بطلع لي سياره وكاله لكن مالحل ؟

ما اظن تقدر تطلعها الا بتسديد 
الحين لو بتجدد الجواز لازم تسددها كيف اذا بتطلع سياره ولا لوحات

ممكن تقدر بس ترا شغلتها مقعده اشوي لن اخوك او  الوالد يسجل مستخدم فعلي في الاستمارة في المرور لازم ما يكون عليه قسايم
خالك يتفوض  فقط في نظام الشركة علشان يغطيه التامين لاصار حادث لاسمح الله وقسايم ساهر تنزل عليه 

بتشتريها كاش

حطها بإسم أمك

الحل أقرب صرافة و سدد و اترك اللف و الدوران و إقحام الناس في مشاكلك المالية

استغرب نص الشعب ديونهم مخالفات وقروض مدري كيف عايشين ؟؟ كيف ينامون الليل

والله العظيم ان الدين هم وانا قد جربته اذا تسلفت ماخذ راحتي بالفلوس احس انه فيه شي منكد علي 

فيه عسكري اعرفه ينقل السياره لك لو عليك مخالفات ب ١٠٠٠ ريال ويطلع لك رخصه لو تبي لو عليك مخالفات كلمني خاص وان شالله نلقى حل

تقدر تطلع سياره وانت عليك مخالفات انا مادري عن الوكالة لكن شريت لي جمس بهبهاني راعيه عليه 3000 ريال مخالفات 
ونقل المرور السياره بسمي

طيب ليش جمعت على عمرك هالمخالفات ليش ما تسدد اول بأول وتصير منتظم في قيادتك ومحد صايدك


انا وجهة نظري انك تنقص من المبلغ اللي بتشتري به موتر وتسدد مخالفاتك وتسجل الموتر بأسمك وتعيش مرتاح


ولا تدخل الناس معك في متاهات مع احترامي لك


لأن مردك مسدد مسدد طال الزمن ولا قصر بتجدد جواز صار لك ظرف ما بتعرس بتسوي شي بيقولون لك سدد


طيب ليش تنتظر لين وقت الشدة وتنطل وجهك على فلان وعلان يسلفك عشان تسدد سددها انت الحين وريح عمرك


ولو اني محل خالك مع احترامي منيب مسجلها بأسمك تقعد تراكم علي مخالفات وابلش


بالتوفيق