اصحاب السوناتا والخبرة رأيكم لا هنتم

سياره حلوه وعمليه واقتصاديه وتوكل على الله واخذها 

احنا معنا وحدة 2013 الدفعه الاولى يعني نفس ١٢ الموتر عملي ويكد والله يوميا نمشي عليه ٢٠٠ كيلو ولا قد اشتكى من شي وممشاه حاليا ٨٦ الف وقطع رخيصة وبنزين فل ب٢٨ اظن ويقعد معك اسبوعين بس عيبها البدي اتذكر مره حكيت ف رصيف وطاح الرفرف هذا العيب الوحيد اللي لاحظتة وفيها حجاة ثانية الي هي المكيف اذا شغلته يطلع صوت دايم بس يروح واذا شغلت المكيف ورحت مشوار ورجعت وطفيت السيارة ورجعت اشغله يطلع رطوبة من المكيف بس نصيحة خذها ولا تشاور بس افحصها كمبيتر

توكل على الله سوناتا و الانترا اتحداك تروح شارع ما تشوفها خلاص الهوينداي احتلت السووق وبالتوفيق

يا عضو 3466 شكلك غشيم فالسيارات

اول شي الصوت مدري كيف قصدك بس اذا اول التشغيل اعتقد يبغاله رمان او شي زي كذا


اما بالنسبه للرطوبة هذا شي طبيعي جدا جدا في كل السيارات من اكبرها لاصغرها 

لكن انتم تغلطون وقت ما تطفون السيارة 

لازم تخلي المكيف شغال وتطفي الكومبريسور وتنتظر الين يصير الهواء عادي

بعدها طف السيارة واذا جيت تشغلها مره ثانيه ما بيكون فيه رطوبه

مهو كل السيارات فيها رطوبه أنا ملاحظ أنا اغلب سيارات وهونداي فيها رطوبه مكيفها ضعيف في الصبح ومطبها قاسي وخفيفه مهي راسيه اماعملية مدري عنها