ما رأيكم بالسوناتا

بس لو تاخذ لفة بالموقع تعرف  . والحين يسار موضوعك فيه مواضيع تلاقي فيها جوابك

سياره كرف 
وزيادة في وسائل الامان 
سقف 2015 نص قل والله متماسكة 
وقت حق صديقي 2013 نص فل والله 
تزحف زحف <<< تذكرت ايام الكامري قراندي والهجوله 

هي حلوه وعمليه وسعرها مقارنه بالكامري والاكورد حلو 
انا معي 2015 شريتها لها 5 شهور نص فل بانورما اخذتها بي 78 
الكامري سياحي هذا سعرها وشكل بايخ 
الاكورد حلوه لكن تجميع صيني وفوق هذا راح تتغير 

السوناتا حلوه ومريحه قطع الغيار رخيص 
طبعا يجيك الي يسبها هذا اعطيك 100 في الميه ماجربها 

طبعا لاتاخذ بكلام ولد عمك ولا ولد خالك اذا انت مجربها اكتب التجربه انا فلان يسبها اصير مثله ليه 

نصيحه ان قدرت تاخذ اجار تجربها افضلك 
لي موضوع عنها ادخل على اسمي 

سقف = سقت 
وقت = سقت 
واسف لاني اكتب بالجوال 

كلنا نكتب بالجوال ههههههه الاغلاط لابد منها

السوناتا استخدمتها سياره عمليه عن تجربه بس اذا بتشتري انتبه فيه بالسوق سيارات هونداي محوله بانزين كانت غاز ومعدله يجيبونها الشريطيه من السوق الحره اذا تبي تعرفها تلقی علی الشنطه مكتوب N20 وتكون داخليتها كلها اسود وتلقی قاعدة الغاز موجوده بأعلی الشنطه

احنا معنا وحدة ٢٠١٣ السيارة عملية حقت كرف يمكن فاليوم نمشيها ١٠٠ كيلو الحين ماشية ٨٦ الف ماشاء الله وتكرف كرف ولا قد طلبت شي بس عيبها والي انا حسيت فيه انا البدي مره مره ضعيف يمكن اضعف سيارة بالسوق من ناحية البدي اول حكيت رصيف واطي حكة خفيفة طاح الرفرف والعيب الثاني فتحة البانوراما اول سنة بتكون شغالة ١٠٠٪ لكن بعدها بتصير تعلق عليك ومابتستفيد منها والبنزين فل ب٢٥ يمشيك شهر ي رجل

انا عندي الشكل الجديد بعد العيد هذا يكمل لها سنه 
الديكورات متماسكه وراسيه ولاواجهتني اي عيوب ولله الحمد 
وماسكه سعرها بالسوق وانتشرت بشكل فضيع 
لكن اذ اخذت بانوراما حاول انك ماتهملها يعني لازم في الشهر مرتين او ثلاث تفتح البانوراما علشان
الشحم يمشي ع جميع المكرات والمفصلات لان السياره اذا صارت توقف 
في الشمس راح تنشف لك الشحم ويصير لازم كل سنه تمسحها بشحم ابيض
ولاتخاف راح يكد البانوراما معاك سنين

اول شي من العايدين و تقبل الله طاعتكم
.
إن شاء الله بعد كلامكم ومشورتكم بتوكل على الله وأخد واحده من المجدوعي
ومشكورين على انكم رديتوا على استفساري