ماخاب من استشار

أخوي كم مبلغ الكاش اللي معك ؟

15 الف متواجد معي

والله وانا اخوك سعر الانترا مبالغ فيه جداً , والموتر مايسوى هالمبلغ

اقترح لك تجمع 10000 ريال فوق الـ 15000 ريال

وتدور لك موتر نظيف أفضل من ماتتورط بـ 80000 ريال وفالاخير النترا

ولما تجي تبيعها ماتجيب لك 20000 ريال

أنا لو في محلك

صبرت لشهر رمضان , يصير يمديني جمعت وأستفدت من عروض الشهر الفضيل ..

والله ييسر لك كل أمر ويوفقك ويبارك لك

والله صدقت يابندر المشكلة السياره اصبحت من ضروريات الحياه

دام معك ٢٥ الف وتبي تقسيط

اجل شف المازدا زوم ٦ ستاندر 
مع دفعتك بيطلع القسط ١٠٠٠ تقريبا وعيش حياتك مع فخامة المازدا 

واترك الهيونداي لاهلة

نصيحة يا طيب اصبر و خذ

نصيحة اصبر و خذ كاش
و لو أنت مضطر خذ شي يستاهل النترا تلتزم بيها 4 او 5 سنوات لو انت عزوبي و مالك بالسفر ممكن لكن لو عندك عائلة و تسافر ما ننصح بيها
خذ شي كبير و يستاهل أمريكي أو ياباني
و لا تنسى الاستخارة بالتوفيق

يا طيب أنا جربت الاكسنت من هونداي و الله ما تسوى و جربت الصني من نيسان ما شاء الله تكييف ممتاز و عزم و من تركب الموتر تحس برصانة الديكور و متانته و العزل ممتاز
لذلك نصيحة ابعد عن الكوري اذا تقدر

والله ياصاحبي 80 الف اشوفها كثيرة على النترا

والسيارة ماحد يستغني عنها 
انا قبل سنه سويت حادث وراح موتري تشليح 
وجلست اسبوع بدون موتر والله اني تبهذلت ذاك الاسبوع
والمشكلة بيتي في الباحه ودوامي في مكه
واحترت مثلك بغيت اطلع موتر اقصاد بس الفوائد كثيرة 
وركبت من المواقف وعلى مكه 
وقابلت واحد من اصحابي في العمل وقالي نصيحه ابعد عن الاقصاد
وخذ قرض وطلع الموتر الي تبيه
اخذت تعريف من العمل ورحت طلعت قرض من البنك الاهلي
عطوني 60 الف والفوائد 10000 المجموع كلة 70000
وموتري بعته تشليح ب20 الف
ورحت وطلعت موتر بطاقه جمرك وفكني الله من الفوائد الي مالها سنع
نصيحة لله لاتاخذ موتر اقصاد
لو تقدر تطلع قرض بتطلع عليك الفوائد قليله
وخذ موتر يجمل 

سلامات اذا الانترا ب٥٩ كاش ازيدها ٨ الاف واشتري مازدا اطلق منها 

طيب مابينك وبين الاوبتيما نص فل الدرجة الثالثة الا 3000 ريال واعتقد الفرق واضح في الفئة

الاوبتيما 2400cc الالنترا 1600cc يعني تقريباً الفرق واضح في حجم المحرك ، بتمسك خط بالالنترا 1600cc تختلف عن اوبتيما 2400cc ست غيارات الاوبتيما بتكون مريحة ما تتأثر كثير مع الركوب مثل الالنترا


الشكل ايضا لصالح الاوبتيما شكمانين كبوس جنوط ولو تعطيها جنط الفل واصطبات ليد صارت فل ، فيها ثلاجة مثبت سرعة تحكم مسجل


الرساوة لايمكن اني اقارنها بالالنترا والاوبتيما الموديل هذا رساوتها احسن من السوناتا موديل 2015 الدفعة الاولى حتى 2011

خلاصة الكلام انصحك بالاوبتيما وبالتوفيق

اشكر كل من ابدئ برايه الظاهر بدور كاش لو كل شهر ادفع فيها 500 ريال
بتصير ماتطلب شي لمده طويله .

سلاماااات 59 , وكاله من الوعلان سعرها 54000 وفي المعارض اقل