اخطاء شائعة لدى الكثيرين من ملاك السيارات اا محدث باستمرار اا
29
5
إضغط هنا للإخفاء
بسم الله الرحمن الرحيم و الصلاة
و السلام على نبينا محمد عليه افضل الصلوات و اتم التسليم اما بعد:
هذي كم نقطه تتلخص فيها اخطاء الناس في تعاملهم مع السيارت :
1/ استخدام زيت غير مناسب للسيارة .
لانها الزيوت تاثر على الاداء و العمر و الاستهلاك للبنزين .
2/ عدم تغيير جميع الزيوت و الاكتفاء بتغيير زيت المكينة فقط .
جهل من بعض الناس او اعتقاد ان تغيير اي زيت يسبب عطل .
3/ الغاء بلف حرارة المكينة .
لان المكينة بدون بلف ترتفع حرارتها في الوقوف.
4/ الغاء ليات الحار باعتقاد انها تقلل من الحرارة او تزيد التبريد .
لانها تزيد من حرارة المكينه نسبيا و تاثر على السلندرات الخلفيه للمكينة لان ما يوصلها تبريد .
5/ قياس ضغط الكفرات و هي حاره .
للان الضغط يزيد بالكفر الحار و انت تشوف ان الضغط سليم وهو في الاصل ناقص .
6/ قياس زيت القير و السيارة بارده .
لان يعطيك قراءة خاطئة ة تعتقد انه ناقص.
7/ تربيط السيارة من تحت.
لان السيارة اللي مساميرها مشدوده من المصنع اذا بدت السياره تقرقع مو يعني انه المسامير انحلت او انفكت لا ابدا السبب ان الجلده نفسها انخفضت سماكتها بسبب الاستخدام لان مسماير البلد يجي عليها ماده تقفل السنون ما عاد تخلي المسمار او الصاموله تنفك و هذا مؤشر على انك تحتاج تغير القطعه و تحط لها نفس الماده عشان ما ينحل المسمار .
8/ تشغيل السيارة و الجلوس فيها .
يسبب حرارة اذا كان نظام التبريد ضعيف و يسبب تجمع الكربون في دبات التلوث و يتعب المكينة.
9/ تسخين السيارة لفتره اكثر من دقيقه .
لان سيارات اللي بنظام البخاخات ما تحتاج تسخين اصلا يكفي 30 ثانيه و تعتبر كثيره اصلا .
10/ استخدام فحمات الفرامل لما يطلع صوت احتكاك الحديد بالهوب .
يسبب تاكل في الهوب و يحتاج خرط .
11/ خرط الهوب و هي لا تحتاج للخرط اصلا .
12/ تركيب مروحه اضافيه لحل مشكله الحرارة .
اصلا السيارة ما كان فيها حرارة ثم اختلت السيارة ة ارتفعت حرارتها و انت ما حليت المشكله انت اخفيتها بالمروحه فقط .
13/ صيانه السيارة في موسم واحد من السنة .
كثير من الناس يقول الله يعين جا الصيف لازم اشوف سيارتي وش تحتاج .و المفروض الصيانه على مدار العام .
14/ تركيب فيوزات صينيه .
الصيني اما ينقطع بسرعه او ما ينقطع ابدا و هذا الاخطر و الاصلي يكون محفور عليه و مكتوب الرقم باللون الابيض .
15/ شراء قطع صينيه بحجه ان الاصلي غالي .
الاصلي ادى عمله 15 سنه لا تستخسر و تركب صيني و تتعب معه ركب اصلي ويعيش 15 سنه باذن الله لان القطع الصينيه مرض يخرب السيارة .
16/ تغيير الكمبرسر او القير او الدينمو او السلف او اي قطعه لها امكانيه التوضيب
لان توضيب القطعه افضل من التشليح او المتستعمل او المجدد لان قطع سيارتك اصليه اما الباقي قطع اللي فيه تكون تجاريه لانه الهذف منها التجارة و ليس الامانه .
