لفئة الفل كامل هل يوجد فرق بالمواصفات بين الوكالات الثلاث

هالمبلغ نصيحه اخذ افلون وﻻ على الاقل توورس افضلك من السوناتا

ابو احمد 
اتوقع والله اعلم في اختلاف بالمواصفات بشي 
بسيط شاشة او كاميرا خلفية. لكن تأكد 
بس لاتأخذني. الحين ١٠٥ و١٠٦ كاش ولااقساط 
يعني انا والله معايا سيارة ياباني ياباني وموديل حديث
لكن اتمنى السوناتا ذي وماشالله مايحتاج 
لكن احس فوق ١٠٠ كثيرة عليها 
سواء هي ولاكامري ولااكورد. وجهة نظر ومبروك مقدما

المثل يقول كلن بعقله راضي 

والسوناتا ممتازه وما بها خلاف اذا انت ناوي ع السياره ومافي بالك الا هي توكل على الله واشترها سياره جميله وتطورت للأفضل 

من ناحية الثبات والعزل والنعومه والسلاسه في القياده وشكلها الجذاب يعطي انطباع بأنها من السيارات الفخمه وليست من المتوسطه 

بالنسبه للافضل .. نصيحتي لك مر الوكالات انت بنفسك وشف الفروقات وسجلها بورقه وقارن بينها 

اللي يناسبك توكل على الله وخذها منه والافضل تاخذ من وكيل منطقتك 

المجدوعي والوعلان في الفل تقريباً دايم زي بعض مايفرقون

لكن تأكد اخاف وحدة منهم مافيه تسخين وتبريد ترى الفل فيها والستائر الجانبية بالاضافة للخلفية وشاشة وكاميرا وحساسات ولا تنسى بعد رشاشات الموية اللي في الصدام ترى بعضها مايجي فيها انتبه وباقي المواصفات المعروفة

مع اني اقترح عليك تلقي نظرة بسعرك هذا على الكادينزا 2015 ترى سعرها حول السوناتا ب 111 وعليها فل الفل ، طبعاً ذكرتها ليس عشان تشتريها لكن يمكن انك غافل عنها او تجهل سعرها ف حبيت انبهك للشغله هذي وهذا رقم الاعلان 6830810

مجرد وجهة نظر

تحياتي لك

بعيداً عن الموضوع.

السوناتا بـ109؟ 

والله زمن..
كم باقي لها وتنفش ريشها بعد اكثر وتصير بـ170 بس؟ 
لكن السوق يخدم وبقوه ماحد يقول لا ولاحد يقاطع ولا في اي توعيه..

105 تاخذ افالون ستاندر فئة اعلى من فئة السوناتا 

او على الاقل زدها شوي وخذ كادينزا فل الفل 110

لكن والله حرام السوناتا فوق ال100

صح موتر يخدم وينفع لكن لكل موتر حقة فلا تعطيه زيادة

على فكره ترى الوكلاء الثلاث بيلغون فئة السوناتا اللي تتكلم عنها ذي بالسنه الجايه 

والدليل ، انهم نزلو فئتين للنص فل الاولى بدون بصمه وسعرها بـ 88 الف والثانيه بصمه وسعرها 93 الف  ( وهذي اللي راح تكون اعلى فئة مستقبلا )

وسبب الالغاء لانهم عارفين ان الناس مستحيل تدفع 100 الف على 4 سلندر خصوصا اذا كان كوري ، ثاني حاجه ممكن تكسر سوق الازيرا وهذي مصيبه ( نفس نظام عبداللطيف جميل يوم انه رفض ينزل الهايلوكس 6 سلندر عشان مايكسر سوق الشاص )

وللمعلوميه ترا الوعلان والناغي كانو ينزلون فئة 4 سلندر للازيرا لكن قطعوها عشان ماتنافس السوناتا ( باستثناء المجدوعي )، ايضا الوعلان والناغي نزلو فئة للفل كامل بالازيرا مكينها 3300 سي سي واسمها DGI لكن قطعوها عشان ماتنافس وتكسر سوق الجنيسيس 

والله افضل الكادينزا اللي بسعر 111900 ع السوناتا بكثيرررررررررررر


وانت وميولك يالغالي 

والله يوفقك

بهذا السعر فيه بدائل 

لو تروح للمعارض تلقى نفس السيارة و السعر فرق أقل شيء 5000

الف شكر للجميع ،، السوناتا الشكل الجديد معششه براسي ادري انها غاليه
لكن ماقدرت اوقف التفكير فيها :)

طيب خذلك النص فل..

طيب خذلك النص فل..

بالنسبة لمواصفات الفل الكامل اللي شفتها انا .. الشاشة الكبيرة ونقط عمياء حساسات امامية مراشات للشماعات الامامية ستائر جلد م ادري اذا فيها تسخين او تبريد مراتب .. بس هذي المواصفات اذا بتطلع فل تأكد من وجود هذي المواصفا وركز على النقط العمياء .

مرشات للشمعات.×^ سوري