ارتفعت علي حرارة الالنترا فجئه
9
5
إضغط هنا للإخفاء
السلام عليكم ورحمة الله وبركاته
الزبده ومافيها
كل يوم اطلع الصباح اخذ فطور واتكي فمواقف الموظفين افطر واجلس لحد قبل الدوام ب 5 دقايق
المهم اليوم كالعاده جالس فالسياره مشغل المكيف مادريت الا التكييف احتر قلت اكيد المكيف خرب
شوي الا اشوف حرارة السيارة قربت توصل للا H
والمروحة صاير صوت كنها مروحة مرسيدس
طفيت المكيف وطفيت السياره نزلت اشيك عليها
لقيت صوت مويه تغلي والقربه فيها مويه تفور
والغريب لقيت فتحه دائريه صغيره فقربة الموية تصب منها مويه
هل القربه يكون فيها فتحة صغيرة؟
الحين تركت السياره ورجعت داومت وبرجع بعد الدوام اشوف وش الوضع
المشكله اليوم بسافر وماهو وقته تخرب السياره وبعد هي جديده
السياره كبوتها ماينفتح الا فالوكاله وتحت عيني اي صيانه يسوونها
توها كملت سنه وبدري على الخرابات
احد قد مرت عليه هالمشكله
قلنا نهرب من المستعمل وخراباته ويجينا الجديد
السياره محافظ على صيانتها حسب الجدول ومهتم فكل شي قفلت اليوم معاي بجد وانا مجمل فيها خير بتجلس معي 5 سنوات بدون اي عطل
إبلاغ
الردود
0
0
قبل 9 سنه و 3 شهر