تغيير صفاية الالنترا وصيانة الوكاله تجربتيى لها
16
8
إضغط هنا للإخفاء
السلام عليكم ورحمة الله وبركاته
اليوم طلعت شريت زيت موتور كرفت ونويت اغير برا بحكم ان الصيانه المجانيه انتهت عندي
للاسف كل البناشر رفضو التغيير
بترومين ايضا رفضوا
اضطريت ارجع للوكاله اليوم وقلت ابي اغير زيت بس الزيت من برا
قلي مافيه مشكله ناخذ حق شغل اليد بس قلت مو مشكله اعطيكم اللي تبونه اهم شي اغير الزيت اللي ابيه
وبنفس الوقت قالوا لي عادي تقدر تغير مثل ماتبي وتبقى سيارتك عالضمان لو تجيب زيت من برا
طبعا اليوم قلت بالمره ابي اغير صفاية البنزين وغيرتها قيمتها 80 ريال
لكن ماتوقعت ان تغييرها صعب
كانت جوه الطرمبه ولازم تفك المرتبه الخلفيه وتفك الطرمبه تطلعها كامله وتفكها قطعه قطعه لحد ماتطلع الصفايه
نزلتكم الصور للي حاب يعرف كيف وضعها
الطرمبه فيها كلبسات خفيفه ممكن تنكسر لو احد ضغط عليها عشان كذا انتبه وقت التغيير وخل عينك عليهم
بخصوص الزيت واللي اعجبني فالوكاله
عندهم التغيير كل 10 الف يعني اجيهم اذا مشيت 40 الف
قلت ابي اغير الزيت بعد 15 الف كيلو يعني بجيكم اذا مشيت 15 الف
قال عادي نغيره ونسجلها فسجل صيانة السياره
لاني ناوي اغير كل 15 الف كيلو
والمميز فالوكاله انهم تاركين العميل على راحته
تبي تسوي صيانه دوريه كل فتره تزيد القيمه حسب الجدول وتحت الضمان
تبي تكتفي بتغيير الزيت كل فتره وتحت الضمان
تبي تجيب زيت من برا وتغير تحت الضمان وياخذون شغل يدهم وتبي تزيد فترات التغيير او تنقصها انت بكيفك وهذا اللي ابيه
لذلك بستمر عندهم على طول اغير
خصوصا انه مافيه زحمه لكثرة مراكز الصيانه الموزعه فالرياض وهذي مزيه اعتبرها بعض الوكالات تطبقها
وهذا اللي حبيتكم افيدكم فيه
إبلاغ
الردود
0
1
المحطات عندنا بنزينها وصخ خصوصا اني راعي خطوط والمحطات اللي فالطرق السريعه حالتها حاله واكيد بتلقى اوساخ تجيك فالتانكي بسببها
الاوساخ تمسكها الصفايه
يوم جلست اقلب فالصفايه نزل اوصاخ منها
تغيير الصفايه بالنسبه ماله علاقه بالوقت كم سنه صار لها
له علاقه فالممشى والمحطات
وقد ماتعطي سيارتك راح تعطيك
5
6
3
4
انت تشوف شكل الصفايه من برا انها جديده ؟
لكن تعال بعد فك الصفايه وكب البنزين اللي فيها وشوف وش لونه بيكون
لو دريت بعت لكم الصفايه هههههههههههه
سيارتي ماشيه 30 الف مديل 2015
1
4
السياره ما كملت 8 شهور تقريبا من طلعتها من الوكالة و ماشيه 30 الف وتغير الصفاية
هذي وسوسة معليش ماهو اهتمام حتى فلتر الهواء الخارجي وهو معرض للاتربة
باقي المفروض ما يتغير بالوقت هذا كيف تغير صفاية البنزين
انا اشوف اهتمامك بالسياره اكثر من اهتمامك بصحتك يا شاقح
بدل ما تغير فلتر او صفاية البنزين كان الاولى تصرف المبلغ بشيء اولى منه بكثير
تغييرك لها مجرد تضييع فلوس ووقت بدون اي فائدة
حتى لو تقول كان فيها وساخه لو فيها وساخه فعلا كان السياره صارت فيها تفتفه وثقل بالعزم وتكتيم
ولكن صوت وعزم السياره ما اختلف ابدا
واللون الرصاصي اللي ينزل منها هذا من الرصاص بالبنزين
يقولون لك بنزين خالي من الرصاص ولكن ليس خالي من الرصاص تماما
فيه نسبة بسيطه وهي اللي تشوفها تنزل من الصفاية ولا عليها اي ضرر حتى لو كانت كثيرة
9
2
وغيرت الصفاية بعدها ثلاث مراتكل 30 الف كل مرة القى البنزين نظيف اجي اكب البنزين يصب موية ما تحس بنزين وبعدها قررت امشي على الفلتر اقل شي 60 الف
لذلك اعتقد البنزين عندنا ممتاز وسمعت خبر بصحيفة ان بنزين السعودية افضل بنزين بالعالم طبعا اذا سلمنا من غش المحطات ووصاخة خزاناتهم
2
1
المشكله عندنا فمحطات البنزين خصوصا اللي عالطرق السريعه هذي مكن تانكي واحد يعبيلك معاه شوية تراب وانت بكرامه
0
1
هذا عيب الاكسنت والالنترا
الجالس في الخلف في النص جالس على الطرمبه ذكرت المقطع الي جالس تحت صاروخ بعدين طار هههههه
4
5
2
0
لقيت لي هونداي انترا الوعلان نص فل
طبعا معروفه تماتيك اشارات بالمرايا وليد وكشفات تحكم بالريكسون
المهم موديلها 2015 ماشية تقريبا 30 الف
اللي بشتريها منه المستخدم الاول لها وبوديها على الشرط
والرجال حدها على من النهايه يقول 45 الف ويش رايك ونخوك فيها
1
0
اخوي مشاءالله معاه وحده2013 لها سنتين وشوي مشى عليها 145الف مشاءالله ماغير ولامسمار فيها بس فحمات وكفرات وع 90الف غير زيت القير وقبل كم يوم غير بواجي وهي اصلامافيها شي بس حس انها قدمت غيرها بي 20ريال ههههههههه تافهه جدا اسهل من فك الكفر بس نسيت كم اخذها اتوقع اقل من 100ريال
شاقح هذي السيارات الواحد ياخذها عشان يوفر فلوووس لانها ماتحتاج لصيانه
2
3
سيارتي لها سنتين و 7 شهوروماشية 137 الف
امسك خطوط 1200 كيلو واعبي من محطات الطريق والأمور طيبة
5
0
الوكاله يقولون ع ٩٠ الف ولد عمي توه مغيرها انترا ٢٠١٢ ماشي ١٢٠ وغيرها من راسه لا ضعف عزم ولا تفتفه ولا شي لكن حرص زايد
2
0
0
2
انا غيرت فلتر البنزين للتوسان بعد اربع سنوات اسخدام وماشاء الله باقي فيه عمر واستغرب الميكانيكي يقول ليش تغيرة ..
2
1
ابراهيم التركي
ههههههههههههههههههه
من فين جبت ان اللي طلع من الصفايه رصاص بنزين والبنزين 91 خالي من الرصاص ؟
1
0
0
0
قبل 9 سنه و 9 شهر