أضف سؤال أو موضوع جديد          

لكزس او جنسيس ؟؟؟

up 2 down 2
ريان ابوسامي 10
قبل 6 سنه و 10 شهر



السلام عليكم ورحمه الله وبركاته 

مساكم الله بكل خيرر

ندخل في الموضوع علي طول 

انا ان شاء الله ناوي اشتري سياره ومحتار بين اللكزس ٤٣٠ م ٢٠٠٥ او ٢٠٠٦ 

او الجنسيس ٢٠١٤ الشكل القديم 

ومرات اختار الجنسيس عشان موديل جديد ومواصفات حلوه 
ومره اقول اللكزس جوده ويستاهل حتي لو موديل قديم

انتم  رايكم وش افضل من جميع النواحي

وماشاء الله اشوف الجنسيس ماسكه سعرها 
وكم تسوي اللكزس ٤٣٠ سعودي 
وكم تسوي الجنسيس ٣.٨ 

وصلي الله وسلم علي نبينا محمدا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا والله جينسيس اصرفلك 

اللكزس عللى عيني وراسي واعتمادي وفخم 

لكن شوف الموديل اللي بتاخذه اصلا هو باقي بيتحمل!؟

الناس تجدد في الموديل ماتنزل! 

خذلك جينسيس شكله حلو ومواصفاته حلوه ويعتبر فخم حاليا بين الناس 

افضل من شكل اللكزس المنتهي من 2005 ولا مواصفات ولا حاجه جديده كله قديم 

وماشاء الله جينسيس 2014 يعني جديد 


up 8 down 1
so.71 -171
قبل 6 سنه و 10 شهر



الجنسيس القديمه ما ناسبتني مره

واشوف اللكزس اجود ويتحمل اكثر وقطعه ارخص من الجنيسيس وانت استفسر عشان تعرف ان اللكزس 430 سعر قطعها معقوله مقارنه بالجنسيس

فيه لكزس 2004 معروض للبيع قلت هذا ماشي 100 الف يمكن وانزل واشوف عداده طلع حول 280 الف ميل يعني فوق 400 الف كيلو وما شاء الله وكاله وباقي فيها عمر

خذلك لكزس نظيف وان شاء الله ما راح تندم



up 6 down 10
ابوخالد1397 2892
قبل 6 سنه و 10 شهر



الكزس ماعليه كلام والجينسيس بعد 2014 ماعليها كلام
وفخمه بالحيل وانت تتكلم عن موترين فرق بينهم 9 سنوات 
 ارشحلك الجينسيس بما ان  موديلها جديد  والمكينه  كبيرة
ومواصفات  رووووعه   


up 10 down 0
الرفاعي33 13914
قبل 6 سنه و 10 شهر



^ وانا بعد ارشح الجنيسس

اللكزس يستحمل و يكرف لاكن موديل 2005 مستحيل ما يطلب قطع
و ترا صيانته غاليه

و مستحيل يكرف او يتحمل قد الجنيسس بحكم الموديل الجنسس بتريحك اقل شي 3 سنين او سنتين من الورش
اللكزس انا اضمن لك انه من اول شهر بتصلح فيه



up 6 down 0
shadowz33 1098
قبل 6 سنه و 10 شهر



شي ثاني اغلب اللكزس في ذا الموديل ماشيه فوق 300 الف يعني مستهلكه عكس الجنيسس
اللي رح تلقاها ماشية حول 50 الف في ذا الموديل


up 6 down 0
shadowz33 1098
قبل 6 سنه و 10 شهر



اللكزس لونها 2010 وفوق حلوه لكن لها 10 سنوات

ارشح الجنسس ولا لكزس 350 موديل 12 تراه طيبه


up 8 down 0
ابو ابراهيم2021 352
قبل 6 سنه و 10 شهر



الجينسس أفضل .. و لاتنسى مازالت تحت الضمان 5 سنوات 
أم اللكزس اكل الدهر عليها وشرب .. يعني بس أسمك راكب لكزس لا أكثر 
 واذا شريتها لازم تتعرف على العضيب علشان اسعار القطع 


up 8 down 0
عمآدالدين 709
قبل 6 سنه و 10 شهر



جينسس وانت مغمض

اذا تبي ترتاح جينسس 
اذا تبي حرف L بخشم الموتر يعني ماركة اخذ لكززس


up 4 down 1
salem almutairi 403
قبل 6 سنه و 10 شهر



انا ارشح لگ الجينسس..
لان بتكرف معك سنين لانها جديدهه 

واللكزس قديمه


up 3 down 0
ابو ركان .. 105
قبل 6 سنه و 10 شهر



جنسس شكل جديد ومواصفات وتتحمل
وبالخط تطرح اللكزس 430 لانها مكينة 3،8 اكبر واقوى مكينه في V6
صح اللكزس V8 لاكنها ثقيله وتسارعها بطيئ

