مشورتكم يا اخوان في هيونداي جينسس كوبيه 2015

السلام عليكم 
الاقساط يحددها الدفعه الاولى و راتبك هل بتقدر ولالا 

السيارة ضمانها جدا حلو وطويل 
السيارة خدومه ومنتشره بين الشباب جدا جدا 
راح تنبسط وتلاقي قروبات لها وقطع تعديل و اكسسوارات كثير 
وقوية ونشيطه 

لكن خلي بالك انها رياضيه بحته و ممله 
لا شاشة لا كاميرا خلفيه ولا شي من امور الرفاهيه هذي اوكي؟ 
+ اقمشتها غالية لانها بريمبو 
مادري هل الموديلات الجديده من 2015 تغير فيها شي او لا! 

بشكل عام انصحك فيها حلوة والله 

نصيحه لك لا تاخذ سيارة حجمها كبير خصوصا اذا صرت طالب جامعة

شفني انا باقي سنه واتخرج من الجامعة وموتري كامري وكرهت حجمه في المواقف والدخله والطلعه 

يالبى الاكسنت بس

والوضع كله تقزيره قزر بالموتر لين تخلص الجامعه 

هذي وجهة نظري

انا من رأيي يا اخوك لاتاخذ موتر بمبلغ وقدره والراي لك للاسباب التالية :

1- أولاً انك تدرس وتداوم ، يعني مرهق نفسك ومتعب نفسك واخرتها ثلاث ارباع راتبك يروح في سيارة حرام

2- يعني هالفلوس تقدر او هالراتب اللي تستلمه مع المكافأة تقدر تشتري لك سيارة محترمة ستة سلندر ولا اربعة تقصدها ويبقى معك مصروفك ويمديك توفر منها بعد

لكن الجينسس لو بتطلعها كم بيكون قصدك يعني راح اغلب الراتب بتصير عايش على المكافأة

وأيضا حط في حساباتك الجامعة والكلية غثى وزحمة ومواقفها مخيسة بكره ولا بعده تطلع تلقاها ممخوشه ويضيق صدرك ، ويمكن لاقدر الله ما يمديك توفق بين الجامعة والدوام وتترك الدوام وتهتم لدراستك يعني ماتدري الظروف وش بتصير بعدين

لذلك انا انصحك لا تستعجل فكر الف مرررة ، واذا انت شايف امورك كلها تمام توكل على الله

تحياتي لك

وراك دراسه 4 سنين شد حيلك واشتر لك اكسنت تمشي فيها حالك حتى تتوظف وتطلع لك سياره اقصاد اللي تبي 

ياجماعة الولد يبغى كوبيه يبغى ينبسط ويكشخ 
ماهو الجينسيس الكبيره حقتكم هذي ايش اللي اكسنت 

عيش عيش جوك كانو زيك يقولون لي اشتري النترا واكسنت 
ورحت اشتريت انفنتي وجعصت :) عيش جوك 

نصيحة اشتري السيارة لكن الله يعينك مواقف الجامعة ماتقصر <ابو كلب > لكن عيش جوك وخذ اقساط خمس سنين تمشيبها اربع سنين الجامعة 
وسنة زيادة بعدها انت حر تخليها او تبيعها