أضف سؤال أو موضوع جديد          

ازيرا 2016

up 3 down 8
danger712 20
قبل 7 سنه



السلام عليكم ورحمة الله وبركاته 
ياشباب انا ودي ب افالون لكن غالي الفل وشفت ازيرا واعجبتني مواصفاتها وان سعر الفل 120 ابي رايكم الرساوه العزل قطع الغيار اول موتر كوري لي افضل وكيل









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الازيرا حلوة وسيارة جبارة ، وفيها من الفخامة مايكفيها وزود

لكن انا وجهة نظري فيها على كم شغله وبذكرها لك :

1- ان ميكنتها 250 حصان 3.0 ادري بتقول لي مهب كل شي حجم المكينة لكن انا من ناحيتي الشخصية تفرق معي للاسف الوكلاء هنا ماوفروها مكينة 3.3 لتر .

2- انا نسبة 99,99 % انه بيتغير شكلها السنة الجاية ويمكن هذي تفرق معك

ايضا فيه شغل ان زميلتها الكادينزا عليها ضمان خمس سنوات مفتوح الكيلوات

للاحاطة ، ترى انا ما اقول لك هالنقاط عشان اعيب في الموتر او اكرهك فيه او امدح الكادينزا بالعكس الازيرا داخليها مجنون مواصفاتها بصراحة تفوقت على الكادينزا والافلون

لكني ذكرت لك هالنقاط لأنها يمكن تخفى عليك ويمكن فتحت عينك على شي آخر
اذا انت مقتنع في الازيرا 100% توكل على الله صدقني انها سيارة تستاهل قيمتها وللعلم ترى فيه معارض او موزعين معتمدين يبيعونها لك بأقل من هالسعر محصلها انا على 116 الف وبعضهم 115 الف ان عزمت لاتستعجل دور زين وشف الارخص


بالتوفيق



up 13 down 1
a.ibrahem 3169
قبل 7 سنه



قبل فتره شفت على دودج عروض وسياراتهم حلوه ونفس الشي فورد تورس

ممكن تضمها لخياراتك ايضاً 




ارشح لك الكادينزا

الفل يجي منها جلد ابيض وتحكم خلفي ويجي العداد شاشة

واهم نقطة تجي مكينتها 3.5 و 290 حصان والداخليه اكبر 

مااقولها لك بسبب ان الازيرا ب 120 الف بالعكس الازيرا حلوه لكن الكادينزا

افضل نفس المواصفات حقت الازيرا تبريد وتسخين ومراتب كهرب وذاكرة 

نفس المواصفات تقريبا والكادينزا توهم عام 2014 مسوين لها فيس لفت 

يعني مستحيل يغيرونها قريب


up 5 down 1
memo alasiri 663
قبل 7 سنه



وسعر الكادينزا الفل ب 116 الف


up 2 down 1
memo alasiri 663
قبل 7 سنه



الازيرا اخر موديل فيها تحذير نقطة عمياء وخروط عن مسار على ما اظن 
وفيه فئة برادار مادري عند اي وكيل لكن اسمها ازيرا الفاخرة والجنط يجي 19 


up 1 down 1
al_orainy 56
قبل 7 سنه



خروج **** هههههه معليش عالخطا 


up 1 down 0
al_orainy 56
قبل 7 سنه



اللي يقول أمريكي مانيب فاضي خرابات ابستعمل الموتر انا مانيب مداوم بالصناعية


up 2 down 4
danger712 20
قبل 7 سنه



والكادينزا ياشباب كيا وكيله الجبر محتكر قطع الغيار زي المتحدة 


up 3 down 1
danger712 20
قبل 7 سنه



الازيرا والكادينزا كلهم نفس الصناعه ونفس المواد ونفس المصنع
الفرق بينهم الكادينزا اقوى في قوة المكينة وافضل من داخل يعني تعطيك طابع ديكور والوان الاناره من الداخل نفس الاماني
اما الازيرا اقل قزة مكينة شوي وداخليتها نفس فخامة الكادينزا فيها تبريد وتسخين ونفس كل شي بس داخليتها ولون اينارة الديكور لون ازرق وابيض شي من زمان وبدون اي عنصريه راح يكدون زي النيسان او تيوتا او موستبيشي ومع ذالك هونداي اكثر انتشار ب المملكه واستعمالها كثير


