات وزنن جاهزين اقدر اركبهم بس والله مابي اخاطر خصوصا ان الموتر جديد 

شكرا لكم