أضف سؤال أو موضوع جديد          

يجب ان تاخذ موعد من وكلاء السيارات حتى لايضيع حقك

up 18 down 3
sc_est 717
قبل 6 سنه و 3 شهر



السلام عليكم
اسعد الله اوقاتكم جميعا
اليوم حصل لي موقف بشركة الوعلان وحبيت الفت نظر الجميع 
للنقطه ذي حتى لا يضيع حقك مع الوكلاء

يوم السبت تعطل علي المكيف فجأه ورحت وكالة الوعلان دخلتها على الضمان
استلموها وقالولي تستلمها يوم الثلاثاء استغربت انهم دخلوها
فورا بدون موعد قلتله مايحتاج موعد قال لا تدخل فورا
طبعا استغربت لان قبل خمس شهور دخلتها ورفضو رفض
قطعي تدخل بدون موعد  المهم دقوً علي اليوم وقالولي
تعال استلم موترك ماصلحنا فيه شي لان القطعه غير متوفره 
وتجي بعد اسبوع وبعدها جب الموتر لنا رحت لهم ورفضت استلم الموتر لان المكيف
ماهو شغال قلت اني استاجرت سياره ٣ ايام وبالاخر تقولو خذ الموتر وتعال بعد اسبوع
ابي موتر بديل رفضو قالو مايطلعلك موتر بديل قلت ابشتكيكم للوزاره قالو اذا ماتدل دربها
ندلك انت داخل بدون موعد ومايحقلك شي قلت له وليه ماعلمتوني انه لازم اخذ موعد قالي مانعلمك
كلمت الوزاره قالو لازم تجيب لنا موعد خطي منهم وموعد التسلي م وبعدها تشتكي


الزبده الان الوكالات استغلت النقطه ذي وماعادت تعطي موعد خطي
لاجل تتهرب من المسؤوليه امام الوزاره
لاتدخل موترك الا بموعد خطي منهم لاجل تقدر تشتكي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حسبنا الله ونعم الوكيل والله ياخد بحقك منهم والحق مايضيع


up 5 down 0
أبونواف00 803
قبل 6 سنه و 3 شهر



امين ربي يحفظك
انا ودي تنتشر هالمعلومه لاجل الوكلات مايلعبون عالناس ويستغلون الثغرات البسيطه حق الوزاره


up 6 down 0
sc_est 717
قبل 6 سنه و 3 شهر



مشكور على التنويه وجزاك الله خير


up 2 down 0
محمدال الدوسري 71
قبل 6 سنه و 3 شهر



كيف اجيب موعد خطي وبالاعاده المعوعد اكتروني او عن طريق الجوال


up 2 down 0
asalami 2179
قبل 6 سنه و 3 شهر



وزارة التجاره اصلا ماتسوي الا القليل وماتقدر تهجد الوكلاء
لان الوكلاء لهم ظهور كبيره

هذي المتحده قفلو فرعها فخريص ورجعوا فتحوه !!

مجرد حركات قدام الناس بس
بعدين انتم منغرين في الوكلات المنتشره مثل فورد هونداي تويوتا وغيرها ان خدمتهم سريعه 
من كثر الزحام عليها لازم تاخذ موعدوبعد الموعد تجي يحددون المشكله بعدين يعطونك الحل

اعتقد لو تجربون سوبارو بيجو مابتلقون هالمسخره عندهم
نظرا لان الوكاله فاضيه ماعليها ضغط فتخش باي وقت وانت مروق


وعليكم السلام ورحمة الله وبركاته 

معلومة مهمة جداً , شكراً لك 


up 2 down 0
starting 1043
قبل 6 سنه و 3 شهر



اذا الوكاله تتهرب من المواعيد عشان اقترح حل 
الواجب على حمايه المستهلك او الوزاره تضغط على الوكاله ان يكون حجز المواعيد عن طريق موقع الوكاله وطبع الموعد 


up 2 down 0
بوسعد123 180
قبل 6 سنه و 3 شهر



شكلهم قرفو من الناس كلهم يهددونهم بوزارة التجارة الناس تهايط بعض الاحيان قالولك رح سوي اللي تسوي الموعد امر سئ بمشكلة زي كذا تمشي بدون مكيف مصيبة !!! اللي يروح الوعلان يشوف الهوشات صح بقسم الصيانة 


up 2 down 0
benz lover -75
قبل 6 سنه و 3 شهر



الناغي كل مرة اودي السيارة له يلطع فيني اقل شي يومين للصيانة العادية ومرة قعدت اسبوع عشان قطعة موب موجودة 
ولا عطوني سيارة بديلة, فعادي اذا الناغي كذا اجل باقي الوكالات كيف 


up 2 down 0
amazing232 10
قبل 6 سنه و 3 شهر



الوكالات عندنا ماهمها الا لفلوس وبتاخذها غصب بعد
وكثر تهديد العملاء بشكوه للوزاره من كثر الظلم الي يشوفوه منهم
فلزوم يكون عندنا درايه بثغرات الي تستغلها الشركات لتضيع حقك



up 1 down 0
sc_est 717
قبل 6 سنه و 3 شهر



^^ لا ياشيخ شكلك تطبل لوحدة من الوكالات ذي طيب حط نفسك مكان راعي الموضوع وش يتسوي بتجي تفسلف هنا 


up 1 down 1
ahamd9477 119
قبل 6 سنه و 3 شهر



الزبده لاتدخل موترك الا بموعد خطي اذا رفضو يعطونك موعد خطي 
خل موترك عند ورح اشتك لوزارة التجاره مع اني ما اامل كثير على 
وزارة التجاره


up 1 down 0
خالد ___الرياص 1332
قبل 6 سنه و 3 شهر



وزارة التجاره بعد الربيعه خلاص بح ؟


up 0 down 0
sultan98 5
قبل 3 سنه و 11 شهر



تقصد موعد خطي في حالة الأعطال ولا حتى الصيانة الدورية


up 0 down 0
ابو مشهور الشريف
قبل سنه و 10 شهر