رحلتي للامارات -- توبة من الخط وتحذير من محلات قطع الغيار
34
9
إضغط هنا للإخفاء
السلام عليكم ,,
من زمااان ماكتبت احس اني توني راجع من اجازة ههههههههه قبل سنة تقريباً حلت صيانة 60 الف كيلو متر ورحت الوكالة ابسويها تفاجأت ان حتى الصيانات السابقة لازم اسويها والمبلغ يطلع حدود 5 الاف الا شوي مع الزيت
قلت ياولد بما انها سير وبكرة وفلاتر وفحمات ليه ما اسويها بنفسي عند ورشه اعرف شغلها
المشكلة مو بالورشة لا احد يدرعم ههههه
المهم فضيت نفسي يوم الجمعة ،، رحت للوكالة مقفلة ,, واحوس ودلوني على محل يفتح الجمعة وعنده قطع ---- يقال انها اصلية ----
وشريت كل اغراض الصيانة الي مطلوبة بصيانة 60 الف ومنها بلف الحرارة..
السيارة مشت تمام التمام خلال هالسنة وسافرت عليها الامارات بالشتا الماضي والوضع كويس
جا بداية الشهر الماضي سافرت بالليل ,, والوضع تمام
بمواقف الفندق اشوف المويه تهرب ,, وافتح القى القربة مليانة موية وقلت يمكن هوا وفعلا فضيت القربة وسويت الحركات حقت تفريغ الهوا " مدري هي صح ولالا بس اشوف الصناعية يسوونها ههههه" ومشت معي يومين كويس .
وانا راجع قبل المنفذ
على اغنية " احبة كلش " ,, هذا حبيبي احبة كلششش .. والا الراديتر تشششششششششش على وزن الاغنية شكلة كان طربان خخخخخخ
والا الحرارة اتش وما انتبهت واوقف
والا القربة فلللللل وتنزل الموية كلها والراديتر مافيه الا بخار يوم افتح الا يطيييير الغطا ويختفي لساعة وشوي من البحث بالكبوت لين لقيته
-- شطحة ,, كل تريلات اعمال صيانة طريق الغويفات تقريباً وقفوا يساعدوني مو مثل تريلاتنا ..!! يسحبون عليك ولو بيده تفل بوجهك هههههه---
وبعدها عبيت من القوارير الي بالسيارة " توني اعرف قيمتها"
وامشي
ومطفي المسجل قافلة معي مدري وش السالفة
وهي الاتشششش مره ثانية.. واوقف نفسس الحكاية
وعلى هالحال لين قبل البوابة وقفتها حدود ساعة عشان المنفذ واستقعادهم
ومشيت ,, وعند المنفذ بالانتظار ماني رايق من الي صار واسمع خررررقررررخرررقررر " صوت القربة تفضي موية :( :( "
وتقفل معي وقلت لو يستقعد حق المنفذ ابتهاوش معه " منها افضي حرتي ومنها تبرد السيارة هههههه "
وفتح الشنطة ونزلنا وقال وش معكم وشاف سراويلي والحوسة ,, قلت مامعنا الا كل خير ويسكر الشنطة ويقول توكلوا " لو اني داري كان جبت الهوايل ياشيخ خخخخ"
وعلى هالحال واوقف بمحطة سحاب واشتري مية دبة بيضا واخزنها بالسيارة ,
وكل نص ساعه الى ساعه تفور السيارة من جديد
ووصلنا الاحسا ورحلة البحث عن ورشة كلهم يقولون الساعه 4 العصر " طالعين من الفندق بعد العشا
اليوم السابق " .
وحنا نحاول بالبناشر ,, كل شوي افتح كبوت وسكر
وفجأة ,, طعععععععععععععع " عصا الكبوت طلعت بيدي "
جلست اضحككك ضححححك غرييييب من قوة الصدمة والموقف الخايس .
والحين بدل المصيبة مصيبتين لين دبرنا بنشري فتح الكبوت - -غيره قال اكسروا الشبك --
وعلى هالحال لييييييين سعد ,, والقى لوحة مكتوب عليه الفرج " فني مكيفات وراديترات " وامشي وحولي موسيقى انتصار ياشيخ :) وشوي يقول حق السيارات مو موجود اليوم تعال بكره انا مالي خبره بالسيارات هذي . وانا اتحطم
ومن قوة القهر فيه ناقه كانت قاطعه الخط كان ودي ادعسها منها تفضية قهر ومنها تأمين يصلح لي السيارة لاني احسب الراس انشعر خلاص
نص ساعه وقف
نص ساعه امش
نص ساعه وقف
نص ساعه امش الييين ما وصلت الرياض " وقفت بمحطة حوالي ساعة ونص ريحت " وبنت الكلللللب السيارة ماسخنت ..!!!
