شريت النترا 2011 وودي أسوي لها صيانة محتاج خبرتكم

روح محلات القطع وسعر على كيفك وأرخص واحد اشتري منه هههههه

هنا السؤال اخي السفير وين اماكن المحلات حقت هيونداي في جدة ؟؟ 

حياك الله اخوي الموتر اذا بتعطيه وجه زياده بياكل منك زياده
فيه اشياء مو ضروري تغيرها 
فيه واحد بجده تركي صراحه شغلة امانه ويشتغل بضمير
واذا القطعه ماتحتاج تغيير يقولك مايحتاج
انا من رايي دامك متحمس
تروحله وتقوله شيك على السيارة بالكامل وش تحتاج من قطع
شغلته العظلات والقير والمكينه يعني فنان في الميكانيكا
الرجال موقعه في جنوب جده 
توصل عن اشارة كبري المعارض تاخذ يسار وتروح سيده الين يجيك تقاطع المعارض
وتديور كانك راجع للكبري يجيك قطع غيار النهدي على اليمين
تلف بعده يسار محله رابع محل على اليمين قبل قطع غيار الميزان
اسمه ماهر التركي
الرجال امين وماهو طماع شغله رخيص وبيضبطلك الموتر
وقوله جايك من طرف صاحب الكامري الامريكي 2009 الابيض فل الفل ههههههههه
واي خدمه انا حاضر اخوي

اسف محله رابع محل على اليسار مو يمين

الله يجزاك خير يالرفاعي ,, طيب والمساعدات والزيوت وكذا لك خبرة وين ممكن احصل واحد عارف الوضع تمام ؟ 

برضه يشتغل مساعدات ويغيرلك زيت القير واي شي تبيه
ومحلات القطع كثيرة جنب المحل وبيفيدك في اي شي 

وعليكم السلام ورحمة الله وبركاته .

ياحبيبي أول شي غير الزيوت كاملة .
وبعدين خلي ميكانيكي يشيك عليها بالكامل زي ما قال الرفاعي .
واكتب القطع اللي يقوللك عليها بورقة وسوي الورقة نظام جدول 
القطعة - اصلي - تجاري 
وتحت اسماء المحلات
وخلي كل محل يسجللك فيها سعر كل قطعة لحال والسعر الاجمالي لكامل القطع.
وبعدين قارن بين الاسعار  حقت المحلات وخذ الأرخص .

ههههه ^^ صراحة فكرتي اعجبتني وودي اعطي نفسي لايك
مدري كيف جات .:)

النقاط اللي بذكرها أعتقد مالها داعي

اولا التلميع شيء راجع لك لكن ألاحظ إنه يخرب لمعة البودي

ثانيا زيت الفرامل مايحتاج تغيره

ثالثاً المساعدات تعيش اكثر من هالممشى

رابعاً سير المكينه إذا كان ثلاث سيور غيرها اما سير واحد يمشي الى 200 الف

خامساً الفحمات والهوبات ممكن تكون سليمه فقط شيك عليها

سادساً : المكيف إذا بارد أتركه على ماهو لاحد يلعب عليك



بالنسبه لبودي السياره حاول تسدد وتقارب إللي يتصلح بسهوله سمكره اما اللي تشوف فيه تغيير قطع افضلك تتركها

لان البودي مايهم ماراح يعطلك خله وقت تكون معك فلوس وفاضي تصلحه

أبداً بالمهم زيوت عضلات كفرات قطع استهلاكيه

وبعدها ضبطها

السلام عليكم

اخوي عندك بترومين تقدر تسوي زيت المكينة و القير عندهم و عليها ضمان زيت الدركسون و الفرامل و ماء الرديتر
و ماء المساحات و فلتر المكيف كلها رح يشيك عليها في بترومين وقت ما تغير الزيت و الناقص يزيده

ملاحظه الرديتر اذا فيه موية اصليه زيدها بس اما اذا كانت موية عادية سواء شرب ولا حنفية غيرها لأصليه احسن

الريموت من كيلو2 هناك مافي اكثر من محلات الزينه و كلهم يركبوها لاكن ما انصحك تلعب بكهربة السيارة

الفحمات سعرها حول 200 اصليه تتركب عند اي بنشري

البواجي المفروض تتغير على 100 الف بنسبة للالنترا لاكن ما تعرف اذا اللي قبلك غيرها ولالا
على العموم هي سعرها 80- 90 ريال و التركيب 30 ريال
اسلاك البواجي او الاكويلات سويلها فحص فقط لا تغيرها اذا طلع فيها واحد خربان غير الخربان فقط
لان اسلاك البواجي عمرها طويل لاكن احيانا تخرب بدري

