ما افضل طريقة لشراء سياره؟ قسط او قرض

تاجير افضل لاتنسى انها مؤمنه لا سمح الله او حادث ماتتحمل شي
تكمله السؤال :-

اي شركات التاجير او بنوك التاجير افضل

+1 لايك لكل مشارك

قبل اسبوعين كنت بنفس حيرتك واخذت قرض وطلعت الموتر كاش

بصراحه نفسيتي مرتاااااااااااحه

القرض افضل بكثير بس تأكد من شرعيته

عن نفسي انا القرض افضل 
موتر مثل ماقال اخونا منخشق راحة نفسيه قبل شهر احد اصدقائي يقسط موتر جكسار وحصل له مبلغ وراح كيشه 
يقول هالحين احس انه موتري وهو معه قريب للسنه 

لكن مثل ماقلت انت انك لو اخذت قرض ماتقدر تأخذ مره ثانيه هي على حسب الشخص وظروفه

قرض وتقدر تتحكم براحتك

القرض ممتاز بس تاخذ تاجير منتهي بالتمليك اذا كنت بتاخذ قرض لحاجه ثانيه نقول زواج مثلا
ومحتاج سياره هنا تاخذ تاجير منتهي بالتمليك

القرض افضل اكيد نظام التاجير شرعيا مشكوك فيه ومنكوب شوف اكثر حوادث على السيارات الي بنظام التاجير

للاسف صار الشخص مايقدر يعتمد على نفسه بالقرارات .. لازم اثنين ثلاثه يزكون اللي بيسويه عشان يقتنع ويسويه

انا اشوف القرض وشراء السيارة كاش افضل بكثير من التاجير... يكفي فقط ان السيارة باسمك متى مانويت تبيع مباشره

طيب بسالك

كم الفرق بين فايدة الايجار بالتمليك والقرض

هل الفارق كبير ؟؟؟

اذا كبير خذ الاقل

اما اذا متقاربه يعني حول 10 الاف 

خذ ايجار منتهي بالتمليك 

فيه مميزات كثير تامين شامل لاسمح الله

تقدر تقبلها متى ماتبي

فكر فيها بعقل شوي

القرض اولاً ان السيارة بأسمك يعني مرتاح نفسياً ولله الحمد استمارتي معي ببيع بجدد بسافر برى المملكة ذولي بتقعد تطاردهم عطوني تفويض جددوا لي تفويض

وثانيا اختلاف المشايخه فيها بين الحلال والحرام

ولاقدر الله صابك أمر من امور الدنيا ولا قدرت تسدد في نفس هالشهر ماتجلس تطاردك الوكالة ولا تسحب السيارة الموتر لك والبنك مايدري اصلن انك شاري سيارة بهالقرض


وبعدين لما قلت انك لو نويت تبيع او تتنازل عشان تاخذ قرض حتى ذي تقدر تبيعها في المعارض وفلوسها تسدد بها قرضك وترجع من جديد

وغيره وغيره ما ودي اطول بالكلام لكن يضل القرض افضل في جميع الحالات
بالتوفيق

رداً على الاخوان coco13 و الشرقية1

حبيت اوضح لكم بس بخصوص التأمين ترى كثير من الناس يقولها نفسكم ياخي اخذ لي تأجير منتهي بالتمليك تأمين شامل احسن لي من قرض واشتريها كاش وأخرتها أأمن ضد الغير


طيب ياحبيبي تراهم مطلعين قيمة التأمين حق الخمس سنوات من ظهرك من الاقصاد يعني السيارة اللي قيمتها 100 الف تصير ب 150 الف مثلن وشي ذا الخمسين الزيادة ؟؟؟

هي فايدتهم مع قيمة التأمين للخمس سنوات هذا اولاً

طيب ليش ما أخذ من البنك انا 120 الف ب 100 الف اشتري السيارة والباقي انا أأمن عليها شامل وأختار اطلق شركة تأمين على كيفي بدال ما اروح للراجحي ولا واحد ثاني ينطلني في تأمين مخيس والاحقهم


وبعدين لعلمك ترى التأمين ينفعك في الدقشات البسيطة كسر صدام عفط رفرف لكن لو لاقدر الله صدمت وجه ولا جنب قوية شوي وبياكل الموتر مبلغ وقدره قلت لك الوكالة الله يخلف عليك خسارة كلية


ولد خالي طلع المكسيما في 2010 اول ماقالوا المكسيما وسدد ثلاث سنوات ونص باقي سنة ونص بدون دفعة اخيرة منتهي الرجال قيمة اللي دفعه تقريبا 87500 في هالحدود وصدمه واحد غلطان عليه وجه لوجه ولا تأثرت السيارة مرررة مكينتها زينة وتشتغل ولما راح الوكالة قالوا بتكلف 100 الف يعني خسارة كلية قالهم طيب قالوا اولاً الموتر تجيبه لنا بحكم ان حنا المالكين والشيك بيصدر من شركة التأمين بأسم الوكالة لأنهم المالك وبعد اعادة جدولتها قالوا مالك الا 4500 هي اللي تعتبر فايض من قيمة السيارة

أسألك بالله مهب قهر تسدد ثلاث سنوات ونص واخرتها اقبض من دبش طيب لو الموتر كاش او قرض شخصي كان ولله الحمد اموره طيبة كان يبيع موتره تشليح مع قيمة الشيك يطق له اطلق موتر او يقدر يصلح موتره بالفلوس اللي معه والباقي يستفيد منه فهمتوا ؟؟؟؟

ومهب ولد خالي لحاله كم واحد صارت له هالمشكلة


وقالوا له لو تبي تطلع موتر جديد تقصد 5 سنوات من جديد


هاه القرض احسن ولا التأجير ؟؟؟

تحياتي للجميع

ابراهيم عطاك العلم 

مافي مثل الكاش ابد سيارة بسمك و انت حر فيه

جا فتره كنت مثلك محتار وكل ما احسب حسبه القا الجواب قرض و سيارة بسمك والله ييسر امرك