رايكم بالازيرا

قيمة النظيف منها لو مكينه 3.3 وفتحة سقف

قيمتها 30 الف تقريبا لو الممشى حقيقي ونظيفه

اما 20 الف وتقول تستاهل او لا وش رايك انت

والله بلاش سعرها اتوقع فيها سمكرة او فيها بلى راعيها ماهوب غبي لذي الدرجة عشان يبيعها بسعر زي هذا لا تستعجل وافحص زييييين واستخير 

اذا استاندر و مكينه 2.7 حقها 
لكن اذا نص فل اللي تجيك 3.3 و تنده و هيك اكيد فيها شي مثل بودي مسمكى او قير لك عليه 
اذا فل مثل 3.8 فاسعارها اكثر من ذلك 
لكن كاستخدام انصحك فيها انا معي 3.8 امريكي لها سنه و 4 اشهر ماشاء الله زي اللوز لكن اهم شي افحص و قلب فيها مضبوط 
ولا تسمع للي يقول لك كوري و ما يتحمل 
بتسمع كثير لكن لا تأخذ بكلامهم الا من مجررب 
اذا موتر جاز لك بعد الفحص و تأكدت منه خذه راح تدعي لي

يارجال لو احصلها شريتها

لكن ممشاها ماهو معقول تأكد وافحصها 

سعرها ممتاز لكنه في نفس الوقت يجيب لك الشك والحيره

عموماً تأكد من نظافتها


انا اشوف سعرها طيب جداً

سعرها غير منطقي ابدا 

اذا الموتر نظيف وبدي وكاله وفل كامل يصفق 40 الف  بالراحه 

20 الف ريال سعر غريب لازيرا افحص السيارة مسمار مسمار فيها بلى 

والله سيارة جبارة وحق كرف خاصة الشكل ذا 
لكن ان كانت ٣.٣ او ٣.٨ بذا السعر والممشى
مااحط بذمتي لكن مو ساذج عشان بحط بذا السعر
اتاكد وافحص سعرها جدا رخيص تلقاه من ٣٠ ل٣٣ كذا او اكثر 
اذا مافي سمكرة مافي مشاكل بالمكينة والقير وخلافو
والله اتوكل 

افحص السيارة مسمار مسمار

واذا كان مافيه بلا توكل على الله سعرها فوق الممتاز

حتى لو كانت 2.7 مافيه مشكلة بس ماتحصل هالموديل بهالسعر

لكن انصحك ما تستعجل وتفحص زين مازين السعر فيه شك ومررريب ، وياليت تحاول تستدرج راعيها بطريقة غير مباشرة وتعرف ليش ببيعها وبهالسعر بالذات يعني لا تقولها له وجه لوجه عشان مايطمع ويزيد عليك

بالنسبة للموتر فهو خيار ممتاز وخواتها النظيفة فل طايره بالتوفيق