أضف سؤال أو موضوع جديد          

تجربتي مع صيانة الناغي للجينسس

up 9 down 6
abdullahalharbif15 754
قبل 6 سنه و 6 شهر



بسم الله الرحمن الرحيم 

قبل 3 اشهر اشتريت سيارتي جينسس 2016 من وكالة المجدوعي بالدمام 
للعلم اني ساكن بجدة 

وقبل اسبوع وصلت 10 الاف كيلو >>> كلها من الفرفره xD 

ذهبت الى صيانة الناغي وصلت الساعه 10 الصباح 
دخلت الفرع ولقيت ناس كثير منتظرين على الكراسي وناس واقفين 
دخلت على السكيورتي قلتله صيانة جينسس 10 الاف .. قالي على يمينك 

رحت للموظف وعلى ما اذكر كان مكتوب VIP 

الزبدة انا حسيت بشعور الفخامة .. العالم كلهم منتظرين وانا خشيت عليهم عشين معي جينسس :D

عطيت الموظف الاستمارة سألني من اي وكيل ورقم جوالي .. ودخل المعلومات بالسيستم 

واخذ مفتاح السياره مني وطبع ورقه وخلاني اكتب اسمي عليها 

طبعا انا خطي مخيس .. وكتبت اسمي عبدالله بن فلان الجدعاني 

طبعا قلتله عندي كم مشكلة بسيطة بالسياره .. قالي وش .. قلتله عندي النور اليسار نازل على تحت (( اخذت حفرة قوية بشارع مظلم وانفقع الكفر والنور اليسار نزل على تحت ))
وعندي صوت طقه بالباب .. قالي لازم تحجز موعد 

قالي هذه مجرد صيانه دوريه .. اذا عندك مشكلة بالسياره لازم تحجز موعد قبلها عشين يجي المهندس ويشيك عليها معاك 

المهم 

قالي السياره تخلص الساعه 3 

قلتله كيف !! .. وين الـ VIP بالموضوع ووين الضمان الذهبي ومدري وش 

قالي والله زي منت شايف السيارات كثيرة 

طلعت من الفرع ادق على العيال كلهم نايمين ومسافرين ورجعت البيت بتاكسي

الساعه 1 يتصل علي موظف ويقول : اخوي عبدالغني الغامدي هههههههههههه 
قلتله وش .. قال انت عبدالله الغامدي ؟ .. قلتله وش تقول .. قال انت عبدالغني الجدعاني ؟ 

انا عرفت انه ما عرف يقرأ اسمي ههههههههه 

قلتله ايه قال تعال استلم سيارتك .. رحت الفرع اخذت المفتاح ووقعت على الورقه واخذت سيارتي ومشيت 



وهذه تجربتي مع صيانة الناغي 

ملاحظة : ما دفعت ولا ريال على الصيانة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كم فرق السعر بين الناغي والمجدوعي 

يعني يستاهل الواحد يروح الشرقية يشتري من هناك


up 1 down 0
srsksa -9
قبل 6 سنه و 6 شهر



طبعا ما دفعت ولا ريال ولكن دفعتها من قيمة السياره عند الشراء

شاريها بمبلغ وقدرة من ضمنها اخذوا حق الصيانات مقدم لا تتوقع انك مره ما فيه مثلك بهونداي هههههههههههه

الشيء الثاني VIP  و جينسس واخرتها تحجز موعد عشان يجي المهندس

وليش ما يداوم المهندس بشكل يومي ويشوف السياره مباشرة

الشيء الثالث ما وضحت لنا بالنهاية صلحوا وزن النور و الملاحظات او بس غيروا زيت


up 8 down 5
ابراهيم التركـي 1067
قبل 6 سنه و 6 شهر



الله يعطيك خيرها ويكفيك شرها... والله موتر كفو واهنيك على الاختيار يالذيب وهونداي عرض الصيانة على حسابهم الى 100 الف اعتبره شي خرافي يعني فكر في المبلغ اللي راح توفره واخصمه من قيمة السيارة. اليوم شفت جنسس الكفر الامامي جهة السائق مفقوع وصافط في الخط مدري وش مشكلة الجنسس مع الكفرات.