17/ تعبيه البنزين الغير مناسب لسيارتك .
لان لكل سياره معامل انضغاط معين يختلف من سياره لسياره .
18/ تغيير المكيف من البارد للحار فجاه .
لازم نعطي وقت للتغيير من الحار للبارد .
19/ تغيير زيت القير و القير حار .
لان الزيت الجديد بارد و فيه احتماليه ينشعر راس المنظم .
20/ سؤال البنشري او الوكاله عن افضل نوع زيت .
لان ما فيه احد راح يقولك الصحيح .
21/ شراء الزيوت و القطع الاستهلاكيه من البناشر او بعض محلات قطع الغيار.
للانها مغشوشه في كثير من الاحوال.
22/ عدم اصلاح اي مشكله في اقرب وقت .
لان السيارة اذا جت مشكله حط في بالك ان باقي المشاكل في الطريقه فا ابدأ بالتصليح اول باول ..
23/ وضع مويه صحه .
لانها درجه غليانها 100c و تتفاعل مع المعادن و تسبب صدا للمجارى المويه في المكينه و تسبب عطل لطركبه المويه و انسداد في الراديتر .
24/ استخدام مويه رديتر فاشله مثل ابو 10-20-30 ريال و AC delco .
لانها مويه مقطره ملونه فقط و ac delco فاشله لانها تعبى بالسعوديه .
25/ استخدام سيفون و فلتر هواء من البناشر.
لانها اغلى و مغشوشه .
26/ تنظيف الثروتل بدي و ببخاخ ac delco و هو بمكانه .
لان الاوصاخ من الجهه الداخليه اكثر من الخارجيه و هذا البخاخ منظم للكربوريتور ( الكلبليتر ) .
27/ تنظيف حساسات السيارة ببخاخ منظم كربوريتر او ببنزين .
لان البخاخ زيتي و يسبب مشكله للحساسات و البنزين حار عليها .
28/ اخذ منظف بخاخات من المحطات .
لانها مغشوشه اما ببنزين او قاز .
29/ ترك البنزين اقل من الربع ( او اذا ولعت اللمبه )
لانها تسد الصفايه و شخال الطرمبه و تسد صفايه البخاخ .
30/ اهمال تنظيف اصابع و اقطاب البطاريه .
لانها تسبب ضعف في التشغيل و تقلل من عمر البطاريه
31/ استخدام الراديو و السيارة طافيه .
لانها تقلل من عمر البطارية .
32/ اهمال تنظيف السلف .
لان بعد فتره يصعب تشغيل السيارة و ظهور اصوات في التشغيل ثم خراب في اسنان السلف او الحذاف ( الداير - flywheel )
33/ اهمال تنظيف دبات التلوث .
لانها راح تنسد و تسبب حرارة للسيارة .
34/ الغاء دبات التلوث .
لانها تسبب تلوث للبيئة و ما تنجح السييارة في الفحص .
35/ الغاء حساس الاوكسجين ( الشكمان )
36/ عدم ترطيب جلد السيارة من مقصات و عكوس ووووالخ ...
لان الترطيب يخليها لينه و اطول عمره والترطيب اما ببخاخ سيليكون او شحم الليثيوم الابيض و متواجد بساكو .
37/ رفع جهه من السيارة ( للدفع الخلفي او الرباعي ) لان عمود الكردان راح يتلف الصوفه و يسبب تهريب بصوفه الدفرنس والرفع يكون بشي خفيف جدا .
38/ توقيف السيارة على القير .( الاوتومياتيك )
لان هذا يتعب احزمه التعشيقات و بعد فتره من الزمن يصير فيه طقه في نقل التعشيق .
39/ عدم تدور الكفرات كل 10000 كيلومتر .
لانها تسبب في تآكل كفرات معينه و تضطر تشتري كفرات كل فتره .
