سنتافي 2016 او موهافي 2015

الموهافي افضل 
ستنافي مايصلح للبر الموتر شوي نازل و

ولك خير ثالث باجيرو رخيص الفل كامل 95 الف احسن منهم كلهم 

السنتافي من فئه الكروس اوفر والدبل تبعها خفيف فقط وللاسف غير مصممه للبر  من واقع تجربه

الموهافي  دفع خلفي وفيه دبل ثقيل  على ما اضن  ويجي منه 8 سلندر ولكن للاسف شكله مستهلك وقديم وسعره يطيح وقت البيع بسبب شكله القديم
انا لو مكانك افكر في الباجيرو  بحكم قوته وسعره 

يعطيكم العافيه انا قلت افضل شي الموهافي
اللي تقول الباجيرو قطعه غاليه 

طيب مافكرت في سي اكس ناين 9 2015 !!

الاستاندر سعره 100 ألف بالوكاله وقطعه رخيصه واسال بنفسك وموتر خدوم جدا ما يطلب وشوف اعلانات 2008 و 2009 بعضها طق 400 الف كيلو ومكينة بلدها ما شاء الله

والاستاندر مواصفاته : 6 سلندر 3700 سي سي و قير توب ترونك 6 نمر و فتحه بالسقف و شاشه و نفقيشن و كاميرا خلفيه والدفعه الاخيره سارت جنوط 20 حقت الفل كامل و 8 ارباقات بالطبلون والاسقف ومثبت سررعه و تحكم من الطاره  واشياء كثيره جدا

والفل الفل ب 124 الف

مجربه 4 سنين وغلطت عمري اني بعته كان موديل 2010

موفق ياغالي

اذا راعي بر و مالك غير هالخيارين ولا يهمك الشكل خذ موهافي

وانا انصحك تشوف تويوتا فرونشنر الجديد كليا 2016

تنزل على رمضان اعتقد شكل خرافي

http://cars2release.com/wp-content/uploads/2014/11/2016-toyota-fortuner.jpg

والله يوفقك أخوي.

ويعطيك من خيرها ويكفيك من شرها.

وشلك بسيارات الكروس
سيارات ماتستحق قيمتها
مخصصه للخطوط والاماكن  المعبدة
اما بر وما بر لا والله ماهي حق ذا الكلام
والكيا وكيلها مش ولابد والكوري اساسا 
يبغاله محافظة يعني تاخذ الكيا وتدخل طعوس 
وتناقز سنه سنتين بالكثير والسيارة متفككة 
ومنتهيه  شف سيارة معروفة ومشهورة للبر
اما تجيبلي كروس أوفر وتقول بر ماش
أحسها زي السيارات الصغيرة البكس

الفورتشنر افضل منها كلها مادامك تبي بر

و عليكم السلام و رحمة الله و بركاته

زي ما ذكروا الاخوان،،، لو محتار بين هالسيارتين و ما تفكر بغيرهم و طلعاتك للبر كثيرة انصحك بالموهافي

و اعتقد انه الموهافي خلاص حيوقف انتاجه... ننتظر الاخوان ياكدون ولا ينفون

لكن انصحك تدور على بدائل اخرى،،، و بالاخير القرار بيدك

استخير و ما يسير الا خير،،، موفق

_________________


اخوي ابو حسين، هذه تويوتا 4runner

السيارة هذه ما تجي عندنا بالمنطقة للاسف،،، ايضا الهايلاندر highlander برضو ما تجي عندنا

كل السياراتين تعتبر من الكروس اوفر
يعني تمشي فالبر بس على بشكل متوسط لكن ماهو مثل الجيوب

اما اذا انت راعي تطعيس وتفجير ومن جرف لدحديره فخذلك جيب ينشد فيه الظهر خصوصا الياباني

كشكل  وراحه (السنتافي )
وكعزم وقوة وارتفاع (الموهافي) بس انسى شي اسمه راحه

والاسعار تقريبا نفس بعض 

باجيرو 3.8 فل كامل شاشة وكاميرا بـ 108 ولن تندم ان شاء الله

الموهافي غير مريح بالديره لاكن بالسفر خذ رجل يطربك مع مكيف مركزي بالسقف واصل للمرتبه الثالثه وبالبر يطربك لانه دبل حقيقي الكتروني خفيف وثقيل وغير صحيح اللي يقول يعتبر كروس اوفر  طبعا الكلام هذا عن تجربه واستخدام

جا في بالي اللي في بالك

واخذت سورينتو الشكل الجديد واول ماقطع 500 كيلو مسكته خط الى الجنوب

ماشاءالله عليه
عزل الصوت والرساوة ممتازه مقارنة بمثيلاتها 

6 سلندر ودفع رباعي و مكيف خلفي 
ومواصفات جميله جدا 

سورينتو ينفع للبر

السنتافي والسورينتو نفس بعض من ناحية الإرتفاع , المكينة , القير والدفع الرباعي
اما الموهافي اكبر مكينة و مرتفعة والدبل فيها أقوى

في الرمل الخفيف تكفيك السنتافي والسورينتو
أما الطعوس تحتاج موهافي

أنا معي موهافي لمدة سنتين ،، أفضل موتر ،، عزم وقوة ومكيف وخدمة واعتمادية وراحة

وفي الطعوس يتحدى الإف جي !!! نعم ، أفضل موتر شفته في البر ..

الحقيقة ان الموهافي سيارة جدا ممتازه سواء رساوة في الخط او البر فيها قوة خرافية ماشاءالله تبارك الله

لاكن الباجيرو يمتاز عنها بعنفوانه الا محدود في البرامشي ولاتخاف لاكن في الحط الموهافي ارسى منه
على ابعموم كل السيارتين ممتازه في خط وبر