استفسار عن تركيب زينون الوكالة

اذا تبي محل ادلك عليه وشغله ممتاز وانا مشتغل عنده ويجونه نااس بالشرقيه يشتغلون

عنده بمواتر جدد اسمه التمران بالغرابي عند واحد اسمه برنس شغله جدا ممتاز ومركب عنده اشياء كثير وله تقرير بالنت كثير

نعم تقدر تركبها في الوكاله لكن راح يكون غالي
او تروح التشاليح تحصل موديلات اقدم شوي وتحصل زينون في بعض الازيرا

سعرها وكالة غاليه فوق ال2000 ريال 

بيركب توليف لان شمعة الزينون يجيها قاعدة للمحول اما اللي عندك لا تختلف ولكن تتولف عادي

وعليكم السلام .. انا معي سوناتا ٢٠١٤ ومريت المجدوعي ابي اركب زنون قالي نركب لك ب ١٤٠٠ ريال وضمان سنه على الزنون والكهرب وماعليه مشاكل باْذن الله  واصليه كوريه  ولكن ما ركبت لاني ما فضيت لها.، صراحه السعر صح انه غالي حبتين ولكن تضمن شغلهم بعد الله افضل من حق الزينه ،، وموترك ما شاء الله جديد يعني ركب وكاله افضل لك  .

انا بركب وكاله ان شاء الله مشكورين جميعا

انت تبيه واطي او عالي ؟

ترا الكوري مشاكل الكهرب فيه واجد لكن في محلات صار عندهم خبره به , وين موقعك علشان نقدر نساعدك

اولا مبروك عليك الموتر ويعطيك خيره ويكفيك شره

ثانيا بما ان موترك نفس موتري ، اتوقع ان طبلون موترك حق نص الفل العادي يعني جاي بالنص صوره ازيرا بالابيض والاسود وامورك اسهل ان شاء الله ، دور على زينون اسمه ( بليسك)  وكرتونه ازرق وصناعته كوريه ، اذا بتركبه من الغرابي بدلك على محل يركبه لك بـ 900 ريال شامل لكل شي

اذا طبلون موترك ملون وتجي بالنص صوره ازيرا ملونه اجل امورك اصعب ، بها الحاله لازم تغير الشمعات بالكااااامل وتركب شمعات الفل الاوبشن اللي تجيك جاهزه مع اللمبات والمحولات بس يبيلها مبلغ وقدره ، وعلى فكره لو سيارتك طبلون عادي وركبت شمعات الفل راح تطفي عليك مباشره ؟ لانه وبكل بساطه كمبيوتر موترك مايدعم الزينون حق الفل  

الله يبارك فيك اللهم امين جزاك الله خير

موتري نفس موترك يا ابوهيثم الطبلون عادي ابيض واسود

انا من الشرقية 

والزينون ابيها على النور الوسط العادي

السلام عليكم يوجد لدينا ماطور هواء أبو جمل 2 بستم راسين اﻷصلي وعليه ختم الشركه 150 
وشنطة تويوتا 200 ريال كامله للتواصل 0502266790

زينون بليسك الكوري يمكن تحصله بالشرقيه ، وحسب مافهمت من كلامك انك ناوي تركبه على الواطي وذا افضل شي 

عالعموم دور بالمحلات عندكم يمكن تحصله ، بس ترا المحول لونه فضي وعليه لزقه زرقاء وكرتونه ازرق بعد ، هذا المحول الاصلي وصناعته كوريه انتبه لاتطيح بالصيني المقلد اللي عليه لزقه بيضاء وكرتونه اسود 

طبعا ميزه هالمحول انه مايطفي الليد بالازيرا ، وفيه محول صيني اسمه x55 مناسب وارخص ايضا ، وطبعا نفس نظام البيلسك يعني يجي معه منظمين للكهرب مع موانع الذبذبه ، غير هالمحولين لاتركب نصيحه ترا كهرب الازيرا حساس نوعا ما 

انصحك لاتركب لان الازيرا حساسة ..واذا مصمم فيه محول زينون اسمه X55 يجي معاه مانع الذبذةولمبات 

للاسف ركبت شمعات الفل كامل على سيارتي بمبلغ وقدره (سوناتا نص فل 2013) وفعلا تطفي ماتشتغل وترمش وقروشتني.. الي عنده حل غغير الكتاوت ابغاها زي الفل ياليت يتواصل معي 0559995001

ابعد عن تركيب الزنن في الازيرا سيارت صاحبي ركب وخبطت كهربتها وعفس علية الكمبيوتر

ياشباب ابحث بموقع حراج فيه ناس تبيع
محولات x55مع لمبات معاه مانع ذبذبة واعتقد ظفيرة
مايجي سعرهاا 400 ريال وهي من أفضل المحولات للهيونداي

فعلاً x55 انا مجربها وسيارتي ازيرا ومن احسن مايكون