شوركم بسوناتا 2016 للطالب الجامعي

والله ان فيه بعض الردود في المنتدى تجيب المرض وتدل ان اصحابها بزاااااارين سمعتوا بزااااارين واعمارهم ماتعدت 16 سنة ويحلم ان معه الموتر الفلاني ويجي يفضفض فيذا

يا اخي الناس وصلت للسماء وانتوا لين الحين كوري والثاني يقول تايلندي والثالث مدري وش يقول ، اكبروا

المواضيع ترى تطرح لابدأ الرأي حول السيارة المذكورة واعطاء انطباعات عنها واذا فيه خيارات افضل تذكر والخيار يرجع لصاحب الموضوع

بستلمكم واحد واحد :

اولاً انت يا اللي تقول الكوري زبالة ومخيس والله محد قال لك رح اشتر سوناتا 2014 بانوراما وخل كفراتها 40 على شد بلادها وطامر بها ويوم بدأ البانوراما يطلع صوت جيت تقول زبالة

ليش ما تسأل وتستيشر وتشوف الخيارات الافضل ، كان بامكانك تاخذ كادينزا ، ازيرا نص فل كلها افضل منها وبنفس سعرها


والشي الثاني اللي يمدحون في الكامري تراها ازبل من السوناتا تلعب على مين تشتري موتر ب 95 الف لا جلد ولا داخلي يفتح النفس ولا رساوة بعد 100 ولا اي طاعون تلعب على مين والادهى والأمر اوريون حطها مكينة ستة سلندر وبدي تعبان مع رساوة صادمه في جدار


اقتني الافضل لنفسك السيارة الوحيدة اللي احترمها في تويوتا افلون بس هذي ارفع لها القبعة خصوصاً 2012

خلاصة الكلام : ان لايعمكم التعصب وتصير تذم وتمدح وبس مع اني ادري كلامي ذا مهب جايب نتيجة وبنلقاهم في المواضيع القادمة طقاق ، لكن انا اقول لك سيارة من فوق فئة متوسطة ازيرا كادينزا افلون هذي اللي تستاهل الاقتناء حتى لو تكون مستعملة استعمال بسيط


وللي بيعطيني ديسلايك اقول له ياهلا ومرحبا النقاط عندك وتراها ماتودي ولا تجيب لكن يكفي اني اقول كلام واقعي وبعقل بدال ما ادافع وكن الشركة بتدري عني ولا بتعطيني تعويض عن هالشي

راجعوا ردودكم

يااخوان تقيم التكيف ترى يختلف من شخص لآخر

في ناس طبيعتهم باردين يعني تركب معاه تلقاه حاط المكيف على واحد وانت قاعد جنبة حاس انك في فرن

وانا اكلمكم عن نفسي المكيف على 3 او 4 ولازود كذا اسكر فتحة مكيف الراكب وفي ناس كثيررررررر

مثلي وفي ناس لا عشان كذا تلاقي ناس معهم نفس المواتر واحد يقول ثلج والثاني يقول خايس