40/ شراء كفرات مستعمله او غير مناسبه للسيارة .
لانها تنفجر او تنسلخ بسرعه .
41/ عدم اصلاح كراسي المكينه و القير او الدفرنس .
لانها تسبب تخلخل في الاجزاء المكيانيكيه .
42/ تغيير فيوز برقم اعلى او اقل من المطلوب .
لان يسبب اما قطع في الفيوز الضعيف او حرق للجهاز اللي عليه الفيوز الاعلى .
43/ الدعس المفاجيء للسيارة .
بسبب نظريه القصور الذاتي فان الزيت يكون في اخر المكينه و تكون الجهه الاماميه بدون زيت و يسبب تاكل للقطعه الداخليه بسبب ان الطرمبه ميكانيكيه .
44/ تلحيم المروحه الميكانيكيه بالبكره نفسها .
لان صوتها راح يكون مزعج و لا يكون فيه تبريد صحيح .
45/ فك الشبك الامامي للسيارة .
المشكله هنا ان اي حصى او عصفور راح يضرب مباشر في الرديتر و يكسره عليك او يعفط الزعانف .
46/ تشحيم السيور او تزييتها .
الاصوات دلاله على انتهاء عمر السير او ارتخائه او الشد الزياده او مشكله بالبكره نفسها او الشداد .
47/ تغيير البواجي و السياره حاره .
لان اسنان البواجي او مكانها بسهوله راح تخرب لانها حاره .
48/ عدم استخدام النمر الثقيله في القير لصعود او نزول المرتفعات .
لانها تتعب القير الاوتوماتيك .
49/ فك اي قطعه كهربائيه او انك تفك اي شي بالمكينه وانت ما فصلت سالب البطاريه .
لان اي دقه بالمفك او المفتاح راح تسبب شرارة وهذي الشرارة تؤثر على الحساسات و الكمبيوتر .
50/ عمل اشتراك لسياره اخي بطريقه خاطئة .
لانها تقلل من عمر البطاريه و احتمال انفجار البطاريه اذا كان غاز الاوكسيد موجود و في السيارات الحديثه يلذع الكمبيوتر .
51/ مساله الزيوت الصيفيه و الزيوت الشتوي .
هذي كانت قديما بالزيوت كانت فقط 10w او 40 اما الان بالخليج ما فيه زيت شتوي او صيفي .
52/ الزيث الثقيل افضل لان الحرارة عندنا مرتفعه .
هل يعقل ان حرارة الجو 50 مثلا تسبب تبخر للزيت بينما حرارة المكينه اضعاف مضاعفه ما تبخره .
53/ تسييخ الرديتر .
لانه يغير من شكل الفتحات من مفلطحه الى دائريه و بسبب التحول يقل كميه الهواء اللي يمر بين الفتحات .
54/ عدم فحص ضغط الكفرات كل شهر .
لان عدم الفحص يسبب تاكل واستهلاك للبنزين واشياء اخرى يطيل في الحديث.
ان شاء الله اكون وفقت في هذا الطرح و اعتذر على هذي الاطالة
اتقبل النقد و التعليق بصدر رحب و ارجوا ذكر اي نقطه نسيتها او غفلت عني
و ارجوا ذكر المصدر عند نقل الموضوع
اطيب تحياتي / خالد الفوزان
إبلاغ
الردود
1
0
زيت القير لازم السياره حاره عشان يطلع كامل وتضمن ان الرايش يطلع معه
اما لو بارده ماراح يطلع لانه نزل في قعر الكرتير .
