ماهو سبب مشكلتي

الطقطقه بالدركسون ممكن تكون من عمود الدركسون نفسه اما تشحيم او فحص صليبات 

نزل هوا الكفرات شكله ٤٠

والله 2013 وطقطقة دركسون وخرفشة في المكينة!
الله يستر بس صارت السيارات مجرد اشياء استهلاكية 

هذي المشكلة كانت عندي النترا 2010 طقطقة من الدركسون نفسه طبعا الدركسون كهربائي مابقيت مكان مارحتله اخر شي رحت لكهربائي سوري مشهور قالي سيارات هونداي كثيرة مرت علي والحل انك تبدل دينمو الدركسون من التشليح(المحرك الكهربائي) ووبعدها رحت الوكالة وقالوا نبدل الدركسون كامل(علبة الدركسون داخل السيارة بس) يكلف 8600 بعد الخصم بغيت انجن. والتشاليح يبيعون دينمو الدركسون بـ1500 طبعا الدركسون يلف معي بدون اي مشكلة بس الطقطقة والفضاوة جننتني انواع الاصوات. بعدها جلست فترة اطقطق في النت لقيت موقع امريكي يشتكون من نفس المشكلة وحلها شي تافه تشتري قطعه صغيرة بلاستيك من الوكالة وتروح لكهربائي فنان يفك الدركسون ويركبها في راس دينمو الدركسون. فكرتها زي خلاط الكهرب بين اسنان الجيك والخلاط جلدة سوداء صغيرة نفس الفكرة بالضبط اللي عندك في السياؤة منتهية الجلدة اسنان دينمو الكهرب و عمود الدوران تضرب ببعض ويطلع صوت الطقطقة.

قيمة القطعة تقريبا 7 ريال صلحتها انا قبل اكثر من سنتين وشغل اليد 200 وبعدها صار استدعاء قبل شهرين صلحوها الوكالة على حسابهم رقم القطعة 56315-2K000-FFF

طبعا المشكلة هذي في كل سيارات هونداي اللي تستخدم دركسون كهربا من موديلات 2007 الى 2014 وبعدها حلو المشكلة