أضف سؤال أو موضوع جديد          

هاشتاق قاطعو _وكالات_السيارات

up 18 down 5
عبدالحميدد 606 44
قبل 6 سنه و 3 شهر



: : قاطعوا_وكالات_السيارات 

ارجووو من الادارة عدم حذف الموضوع لأهمية تكفون

### قاعدة اقتصادية تقول:
قيمة السلعة تخضع للطلب والعرض، فإذا انخفض الطلب وزاد العرض انخفضت السلع والعكس بالعكس. 
وعمر بن الخطاب يقول عن السلع الغالية: أرخصوها بالترك. 

### واقع السوق العالمية: 
-الآن البترول نزل ل 50 دولار للبرميل بعد ما كان 130 للبرميل الواحد، 
-تكاليف تشغيل المصانع انخفضت بكثير 
-تكاليف الشحن وتصدير السيارات للدول المستهلكة منخفضة جداً لانخفاض البترول 
-أيضاً وكالات السيارات المحلية قاعدة تستورد سيارات بقيمة أقل من السابق، لكنها تعرضها للمستهلك بنفس قيمة السنوات الماضية!! 


هاشتاق : قاطعوا_وكالات_السيارات 


### سوق السيارات محليا: 
المراقب لسوق السيارات محليا -وهي سوق كبيرة- راح يجد نزول بطيء في الأسعار، لكنه دون المأمول من المستهلكين. والوكالات تحاول الصمود أمام رياح الرخص وعودة الأسعار لنصابها الصحيح. 

### تعرفون ايش المشكلة؟ 
المشكلة فيه الآن قوة شراء كبيرة، والطلب كبير ومتغلب على العرض، والسيارة تاخذها من الوكالة بالانتظار!! 

### المقترح: 
تعاون المستهلكين والمواطنين وتكاتف الجهود في حملة مقاطعة وكالات السيارات، وإشهار الحملة على أوسع نطاق، بهدف إدخال السوق في ركود خلال هذا الشهر. فيتزامن رخص البترول مع المقاطعة فتتهاوى أسعار السيارات أمام رياح التغيير العالمية. 
الركود بطبيعة الحال سيؤدي لنزول الأسعار، كحال ركود السوق العقارية الذي أدى إلى انخفاض الأسعار تدريجيا. 

هاشتاق : قاطعوا_وكالات_السيارات 

### أهم الوكالات التي تملأ السوق السعودي: 
1- تويوتا ولكزس عبد اللطيف جميل 
2- هيوانداي 
3- فورد 
لو رخصت هذي الوكالات ستتهاوى أسعار المنتجات 


هاشتاق : قاطعوا_وكالات_السيارات

انشروه وادعموه بتويتر والمواقع والمنتديات والواتس أب وووو... وراح تلاقون النتيجة بالقريب العاجل. 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكله تقاطع الوكالات تطيح بالشريطيه ..

كالمستجير من الرمضاء بالنار


up 4 down 0
العمري عبدالمحسن 238
قبل 6 سنه و 3 شهر



اخوي المقاطعه غير نافعه الا لو بتشتري من دول الخليج المجاوره

اذا تبغى تقطاع من جد المفروض نقاطع سوق السيارات المستعمله مافي غير اسعار مبالغ فيها والسيارات مضروبه وفيها مشاكل
تشيب شعر راسك

عشان كذا الناس تبتعد عن المستعمل وتروح للجديد وتشوف الطلب عالي جداً في الوكالات 


up 1 down 1



والله لو انقاطعهم شهر انهم غير يتأدبون 


up 2 down 0
رسمتك وهم 129
قبل 6 سنه و 3 شهر



وين تقاطعهم والبنوك شغاله في المنتهي بالتمليك رح شف الراجحي اللي بخريص وتعرف 
وانا مؤيد للمقاطعه حسبي الله عليهم اقل سياره حلييله قيمتها فوق ١٠٠٠٠٠ ريال


up 1 down 0
saad 6666 6
قبل 6 سنه و 3 شهر



اقول راعي الموضوع لا تتعب نفسك ما اقول لاحياة لمن تنادي ... وانا اتحداى اذا ربعنا قاطعوا الوكلاء .... اهم شي المظاهره الكذابه


up 0 down 1
سلطان 2009 315
قبل 6 سنه و 3 شهر



اجل قاطعو ماعندهم سالفه زي الببسي اول مازودوه نص ريال قلتو قاطعو وثاني يوم الناس تشتريه انسى 


up 0 down 1
قودزيلا -63
قبل 6 سنه و 3 شهر



لو ينتشر الهشتاق 
راح تنزله صحيفة  سبق 

طبعا إذا نزل بالصحيفة راح يوصل لكل سعودي

كل واحد ينشر الهشتاق بس واصبر


up 0 down 0
صبي بني بشر 475
قبل 6 سنه و 3 شهر



صحيح المقاطعه راح تاثر عليهم اكبر دليل فيه سيارات يكون سعرها 100 ولما يشوفون عدم وجود مشترين يصير سعرها 80 !


مثل مثلا الاوريون من موديل 2012 طاح سعرها لعدم وجود مشترين


والان يحاولون يغيرون الشكل لانهم حسو ان الناس بدؤؤو يشترون سيارات بديله من شركات ثانيه "


up 0 down 0
07sbeshal 1344
قبل 6 سنه و 3 شهر



يارجال محد صامل كلهم يقاطعون شوي ثم تشوفهم بالوكالات ! لكن الفكرة لو اتبعها الشعب فبيعقلون التجار لكن اقنع الناس تتبعه..


up 0 down 0
fahad11-11 160
قبل 6 سنه و 3 شهر



هههههههههه المشكلة تدري وين ؟

ان اللي بيدعم الهاشتاق ويقول بيقاطع هذا اللي اصلا ما يقدر يطلع وكالة زي حالتي 
أما اللي معاه كاش ويبغى سيارة وكالة بيشتريها وبدون ما يفكر في هاشتاق وغيره 
واذا فكر في الهاشتاق بيقول أنا واحد وما رح تفرق مع احد سواء شريت أو لا


up 0 down 0
w1w1 2206
قبل 6 سنه و 3 شهر