1
1
1
1
0
0
لكن الموديلات القديمه لا ومجرب ددسن 93 وباترولات من موديلات التسعينات تفك البلف تطيح الحراره تمشي واقف مسرع ينزل الحراره بشكل كبير
ونقطة 9- التسخين لفتره اكثر من دقيقه بالشتاء لا ابدآ لابد من تسخينها وجربتها بأكثر من سياره إذا ماوصلت الى الحراره الطبيعيه القير تطول نمره
واتكلم عن القير الاوتو جديد وقديم واللي يقول غير هالكلام اقوله شغل موترك وهو بارد وحط رجلك كأنك تقاوم
بتقولي لا تدريجيآ طيب ليش تدريجيآ؟؟؟!ههههه اقولك طيب لو اضطريت تسرع انت باشارع مو بساحه فاضيه
3
0
2/التسخين في البلدان البارده
-السبب لجعل دوره الزيت تكتمل فقط
3/ امبير الحرارة يقيس حرارة المويه وليست الزيت .
4/ تسخين السيارة بالمشي الخفيف افضل من تسخينها و هي واقفه و شي طبيعي جدا ان يكون في القير نتعه او تاخير بسيط بسبب الزوجه العاليه لان كلما زادت الحرارة قلت الزوجه .
5/ تقدر تمشي عليها بشوي شوي بس هي مساله تعود فقط لا غير .
- والدليل ان كتالوج السيارات اللي تشتغل بنظام الحقن او البخاخات (inj) ما ذكروا تسخين السيارة ابدا ابدا لفتره اكثر من دقيقه هي فكره اخذناها من نظام الكربوريتر ( carb ) و نظام الحلابات ( TBI) لانها اذا كانت السيارة بارده ما تخلط البنزين و الهواء صح فا تقطع و تناتع .
لكن لا تجي تمشي عليها و انت شايل بلف الحرارة لانه كذا السيارة راح تحتاج فتره طويله عشان ترتفع حرارتها .
6/ النقطة الاخير ان بلف الحرارة يحتاج موضوع لحاله و اختصار النقطه المهم انه يحبس المويه في الرديتر و يخلي المراوح و الهواء يضرب ي المويه ثم يفتح البلف و يدخل مويه بارده على المكينه و تبرد و الدليل كلما تسرع بدون بلف كلما تنزل الحرارة و هذا ياثر على الاداء و استهلاك البنزين لان خلط البنزين و الهواء يعتمد على حرارة السيارة .
انا وجه نظري من منطق هندسة ميكانيكا .
3
0
يعني مو مستاهله امشي ومافيه فرق كبير
طيب الان انت اعترفت ان القير يكون فيه نتعه إذا السياره بارده
السؤال هل النتعه او عدم تبديل النمر بسلاسه هل ضرر او لا؟؟
إذا ضرره شيء بسيط او لايذكر فسيكون على المدى البعيد وهذا الكلام عن المشي خخفيف تدريجيآ
طيب لو اضطريت اسرع بشكل كبير ؟؟هنا بيت القصيد احيانآ تخرج على شارع تضطر تسرع وتسمع القير قاعد يحن
بعكس إذا السياره على حراراتها الطبيعيه هنا يكون الوضع طبيعي بعكس والسياره بارده
وتلف جلد البلوف احد اسباب عدم تسخين السياره بشكل كافي
اما البلف الغائه للسيارات القديمه لايوجد ضرر له
لكن السيارات الجديده ماينفع تلغيه واتفق معك ان الحراراه بترتفع كثيرآ بالوقوف لكن السيارات القديمه لاترتفع لا بوقوف ولامشي
واخيرآ قارن بين قطع السيارات القديمه والجديده بتجد السيارات القديمه عمرها طويل جدآ مقارنه بقطع السيارات الجديده
وهذا توجه كل الصناعات ليس السيارات فقط عمر استهلاكي اقصر=ربح اعلى
المقصد من هالكلام لاتصدق كل كلام الكتالوجات والمصانع ليس دائمآ صحيح لأنها تريد الربح
وهالكلام كد سمعته بأحد البرامج عن الفرق بين الصناعه الحديثه والقديمه الفرق كبير جدآ
1
1
2/ اذا كانت السيارة تحتاج تسخين لمده دقيقتين فا اذا مشيت بتسخن ب 30 ثانيه تقريبا و انا الحمدلله سيارتي وكاله 2011 ما قد سخنتها لا صيف ولا شتاء علما ان سيارتي ما فيها لا لمبه تسخين ولا امبير حرارة و لا عندي مشاكل جلد بلوف و لا شي لان وش علاقه جلد البلوف بالحرارة .