بس والله انك تسمع بالفرفرة 3 شهور و10 الاف تراها ولا شي.


up 4 down 2
x-bariq 182
قبل 6 سنه و 6 شهر



ههههههههههههه من جد تسمع بالفرفرة

ولكن الواضح انه الفرفرة حقته دوران بنفس الشارع ويمشي 20 يضايق خلق الله عشان كذا ما مشت كثير


up 0 down 3
ابراهيم التركـي 1067
قبل 6 سنه و 6 شهر



ابراهيم التركي : المهندس موجود .. وقابلته .. بس قالي لازم تحجز موعد عشين نشيك على السيارة 

وبخصوص وزنية النور .. اللي لاحظته انهم رفعوا النور اليمين زياده ههههه صار الخط كله منور .. بحجز موعد وبقولهم عن المشاكل 


بخصوص الممشى والفرفره .. كل ما قابلت احد قالي 10 الاف ماشي في 3 شهور .. يا ولد وين تروح انت وين تجي 
والله تحطمت وصرت اخلي السياره واقفه واستخدم سيارة العائله في اغلب المشاوير 

والفرفره اللي هي في شوارع زي الماصوره والجمره والوفره وزي كذا .. تجمعات قطب ودوران بنفس الشارع اخر الليل من 1 الى 3 الفجر 

وما نضايق خلق الله الحمدلله .. كل شوارعنا في اخر الدنيا .. شوارع ما يمشي فيها ادمي اصلا 


up 3 down 4
abdullahalharbif15 754
قبل 6 سنه و 6 شهر



ايه مثل ما توقعت فرفرة بنفس الشارع وتمشي 20 عشان كذا ما مشت 

الشيء الثاني شاري السياره عشان ترتاح وتنبسط او عشان تسمع كلام الناس وتوقفها وتستخدم سيارة العائلة

الشيء الثالث حتى لو المهندس موجود ليش تحجز موعد السياره فيها مشكله يكشف عليها مباشرة

هذا VIP كيف لو اكسنت ما بيعطونه وجه


up 2 down 4
ابراهيم التركـي 1067
قبل 6 سنه و 6 شهر



هذه المشكلة 

كلمت اكثر من واحد وقالي المفروض تدخلها على طول انت VIP 

بس معروف الناغي وحركاته 

بس انا فاضي ما وراي شئ .. فبحجز موعد واخليهم يشيكون على كل شئ بالسياره وكل المشاكل حتى اصغر طقة .. لازم احلل القيمة 


up 1 down 0
abdullahalharbif15 754
قبل 6 سنه و 6 شهر



اسال الله ان يبارك لك فيها

ومن ناحيه الفرفرة سيارتي لها معي سنه ونص وماشيه١٢٠ الف

يعني ممشى سيارتك حلو وممتاز


up 0 down 0
االخاالدي 3898
قبل 6 سنه و 6 شهر



10 الاف كيلو في 3 شهور ممشى عادي
أنا مشيت في شهر و عشرين يوم 11 الف كيلو ويتعبر ممشى عادي جدا مو مرة كثير
اللي يمشي 10 الالف كيلو في الشهر فأكثر هذا اللي يعتبر ممشاه غير طبيعي ومايمشون هذا الممشى الا الكدادة والمستلجين


up 0 down 3
سلطان4040 1237
قبل 6 سنه و 6 شهر



وين التميز فالصيانه
نفسها نفس اي سيارة ثانيه

صيانة دورية تسويها وتمشي
مشاكل عيوب تقنيه تصنيع لازم تحجز موعد  !!