الجنسس داخليه وخارجيه وفخامه وضمان 5 سنوات 



up 3 down 0
bnd0re 74
قبل 6 سنه و 10 شهر



يعطيكم الف عافيه علي التفاعل 

انا قد استخدمت لكزس قبل صراحه موتر روعه 
والحين ناس يمدحون الجنسيس نااس كثير بعد 

وان شاء الله اني احصل جنسس نظيف 

بس انا خايف انها تتهرب وتتفكك مع الاستخدام 

ودخلت بعض الاعلان البعض يقول قزاز مدبل هل يجي كل علي المواصفات ولا بس الفل كامل 



up 1 down 0
ريان ابوسامي 10
قبل 6 سنه و 10 شهر



لاجنسس ولا لكزس مرسدس وارفع يدك


up 1 down 3
hart90 25
قبل 6 سنه و 10 شهر



اخ ريان عندي لو انك من جدة 
خويي يبغا يبيع جنسس ٢٠١٤ ماشالله فل 
ولون رصاصي ونظيفة وان شالله ماتختلف عالسعر
ماشية في الستينات 
لو حاب اتواصل معايا عالخاص 
وفي جنسس في جدة مدري عنها شي
لقيتها قبل يومين موديل ١٤ لونها اسود ماشية ٣٠٠٠



up 1 down 0
ابو امااني 2067
قبل 6 سنه و 10 شهر



شف وانا اخوك الله ماشفناه بالعقل عرفناه انا اغلب اللكازس ما احبها واشوف مبالغ في اسعارها ولا تستاهل لا GS ولا ES ولا طقتها
430 هو الوحيد اللي من اللكازس القديم والجديد اعجبني ما ادري ليه خوصاص 2006 و 2005 بطران وافضل موديل مر عليه

لكن يا الغالي لو تفكر فيها الجينسس مواصفات حديثه موديل 2014 يعني ماصار لها سنة مصنعه السيارة بتلقاها ماشيه اقل من 50 الف وباقي لك صيانة مجانية وضمان يعني اول سنة ونص سنتين منتاب حاط ريال ، وشكل جديد مع الناس ولا يبغى له لاتنظيف ثروتل ولا بواجي ولا طقته جديد

وبعدين ماعليش ابو خالد 1397 انت جربت او اشتريت قطع للجينسس او اللكزس يوم تقول اللكزس ارخص قطع ، اسأل ملاكه بكم نافضين الارضية عضلاته وتعرف الرخص وين ، وبعدين باللهي جينسس وفخمة 2014 تبي قطعها مثل قطع الاكسنت هل يعقل هذا ! ؟

الجينسس افضل خيار لك وانا مجرب السيارتين كلهم عينين في راس لكن والله وش ابي بسيارة 2005 ولا 2006 شاطحين باسعاره راكبه 29505454 واحد قبلي وحتى لو كان نظيف في بعض الاصلاحات بتطلع لك بحكم موديله حتى لو كان محافظ عليه وثنين من اخوياي يمتلكونه وقريبين مني حيل وعارف وشايف كيف يستخدمون مواترهم لكن تطلع له بعض الاشياء بين فترة وفترة ، لكن الجينسس اتحداك الموتر جديد ولو حافظ عليها بتعمر معه

بالتوفيق




up 1 down 0
a.ibrahem 3169
قبل 6 سنه و 10 شهر



يا ريان ابو سامي ، اقل فئة فيها اللي تجي قزاز مدبل هي وارد الناغي خويي معه 2013 وارد الناغي اقل فئة وقزاز مدبل الوعلان والمجدوعي مايجي


لكن الفل كلها اظاهر والنص فل مدري

وترى عادي خذ انظف وحدة لايغرك وارد ايش لأنك تقدر تسوي صيانة في اي واحد منهم خويي موتره الناغي ويسوي صيانة في الوعلان في الرياض


up 1 down 0
a.ibrahem 3169
قبل 6 سنه و 10 شهر



الجنسس وانت مغمض اجدد وضمان ويمسك سعره وشكليته حلوه


up 0 down 0
m7mas9 178
قبل 6 سنه و 10 شهر



طيب سوال بسيط بعد اذن صاحب الاعلان جنيسيس 2016 او لكزس gs 2015 كلها فل كامل


up 0 down 0
bander_bb
قبل 6 سنه و 10 شهر