سير المكينة حول 100 ريال اصلي لاكن انا ماشي عليه 200 الف و مافيه شي ماتحتاج تغيره




الاشياء اللي اشوف ان يبغالها تغيير

1- زيت مكينة
2- زيت قير
3- بواجي

الباقي تشييك فقط و زيادة اذا كان فيه نقص

و الله يعطيك خيرها و يكفيك شرها

اخوي لا تنسى تشيك على البطارية لا تجي يوم تطفي السيارة و لا عاد تشتغل معاك
لان عمر بطاريتها سنه و نص تقريبا و انصحك تركب هانكوك سعرها كويس و تعيش اكثر من اسي ديلكو
بحكم اني جربت الاثنين على نفس سيارتك

الرد على استفساراتك على النحو التالي :
1- التلميع الداخلي والخارجي شي راجع لك اذا تشوف الموتر مراتبه وداخليه محيوس لمعه لكن اذا مايحتاج حرام تخسر نفسك لأن مرده بعد فترة بيتوسخ اذا كان الوسخ بسيط تقدر تشتري لك سفنجه وملمع وتلمعها بنفسك وتكنسها وتغسلها وتطلع وردة ، لازم تطلع بأكثر فائدة من الموتر وبأقل الخساير حرام تدفع فلوس في اشياء مالها داعي وانت من مشتراك لها واضح انك تبيها تخدمك وعلى قدك يعني لو بتسوي كل هذا فيها بيصير قيمة سيارة ثانية اعلى منها فئة
2-التظليل مافيه مشكلة ظلل مثل ما انت تبي
3-الزيوت غير المكينة وشيك على زيت القير ، الدركسون والفرامل لاتلمسها الا اذا كانت ناقصة زودها بأصلي بس
4-المساحات موية عايدية توفي بالغرض لأنه مجرد منظفة للقزازة ، الرديتر شيك عليها ولو اني اشوف توها وحرام تتغير خلها لين 200 الف وبأذن الله بدون مشاكل بس الاهم من ذلك لاتزيدها موية عايدية خلك على المقطرة ولا دبة اصلية 5-البواجي والاسلاك اذا الموتر مافيه تفتفه ولا فيه اي مشاكل تذكر لا تلمسها
6- السير اذا كان ربل وتبي تغيره بكيفك ولو اني اشوف توه بعد يمشيك 7- المساعدات والقربعة اللي تقول رح شيك على الموتر أول لاتحكم ، يمكن الصوت من الديكور ولا من البطانة مهب على طول تحكم على المساعدات وترى عمرها طويل ولا تغير شي مهب تالف
8- الفحمات دامك تقول قوية ولا فيه مشكلة صرصرة او مشكلة تذكر ليش تغيرها حرام هذا تبذير الفحمات ممكن تقعد فوق السنتين واكثر اذا كان الاستخدام كويس انا السوناتا جلست سنتين وسبع شهور وغيرتها فيها الربع

9-الهوبات ماله داعي تشيك دام مافيه صوت ولا تسبب في رجة أو احتكاك
10- المكيف دامه كويس وتبريده زين غير فلتره ب 20 ولا ب25 ريال وتوكل على الله
11- الريموت بكيفك بتركب ركب لكن اهم شي تأكد انه مايجرح اسلاك الظفيرة ولا يدمر عليك علبة الفيوز اهم شي الشغل النظيف
والدقات اللي في الموتر تقول عنها انت ادرى بها كانها قوية او مخربه شكل السيارة وبتعدلها بكيفك والصدام الخلفي انت تقول حكوك ليش تغيره رشه دام مافيه كسر قوي ، حتى لو فيه شق بسيط يزبطونه حقين الفيبر وترشه ويطلع وردة

خلاصة الكلام اطلع بأفضل النتائج وبأقل تكلفة

بالتوفيق واسف على الاطالة واتمنى افدتك

1- شيك على الكفرات اذا انك راعي خطوط 

الله يعطيكم ألف عافية والله ياشباب ما قصرتوا ,, أفدتوني جزاكم الله خير ,, 
بإذن الله سيتم الاخذ بنصايحكم والكفرات شيكت عليها اول شيء والحمدلله سليمة ومافيها اية مشكلة ..

الله يعطيك خيرها ويكفيك شرها يارب
خوي سؤال لاهنت حول كم اسعار الموديل الجديد اول مانزل الفل والنصف فل