up 2 down 0
شويخ من أرض مكناس 2823
قبل 6 سنه و 6 شهر



انا مشيت ٨٠٠٠ كم بشهر ونص واحس اني ماشي قليل هههههه 

انت لاتدقق على الممشى كثير انت شارية السيارة علشان تستخدمة 

مو علشان توقفة ولاتمشي 


up 3 down 0
ابو ماجد ال 57
قبل 6 سنه و 6 شهر



عايدي الممشى انا كنت اداوم بالخرج وانا برياض خلال اسبوع ونص طقيت 5000 طبعا لأني ابصم وارجع للرياض واذا جاء العصر اروح الخرج ابصم خروج وارجع  


up 1 down 0
رابح 337 105
قبل 6 سنه و 6 شهر



هههههههههااااي أخوك في الله سنتين وهو يطق 8 الآف كيلو وكسور شهرياً ,,, 180 كيلو رايح و 180 كيلو راجع ( يومياً ) 


up 0 down 0
خارج الوسط الرياضي 103
قبل 6 سنه و 6 شهر



للامانه شريت من الناغي جينيسيس 2016 8 سلندر و لما جا موعد التسليم راعي السطحه كع فرامل قدام الوكاله ولا كان رابطها تظررت السياره من الشمعات اللي تحت و البطانه
مو مره لاكن اتصلو و قالو اللي صار قلت ابغي سياره جديده قالو ابشر، بس تعال استلم سياره بديله اللين توصلك سيارتك، سلموني 2015 8 سلند..
السياره صار لها معي شهر ونص و ماشيتها 6الف بحكم عملي..و تاخير استلام السياره علشان اللون اللي طلبته
رحت اغير الزيت والفلاتر سلمتها اذان العصر و صلينا و استلمتها علي طول، مع تضبط علاقاتك مع الشباب اللي بالصيانه :)
صيانه ال10الف يقلون لازم موعد بس دافع فوق 200الف بانشب صح بعد ماستلم سيارتي،بس برضو بكون رايق و  اتصل و احجز بدري و الاخلاق تمشي كل شي


up 0 down 2
ahmedgt 6
قبل 6 سنه و 5 شهر



يعطيك العافيه ع الموضوع المتميز.. والله يبارك لك فيها ان شاء الله السيارة ممتازه جدا 
ولكن كيف ضمان VIPوماعطوك سيارة بديله..  هذا شي غريب لان ذاكرين بالضمان ميزة السيارة البديله ونفس الفئه او مقارب لها
ع العموم يبقى شي كويس انك ما اضطريت تنتظر مع الباقين ع الاقل حسسوك ولو شوي بالضمان.  


up 0 down 0
nawaf-55 76
قبل 6 سنه و 5 شهر



السيارة البديلة

اذا قعدت السياره عندهم اكثر من يومين 

وهذه من نظام وزارة التجارة اساسا 


up 0 down 0
abdullahalharbif15 754
قبل 6 سنه و 5 شهر



السلام عليكم اقلك اخوي فكرة الصيانة الـVIP على السيارة خمس سنوات مفتوح الكيلوا مترات ولا ١٠٠،٠٠٠؟!؟ 
عشان ناوي عليها اذا ٥ سنوات بدون قيمة صيانه بيكون شي مريح 


up 0 down 0
sohaibomar
قبل 6 سنه



سلام عليكم ي شباب انا عندي اكسنت 2017 وواحد صدمني ع الباب الي ورا 
هي ماتعتبر صدمه حكه بسيطة والباب يسكر وينفتح كنه وكالة وابي اصلح الدقة ع البدي
بالوكالة وبعرف كم السعر قبل اروح لان الوكالة تبعد عني 250 كيلو 
لاهنتو الي جرب صلح عند الوكالة يفيدنا معلومة الوكالة الناغي 


up 0 down 0
شمالي 5176 -1
قبل 4 سنه و 9 شهر