واروح الصناعية قالوا لي على طووول البلف البلف قلت ياخوي البلف مايتغير كل سنة بس انا غيرته طناخة
وقلت تدري ؟؟ غيره
بالنهاية
طلع البلف بن ستة وستين كلللللب تجاري :( :( ومكسور ومقفللللل اوووم الموية وهذا سبب التفوير " الصورة تحت "
وغيرت البلف والموية ركبت اي سي دلكو مخلوط اصلي ب 60 والى الان الحمد لله الوضع رجع طبيعي
خلاصة الامر
غير الوكالة وفواتير الوكالة لاتدووووور وانا كنت اتحاشاهم
للمعلومية البلف الي شريته قبل سنة محطوط بكيس اما حق الوكالة بكرتون وداخله كيس خاص ..!!!!
وغيرت الغطا برضو والحمد لله السيارة رجعت سليمة لكن فيها رجة ملحوظة
اسف عالاطالة لكن هذي اخر مره اسافر فيها خط الا بسيارة يكون موديلها 2019 او 2020 وماتكون حقتي عشان اذا خبطت ما اكلها " نذل صح ؟ هههههه
سلام ,,,
إبلاغ
الردود
2
0
1
0
ابغى اشوفلي سيارة كبوتها يفتح بزر
1
0
2
0
0
0
مايحتاج تغيره مادام الحراره طيبه ومادام انك مخافظ على ماء الرديتر أصلي
بالنسبه ل يد الكبوت شكلك فتحت الكبوت وسكرته 1273894 مره علشان كذا انقبعت بيدك
يالله المهم السياره رجعت طبيعي
مع اني ما ادري كيف تمسك خط والسياره مرتفعه حرارتها
3
0
0
0
2
1
نوع السياره هونداي ، لاكن ماهي النترا او سوناتا
ثانيا انا لا احب السفرررررررر ابدا
إلا بالضروره موعد مشفى ، شغل ضروري ،
اما تمشيه وسياحه نووووووووووووووو
وكنت ادرس بجامعة الملك عبدالعزيز ، بجده
واذهب ع لطائره ، بصراحه
راحه ، ورحابه ، وتوفير فلوووس وتوفير وقت
لا ساهر يصورك ولا محطه تعبي بنزين ،، ولا 8 ساعات ، وانت تمحط هالخط ، اما تصادفك بعارين ، او خط تعبان ، او طريق مافيه محطه ،
ولا ساهر يصور خشتك 500
،،،،،،،،،،،
1
0
لابد من وضع طقم عدة في السيارة
1
0
0
1
1
1
موقفك صعب والحمدلله انها عدت على خير
0
0
اغلب موظفي الصيانة شباب و تنقصهم الخبرة رغم التدريب و كلام الوكالات و لك في اخطائهم دليل
كان معي افالون 11 جيت صيانة 80 الف قلي 4 الاف يا رجل خاف الله و اسحب عليهم قلي على اشياء والله مستعد اوصل 400 الف ممشى على محافظتي و باذن الله ما تخرب و اغير برا عند ورشة موثوقة و مشت معي الامور زينة و ايضا جيت اغير زيت الجربوكس و استشرت ناس من برا النت و اشتغلو الموسوسين لا تشتغل الا وكالة و و و و رحت الوكالة قالي 1100 عطيته نظرة تعجبيه لي نزل عينه و اسحب عليه و اعرف لي واحد في شارع الحج في مكة حق جربوكسات و اكلمه قالي تعال و جيب معك زيت و وجه و فلتر و اروح له قعد ساعتين و اعطيته 200 فقط شوف الفرق
و ايضا سويت حادث بسيط صدام و رفرف و جننوني لا ترش الا وكاله و للاسف مشيت ورا كلامهم و رشيت عندهم و لطعوني اسبوع و يومين و اقسم بالله رشه ما يرشها مبتدئ و تهاوشت معهم و رجعوها و غيرت صدام جديد و سلخوني ب 2700 و بعد فترة راح الرفرف كنه مشيب هههههه نقاط و مبهت كل من شافها من بعيد قال مرشوشه
خلاصة الكلام اذا محافظ و هادئ و السيارة على رجلك لا توسوس و سوها برا اذا عندك شخص تثق فيه و فني متمكن تشوف كل شي بعينك و في وقت اسرع و لا تصدقهم اذا محافظ و تشيك اول باول لا توسوس و تغير شي باقي بعافيته
معي ازيرا ماشيه 190 الف و ماشاء الله من احلى ما يكون و الله ما قد تغير الا بواجي و زيت و ماء و السيارة 2008 امريكيه
و اسف مررره طولت هههههههه
7
0
2
2
2
4
3
0
قبل 8 سنه و 11 شهر