3/ اول شيء اختلاف معادن التصنيع و السبب لتحقيق خفه الوزن و السبب الاخر جعلت التصادم بين السيارات اكثر مرونه يعني يخلون اكبرمساحه ممكنه من جسم السيارة يمتص المرونه للتخفيف منها و تغيير المسامير لكلبسات للامتصاص و لو كان الهدف الرئيسي انه ربح من القطع كان ما احد يشتري سيارة جديده منهم لان الواحد مو فاضي يشتري سيارة و يجلس يدفع عليها و لو كان الهدف ربحي كان ما تشوف gm متعاقده مع اسيدلكو و لا كانت فورد متعاقده مع موتركرافت لان وش تستفيد الشركه من تصنيع القطع و تكون فيه شركات تصمم نفس الشي تقريبا و بسعر اقل و برا الخليج فيه مئات الشركات تصنع قطع للسيارات و بعضها يكون افضل من المنصع لكن اغلى منها و المصنع ما هو غبي يضيع مساحه تصنيع قطع الغيار و هو ما راح يستفيد منها بالربح كان يوفر موارد و ياخذ المساحه و يخليها تصنيع سيارات اكثر دخل .و برا الخليج السيارة يجي معها على الاقل كتالوجين و بعضهن 3 كتالوجات مشروحه فيها عزم شد كل مسمار و كيفيه فك القطع و ارقامها . و لو دققت ان الحوادث بروسيا قويه نوعا ما لكن سياراتهم ما تتاثر و عندنا اقل قوة من حوادثهم ونتاثر اكثر و بتقولي اذا كان الامتصاص اكثر يعني بدي ضعيف يعني السيارة راح تروح تالف او السواق يتضرر و ردي راح يكون ان مواصفات الامان الصحيحه اكبر عدد من الايرباقات و و شاصيه اقوى من اللي عندنا و فيه فرق انا شفته بين كامري وارد امريكا و كامري وارد السعوديه الفرق بالصلابه و الامان العالي و لانظمه المصاحبه للسياره اكثر مثلا بسيط ( الاكسنت 2010 بالسعوديه ايرباق واحد و بالكثير اثنين بالفل كامل اما بامريكا 8 ايرباقات فيه شاسع بالامان ) لا تحكم علي الشركه او السيارة بسبب وكيلها لان الوكيل يطلب المواصفات في الحد الادنى .
مساله بلف الحرارة انا اقولك من ناحيه ميكانيكيه اما من ناحيه ثانيه انا سمعت انه ما ياثر على السيارات القديمه و يكون هو الحل احيانا اذا شلته اما انا فا نظرتي ان المصنع ما يحط شي عشان اي شخص يشيله
1
0
مشكور وما قصرت
و (خير الكلام ما قلّ ودلّ) فعلاً ..
واضح إنك ذكرت (خـُلاصة الخـُلاصة)
حول الكثيرمن الموضوعات الخاصة بالسيارات
وأبرز جوانب الصيانة والشكاوى الأساسية ..
شخصياً .. أعجبني جهدك ، ولك الشكر طال عمرك .
1
1
تقبل مروري وتستاهل اللايك
1
0
1
0
0
0
واشكر الاخ خالد
1
0
النقطة 48 عندي فيها استفسار
لو انا طالع مرتفع اجيب القير على 3 ولا 2
واذا خليته على الD ايش المشاكل اللي بتصير ؟؟
قبل 8 سنه و 10 شهر