أضف سؤال أو موضوع جديد          

الحل مع السافي

up 2 down 3
ms3al 1784
قبل 9 سنه و شهر



سلام عليكم ورحمة الله وبركاته
صبحكم/مساكم الله بالخير 
اخوكم في الله مطلع موتر قبل اسبوعين وامسك خط الساحل من بعد الوجه الى قبل ينبع غبار قوي 
ما تشوف السيارة الي قدامك 
وقفت في املج
واشتريت بخاخ الي ب 15ريال بخاخين وماشي على مهلي 80_100 وصلت ينبع الحمدلله من يوم ما وصلت 
جبت ليي موية ورشيت السيارة اشوفها في الموية تلق لا راحت الموية كانها تصير طافيه بوية السيارة او قريبه للباهته 
هل في لها علاج حاولت افركها بيدي بس ما طلع معاي ‍شي 







إبلاغ إبلاغ



سيارات للبيع

الردود


وعليكم السلام ورحمة الله وبركاته

افضل حل للسافي هو جل الشعر خذه فيه افضل نوع اسمه شفا 

يكفي السياره كم مره ورخيص تحطه يصير طبقه سميكه ولونه شفاف حتى على الانوار ما يخربها

وتشوف صافي حتى لو تحط على النور لونه شفاف وبعد دقايق ينشف يصير قاسي حتى لو تحك بمفتاح

ما يطلع ولا يخرب البويه

ولو وصلت وتبي تشيله تحط مويه بس وينزل حتى بدون ما تفركه ولا شيء 

وبالنهايه هو طبي ومخصص للشعر يعني تحطه على البويه بارد عليها وعن تجربه


up 4 down 3
ابراهيم التركـي 1066
قبل 9 سنه و شهر



يعطيك العافية اخ ابراهيم بس انا الي غابنني وقاهرني البوية 
الموتر جديد والله اليوم كملت تمرينه في الخط والبوية تبهتت او طفت لمعة البوية
هل في حل للبوية 


up 1 down 0
ms3al 1784
قبل 9 سنه و شهر



وانت غلطان معليش تقول غبار قوي ما تشوف السياره اللي قدامك كيف تمشي 100

كان وقفت او تمشي 60 اما انك تمشي 100 ترى السافي لو كان قوي لو ما ضر البويه

ممكن يشق رديتر المكيف وتبلش فيه

فيه ناس تركب برقع خلاص ضامنه ما بيجيها شيء البويه وتحط رجلها وتنسى الرديتر انه خفيف ما يتحمل

الحصى الصغير والسافي على سرعه عاليه ويصير فيه تهريب


up 5 down 0
ابراهيم التركـي 1066
قبل 9 سنه و شهر



اني غلطان ثم غلطان ثم غلطان 
لكن ما ينفع الندم الحين  
واحد من اخوياي توه نصحني علي محل تلميع نقول ان شاء الله تزبط البوية 


up 0 down 0
ms3al 1784
قبل 9 سنه و شهر



التركي كيف حالك ؟ ابي انزل مكه اسوي عمره عني وعن ابوي والدتي يعني بعتمر ثلاث مرات رش رايك وش افضل وقت خلال الاشهر ثلاث الجايات اجي فيه ؟ اتكلم بخصوص زحمه


up 2 down 0
عبدالشاكر -57
قبل 9 سنه و شهر



حياك عبدالشاكر

والله ما عندي علم متى يفتحون السماح للزيارات الخليجيه او غيرها بالعمرة

اهل مكه هم اعرف مني لانهم حول الحرم هناك ويشوفون هل فيه خليجيين او باصات نقل جماعي

