ثقل في الدركسون

يمكن تحتاج إلى تشحيم عمود الدركسـون

يمكن سيارتك دركسون كهرب

ترا اذا الكفرات تعبانه وناشفه تسبب ثقل في الطاره او مركب كفر عريض برضه يسبب ثقل 

اذا سيارتك دركسيون كهرب وفيه ثقل شيك على دنمو الكهربا والبطارية
من حوالي اسبوع سيارة اخوي يارس صابها نفس العلة وصار الدركسيون ما يلف لو هي واقفة ويعلق
ودينها كذا كهربائي لين واحد ربي يجزيه الخير قال غير البطارية اذا زبط يكون عندك الدنمو حق السيارة خربان
وفعلا غيرنا البطارية والدنمو وراحت المشكلة
الله يعينك ويحل مشكلتك بخير

لو سيارتك لها علبة زيت دركسون وكانت العلبه مليانه زيت بالمعدل الطبيعي / والطاره ثقيله فـ السبب [ طرمبة زيت الدركسون ]

لكن سيارتك الركسون كهرباء / شيك أولا على أسهل الامور [ فيوز حساس الدركسون ومن ثم الحساس ] 

وإن شاء الله تعرف الخلل وين بالضبط 

مشكلتك بالاكسنت الشكل الجديد يفرق عن الشكل القديم الزيت الشكل الجديد الدينمو هو اللي يوصل الكهرب للدركسون اذا انفصل الدينمو ينقطع الكهرب منه
انت غيره من التشليح لو تروح تشليح حائر يكون افضل عندهم اشياء نظيفة وعلى الظمان

اذا ما طلعت المشكلة في عندك ضعف بالكهرب تأكد من الحساسات والبطارية وشوف الكهرب يوصله كويس ولا تعبان

ولو تروح تولف له علبة زيت بترتاح من غثى الطاره الكهرب وبتنسى خرابها يصير بس تزيد العلبه لو نقص الزيت بس

جزاكم الله خير يالربع راح اعمل على اقتراحاتكم واوافيكم بالحل