بسافر من الطايف الى الرياض

فيه محطات والطريق ثلاث مسارات . والامور طيبه .. بس هاليومين حر والجزؤ مغبر شوي . لو تخلي مشيك بالليل اريح لك وللسياره

واذا تبي شوري لا تسرررع والله ي خط مليان ساهر ، تخبر خط وحيد ل مكهه وسواهر يملىء الخطط

لاتمشي الا قبل المغرب ... وعداد النزين لا ينزل عن النص اذا تمشي مع طريق ماتعرقه


وإياك والسرعة كل مطرود ملحوق

قد مسكت طريق الطايف الرياض رحت الطايف وجيت  والطريق 700 كيلو اضن وكويس وفيه محطات وفيه استراحات بخط اذا حسيت انك نعسان جنب وخذ غطه ساعه وكمل طريقك 

 وقد مسكته وانا امشي 120 حركت من الطايف  الساعه 3 الفجر وصلت الخرج الساعه 12 الضهر  ومشيت على افلون امشي 210  مشيت الساعه 8 الصباح وصلت على اذان 1 الضهر وقفت محطتين بس 

 معليك الطريق كويس وانتبه على نفسك من السرعه دام معك عائله وترا الطريق سهل وكويس ولا فيه تعقدات واذا وصلت الرياض كبري المعلق انتبه بعد الكبري كامرات ساهر وبتوفيق 

تاكد من نظافة فلتر الهواء عشان يتحمل الغبار اذا كان موجود و تاكد من ضغط الكفرات البارد و المويه و الزيوت 

عبي فل في الرياض و توكل علی الله و نصيحة لا تسرع خصوصا معك اهلك و الله يستر عليكم و اذا خايف من المقطع كلما شفت محطه و كان التانكي نص او فوق بشوي عبي فيها 

اهم شي ضلل القزاز الامامي تضليل خارجي شفاف زيرو زيرو قبل اسبوع راجع من الطريق وبه شوية غبار نقشت ابو القزاز الامامي و السبب فكيت الاول بسبب نقش و تركته بدون تضليل

انا اليوم ان شاء الله رايح للرياض 
من جدة للرياض 
وبعدين من الرياض الى البحرين 
عشان السفارة السورية 

شيك على سيارتك و توكل على الله 
الطريق 3 مسارات و عليه شبك علشان الحيوانات
المحطات متوفرة و لا فيه خوف ابد تنقطع
فيه مطعم البراك قبل الرويضه يعني 250 كلم على الرياض ممتاز و فيه غرف للعوائل لو تبغى تريح
ساهر يبدأ من حلبان تقريبا قبل الرياض ب 300 كلم
لو عبيت بنزين من الطايف تحتاج تانكي ثاني فقط بعد 300-400 كلم 
المسافه بالضبط 770 كلم

الناس تنحاش من الرياض وانتم تجونه 

انا من رايي لك احتياطا عب فل قبل خروجك ودامك ماتعرف الطريق خلك ماشي 120 لاتستعجل  شيك ع الزيوت والاديتر وتاكد مافيهم نقص فلتر الهوا بعد والبواجي وصفاية البنزين انا اشوف تغيرهم اذا مطول عليهم اما اذا توك لا خلهم ودرب السلامة توصل سالم غانم

من اغبى المواضيع في هالمنتدى 
بسافر وبروح للديره الفلانيه وش اسوي 

تبينا نجي نشيك على كفراتك
و لا نعبي الرديتر ماء و لا نعاير الزيت

بعض الناس عبيط ياخي يتكلم وكأنه ولد عالم وعارف بكل شي ياخي فيه ناس ماعمرها طلعت من مدينتها طبيعي يسأل ويستفسر
تبيه يدرعم وينكب عمرهلو مافيه محطات او الطريف وعر وخطير؟

إسمع يالغالي الطريق كاﻷتي :

المسافة 766 كم
ساهر : من الطائف إلى حلبان مافيه ساهر من حلبان الين تقول سلام يالرياض كله ساهر بس لو ماشي بالنهار تشوفه واضح الصناديق الكبيرة الليزر .
أمن الطرق : إنتبه كبري المويه دائما أمن الطرق هناك متواجدين تحت الكبري وعندك الحوميات كذلك والباقي تساهيل .
محطات البنزين : تانكيين يكفونك بالراحة فلل بالطائف وإذا ختمت التانكي فلل وإن شاء توصل بالسلامه المحطات متوفره لاتخاف مابوه قطعه بس لا تخلي التانكي ينزل عن الثلث إحتياط.
نصيحة من أخ أفضل وقت للسفر بعد صلاة العصر صل العصر وزين ثلاجة شاي وقهوة وخذ لك فصفص وتوكل على الله .
نصيحة لا تستعجل إمش على مهلك وخذها تمشيه وإن شاء الله توصل بالسلامه بالتوفيق عزيزي

أبو عقاب ما قصر وففاا وكفاا ^^

اهم شي وانا اخوك امشي على هونك  قبل رمضان اخذنا  طريق الطايف تسليه مشينا سيارتين ومشغلين خدمه لامحدود وسوالف وضحك بسيارتين  حنا قدام واخويانا ورا  وسوالف وضحك وفصفص   مادرينا الى وحنا بطايف وسرعتنا 120 بعد 

من الحوميات لللخاصره ههي االمغطه الوحيده 120 كيلو ببدون ممحطه ااو وحده

حبيبي انا وصلت الرياض 
طلعت من جدة  1 ليلا 
وصلت الرياض 10   يعني قبل ساعة من الحين 
الطريق فل الفل  بس نصيحة  اطلع في الليل لانه كان غبار قبل الرياض 
بـــ 500 كيلو والجو حار  بس في الليل الجو لا بأس فيه 
وعشان ساهر يبدأ قبل الرياض بـــ 250 
وتوصل بالسلامة