فيها دول اسيويه او لا 


up 1 down 0
ابراهيم التركـي 1066
قبل 9 سنه و شهر



ركب حمايه للواجهه شفاف ما يبين . يحمي الواجهه  لك وثاااابت 


up 0 down 0
مستريح البال 1 1780
قبل 9 سنه و شهر



روح ع أقرب محل تلميع ولمع تلميع خارجي 
بي 150 وان شاء الله ترجع البويه لحالتها الطبيعيه 


up 0 down 0
الـتاجر الـكبير 726
قبل 9 سنه و شهر



ابراهيم والله فكرتك عبقريه فعلا الجل راح يعمل طبقة حمايه وبعد ماترش عليه مويه ماراح يأثر لا على البويه ولا غيره طيب جل الشعر البخاخ او الي يجيك بعلبه


up 2 down 0
فيـfaisalـصل 23
قبل 9 سنه و شهر



اخوي افضل حل واريح لك رح لمحلات التضليل المعروفه مثل درايف ٧ 
يركبلك حماية على وجهة الموتر صح انه مكلف شوي بس ممتاز وتريح بالك 
وظمان ٥ سنوات تجيهم كل ٦ شهور يلمعونه ويظبطونه لك 
يمكن يكلفك ١٥٠٠ حولها 


up 0 down 0
wael55 22
قبل 9 سنه و شهر



روح محل تلميع ولمع الواجهة والانوار الاماميه 
* الانوار حترجع 
* الصدام يمكن يرجع يمكن لا 
وقتها لك الحريه ترشه او ماترشه اذا مارجع لان البعض ودعت بويتهم مع الترميل هذا

وعلى فكره راح يلمع معك شوي مو زي اول 


up 0 down 0
so.71 -171
قبل 9 سنه و شهر



مافي حل غير التلميع الساطع بس روح محل كويس عشان ما يعدمها لك اكثر 


up 0 down 0
yazeed793 7883
قبل 9 سنه و شهر



إذا كنت من ينبع ابشر اوديك محل يشيل الترميل


up 0 down 0
hamadhr 92
قبل 9 سنه و شهر



مافية حل مع السافي…  غير تجليد وجهية السيارة كامل…  انا استخدمت الفيري والفازلين . و التغبيرة . والشحم.   وكلهن يطيرهن السافي. 


up 0 down 0
ابوحاتم6 469
قبل 9 سنه و شهر



اخ hamadhr وين المحل بالضبط 
لاني اليوم رحت لمحل وانت جاي من الهيئة رايح للبلد جنب وكالة هونداي في محل اتفقت معاه بكرة الصباح الساعة 9.30 اجيب له السيارة اذا تعرف واحد احسن منه دلني عليه 


up 0 down 0
ms3al 1784
قبل 9 سنه و شهر



تلاحق الموتر ولمعه حتى لو انه جديد ولا تخسر بويتك ولمعتها


up 0 down 0
a.ibrahem 3168
قبل 9 سنه و شهر



الأخ عبد الشاكر

العمره مفتوحه من شهر2 هجري وتفتح في هذا الشهر دائما

وافضل اوقات العمره حاليا الشهرين هذي اي قبل شعبان

وقت العمره افضله واخف زحمه هو منتصف الليل 12 او 1

وانتبه انتبه تعتمر وقت الصلوات كل المصلين والمعتمرين يطوفون وزحام 

واخيرا أسأل الله لك تيسير الأمور 


والوضع الحين في خليجيين وكل الجنسيات

باب العمره يفتح بعد كل حج بشهر يعني بشهر 2 هجري


السلام عليكم عندي البخاخ المطفي Armor All Custom Shield USA 
المنتج امريكي 
رش السياره به او الواجهة فقط
لا يتأثر مع السافي ولونه مايروح ولا يتأثر بالغسيل واذا رغبت تشيله المنتج يزال مثل الاستيكر
ولا يأثر علي لون السيارة الأصلي والله علي ما اقول شهيد
وهادا رقم اعلاني لمعلومات اكثر8399140 


up 0 down 0
mmmeeeooo2050 1
قبل 8 سنه و 9 شهر



صارت لي نفس المشكلة الغبار عدم الموتر


up 0 down 0
layanxil
قبل سنه و شهر