up 2 down 1
ســامــر 1057
قبل 7 سنه






الازيرا والكادينزا كلهم نفس الصناعه ونفس المواد ونفس المصنع
الفرق بينهم الكادينزا اقوى في قوة المكينة وافضل من داخل يعني تعطيك طابع ديكور والوان الاناره من الداخل نفس الاماني
اما الازيرا اقل قزة مكينة شوي وداخليتها نفس فخامة الكادينزا فيها تبريد وتسخين ونفس كل شي بس داخليتها ولون اينارة الديكور لون ازرق وابيض شي من زمان وبدون اي عنصريه ما راح يكدون زي النيسان او تيوتا او موستبيشي ومع ذالك هونداي اكثر انتشار ب المملكه واستعمالها كثير




up 2 down 2
ســامــر 1057
قبل 7 سنه



دخلت انت الصناعية القديمة وشفت محلات كيا وش كثرها ؟؟؟ وين محتكر معه الله يصلحك

انا موتري كيا اوبريس 2009 ومتوقف انتاجها ترى في 2010 وآخر موديل نزل عندنا 2009 لأن 2010 نزل في الخليج بس


وكل قطع موتري ولله الحمد متوفرة وارخص من الازيرا اللي بنفس موديل سيارتي في اغلب القطع

وللعلم قطع الازيرا تركب عليها يعني عادي ماراح تنحجر وبعدين اسأل انت بنفسك قبل ما تشتري وخذ لفة وجوله عشان تتضح لك الصورة


انا قبل ما اشتري الاوبريس قالوا لي وكيا مايوفر وكثروا علي ، ونقزت بنفسي وخذيت قائمة بالاسعار وقارنت وعرفت مدى توفرها ولله الحمد شريتها


وسنة ونص ماقابلني اي عائق ولله الحمد لا مع الوكيل ولا قطع الغيار

للاحاطة ، بالتوفيق




up 0 down 1
a.ibrahem 3169
قبل 7 سنه



اخوي لا تتوقع ان الكوري راح يخليك تسلم من الورش

انا مادري عن الموديلات الجديده 

لكن تجاربي انا والوالد كانت من موديلات 2001 الى 2007 وكلها سيارات تم ايقاف انتاجها اساساً من هيونداي
وهي هيونداي تراجيت و هيونداي تيريكان

تراجيت في اول سنتين مشاكل كهرباء والمكيف نغير له كمبروسر ومشاكل فيه وفي صحن الكلتش وعزم السياره رايح 
فيها
وما كملت 5 سنوات الا وهي مخطبه اشتريناها عام 2007 ب 70 الف ( يعتبر سعر ممتاز جداً كسياره عائلية ) فوق الاستاندر
بدرجه قير عايدي وخطبت ماشيه حول 120 الف علماً انها استخدام الوالد فقط استخدام شخصي ودوام ومدارس !!
------
التجربه الثانيه جيبين هيونداي تريكان واحد كان 2001 والثاني 2003 الأول كان قير عايدي على يد الوالد وراحت المكينه
خلال 3 سنوات ونص من عمره والثاني اشتريته انا مستخدم لاني كنت حاب السياره وكان الي دايماً يحدنا على هيونداي
هي الرخص في الاسعار وبدأت حراره ومشاكل وبعناه والحمد لله ارتحنا منه قبل لا اورط فيه ويخبط 
--------
بالنسبه لي لو تسألني بتشتري هيونداي ثاني ؟ بشتري إذا كانت اسعاره حلوه مثل هيونداي توسان الآن تعتبر اسعار ممتازه
والجوده عارف انها ماهي ممتازه لكن على قد ما تدفع على قد ما تاخذ

لكن لا تسمع من مطبلين هيونداي ترا اغلبهم ما جربوها الا عام 2010 وانت طالع مع ثورة التصاميم الجديده
و4 سنوات ما اعتقد كافيه تحكم فيها على سياره

بخصوص الامريكي خراباته كثير صحيح لكن لا تتوقع ان الكوري بيريحك لان الكوري لوخرب خلاص ما يتصلح
هذا حسب ما شفت ما نفع مع سياراتنا لا تصليح ولا شي ماعندك غير تبيعها وتفتك منها 

لكن الامريكي يتصلح ويمشي صحيح تداوم في الورش شهرياً لكن يتصلح

علماًَ اني ما املك سياره امريكيه سيارتي جيلي صينيه هههههههههههههههههههههه
اهم شي مثل ما قلت لك لا تسمع للمطبلين وشوف الشكاوي كيف كميتها على السيارات 

لكن نحن ناس نحب نرقع لنفسنا عشان الاسعار المخفضه للآسف 

ومثل ما قلت لك لو بشتري هيونداي راح اشتري مع اني عارف ان الجوده ماهي ذيك الزود لكن اسعارهم حلوه وتخليك
تتحملها 






