هل الايرباقات تتصلح في الجينسس ؟

شف من وجهه نظري

لا انصدمت السياره وطلعت ارباقاتها 

مستحيل ترجع ارباقاتها مثل اول

الوكاله يالله يالله تركبهم وتبرمجهم و تحط حساسات ببودي السياره

واحيانا يطلع واحيانا لا .. والسبب عيب بالتركيب

فتتوقع ورشنا اللي مع احترامي الشديد اغلبهم سباكين

يرجعونه لك وكاله ؟؟

ابعد بعيييد مثل ما قالك ابو يزيد , ولو بتصلح تكلفتها ما تقل عن 30 الف والسيارة ما ترجع مثل قبل 

بالمبلغ اللي بتشتري به الموتر واللي بتصلحه فيها دور لك وحدة نظيفة لو 2012 تراها نفس الشكل لو أقل فئة فيها اغلب الاشياء اللي تحتاجها

وصلى الله وبارك ، وش لك وش للطلايب ود قطع جب اشتر ادفع سدد واذا كان الحادث قوي نسبة 70% مايرجع الموتر مثل أول

ويمكن فيه اضرار ميكانيكية تظهر لك لاحقاً بعد التصليح

انصحك تبتعد وتعلمنا كم حدك وبنفيدك ان شاء الله باللي معك يجيب لك موديل كم

تحياتي لك

حقين الفيبر 
يقصون الكيس ويلحمون الباقي بس ديكور يعني 

اما تبي تصلح شغلتها شغله 

فيه بدايل كثيره 
اذا ميزانيتك حدود ال70 خذ افالون ولا لكزس es الشكل القديم
افضل من الجنسس الموديل القديم بمراحل 
ولا شف لك ازيرا ولا كادينزا 14 استعمال خفيف زيها مافيه فرق

بارك الله فيكم جميعا
ما قصرتم على النصيحة .. 
بالنسبة للبدائل فيه فدائل ماعندي مشكلة والميزانية الى 160 
لكن المشكلة ان عندي سفريات مراقبة عمالي في مكة .. اضطر اسافر من الرياض لمكة من فترة لفترة وبنفس الوقت اضطر اركب العمال معي بالسيارة اوديهم مشروع غير المشروع الحالي
ومثلكم عارفين .. عمال وتركبهم مرسيدس والا لكزس !!! ونيت ويخب عليهم ههههههه موب قصدي التقليل من احترامهم فهم بشر مهما كان يعني
ولكن يحوسون السيارة 
على هالاساس انا قلت اذا السيارة طالعه ايرباقاتها ما تهم بس ما تبلشني كل شوي وانا ناقز ورشة ماعندي وقت للكلام هذا
والي عجبني انها (( دفع خلفي )) اما الازيرا والافلون دفع امامي الى هاليوم كل مرة ابغا اشتريها امسك فرامل وابطل

على كل حال .. ما قصرتم في المشورة وربي يسهل امري وامركم 
وانا بشوف لي غيرها دام بتبهذلني في الصيانة .. والظاهر اخرتها سوناتا والا النترا ههههههه ام دفع امامي ( بوب كات مطور )