ايام اول كانت هيونداي رخيصه مثلاً هيونداي تريكان كان وكاله ب 85 الف و 6 سلندر مكينه 3.5 ( نفس الي تجي 
على الباجيرو ) و دبل 

وكان السعر جداً ممتاز وهذا الي كان يحدنا على هيونداي

لكن الآن للآسف الوضع تغير الاسعار طايره فوق والجوده بصراحه ما ادري عنها لكن تخوف



ابديت على ماظن الكوري تغير واللي معك معروفه بالخرابات بإذن الله نشوف الكادينزا


up 1 down 2
danger712 20
قبل 7 سنه



وعليكم السلام ورحمة الله وبركاته 

انت ذكرت ان في الأساس ودك بالأفلون وحصلت أزيرا بـ 120
طيب الأفلون تبدء أسعارها من 111 للـ XLE والليمتيد 131 , والليمتيد نافقيشن 141
فالمبلغ اللي ذكرته ممكن تشتري فيه أفلون وممكن تشتري فيه أزيرا 

موفق 


up 1 down 0
starting 1043
قبل 7 سنه



صح انا معك لكن اذا شريت ابي فل كامل


up 2 down 0
danger712 20
قبل 7 سنه



يا ابديت للتسويق والتطوير مدري ليه احس ان صارت لك معاناة مع الكوري وبعدها كرهته ولا صايره سالفه لخويك


ترى مهب من سيارة ولا سيارتين يا الغالي نحكم على الكوري كامل

انا معك في سوناتا طلعت فيها عيوب مصنعية وخبطت مكينتها والالنترا وغيره وترى هذي تصير في اي وكالة لكن ماهو معناها كل سياراتهم فاشلة


انا جربت الكوري الجيل الاقدم من 2006 حتى 2010 هذا لايعلى عليه بصراحة ومن ناحيتي الشخصية وبدون زعل اشوف هذي من افضل مراحل الكوري


مكاين تصبر انا موتري السوناتا مشت 310 الف والله العظيم ماقد فكيت لا غطا رديتر ولا قد صلحت خراب ، غيرت بطارية وبواجي وصفاية طول ماكانت معي و3 سنوات جلست معي مهب مدة بسيطة وخطوط وروحة وجيه يعني هل باعتقادك ان المدة هذي غير كافية اني احكم فيها على موتري او على السيارات الكورية بشكل عام


انا ما اطبل لشركة معينة ولا علي منها لانهم مادروا عني ، ومهب عشان معي كوري بخلي الناس كلهم تشتري مثلي


انا معك في سيارات في هونداي ما تستاهل اقيامها وغالية لكن شف وش يقابلها من التويوتا وشف الهوندا وين وصلت

اجل سبشل توصل 100 الف وهي لاحساسات ولا زنون ولا شي ويقولون ناقلين بلد التجميع في الصين عشان رخص الايدي العاملة واللي نشوفه صار سعرها دبل غير منطقي الشي هذا


يعني فيه سيارات من الكوري بصراحة تستاهل اقيامها وزيادة مثل الكادينزا مثلن والازيرا نص فل بحدود 80 الف اسألك بالله مهب ازين من الكامري مركب وقيادة وعزم وعزل وشكل وحتى قوة بدي امس وانا راجع من الدوام والله حادثين كلها كامري الشكل الجديد منعفسه عفس وحدة صادمه في كامري 2010 منكسر اصطبها والصدام انكسر وذيك والله متعفطه رفارفها والكبوت واصل للقزازة


ولا راحة ولا رساوة على الخطوط بعد 100 وياليتها مثل عمليتها اول لانجلس نلعب على بعض الكامري تغيرت


هذا كلام الحق وكل السيارات الفارهه استدوعها لعيوب مصنعية افلون غيره

اتمنى وضحت لك الفكرة بالتوفيق




up 0 down 0
a.ibrahem 3169
قبل 7 سنه



a.ibrahem 

الفكره واضحه اخوي انا اتفق معاك في كل كلامك 

لكن انا حبيت اوضح للآخ صاحب الموضوع الجانب الآخر عشان يكون على بينه فقط 

واكيد اخوي اشتري 6 سلندر هيونداي افضل من 4 سلندر تويوتا اذا كانت بنفس السعر والمواصفات 

اتفق معاك في كل ما تقول

ويعطيك الف عافيه ما قصرت 


متأكدين راح تتغير الازيرا كليا في رمضان القادم او السنة القادمة ؟


up 1 down 0
لومينا11 6
قبل 7 سنه