ما الحل اذا كان بسيارة هيونداي عيب مصنعي؟
4
1
إضغط هنا للإخفاء
السلام عليكم
اشتريت سيارتي سوناتا 2014 من سنة
وقبل لما امشي 1000 كم بدأ صوت طقطقة بالدركسون وصوت طقطة خلف المسجل
واخذت موعد مع الوكالة الوعلان ويوم جا موعدي كنت ماشي
10000 كم قالي المستلم للسيارة هذا عطل مصنعي
دخلت السيارة اسبوع كامل في الوكالة بعد اسبوع استلمتها وابدا كانهم ما صلحو بها شي
بس كانت وسسسسخة على الاخر ورديت دخلتها بنفس الوقت وطلعت بنفس المشكلة ايضا
ودخلتها ثاني وكانت اخر دخول لها برمضان جلست اسبوعين لكن حسبي الله عليهم السيارة
بنفس العطل والسقف البانورامي متعطل مع اني طلبت التشحيم فقط ومتسخة من الداخل اثار اصابع قماش السقف وبنفس اليوم
صارت تشتغل بصعوبة والان ما تشتغل ابداااا.
طبعا اشتكيت عليهم في كل مكان في الوكالة و وزارة التجارة وفي هيونداي الام لكن لا جدوى و السيارة
الى الان ما تشتغل .
ارجو من اي واحد من الاخوان اذا كان عنده طريقة تفيدني يحاول لاني السيارة الان طفشت منها وابي حل
والله ما رحت للجديد الا اني ابعد عن خراب المستعمل لكن قدر الله ما شاء فعل والحمد لله .
إبلاغ
الردود
4
0
من اسوء الشركات الي تصنع البانوراما هي الصانع الكوري هيونداي &كيا
ما أضن في واحد من اصحاب البانوراما ألا اشتكى منها
سواء في التنسيم او اصوات الطقطقة او تعليق زر الفتح والاغلاق
الله يكون بعون الي صارت عليه هذي المشاكل
8
6
الفكرة فاشلة اصلا يلي اخترعها حابب يخسر الناس فلوس
فتحة سقف عادية في اغلب السيارات تعلق وربلاتها تنشف وتخرب وتدخل غبار ومطر وصيانتها مكلفة فما بالك في البانوراما
لو جاها حجرة او حصى تنكسر تتشوه السيارة وصيانتها مكلفة لو تشيلها تصير السيارة كشف ههههههههههههههههههههه
7
2
ركزت على الشكل و نست الجوده م اذكر ان احد معه مرسيدس
او اودي او فولكسواجن اشتكى من البانوراما .. لييش ؟ عشاان
مصنوعه بجوده بعكس هونداي صنعتها عشان الشكل .. اشتكهم
و واصل شكواك يوم بيوم و طااالب بتغيير السياره لانه خربت اكثر من مره
والله يعينك
7
4
4
0
والوجه من الوجه ابيض والا بسو شي ما عمر حد سواه
هذا انسب حل اذا موترهم فيه عيب ولا يعرفون يصلحونه
واللي ذيب ي صاحب الموضوع يقدر يطلع حقه من اكبر هامور في البلد .
0
5
4
2
بس الغريبه وزارة التجارة اللي مافادوك بشي
لايكون طفشو من شكاوي الناس
2
1
خذ ما يثبت من اوراق وتابع مع وزارة التجارة حتى لو تعبت شوي بس ترى حقك بيرجع لك ان شاء الله
0
0
حق المستهلك في سلعة بديلة ********** أعطت الأحكام المستهلك الحق في الحصول على سلعة بديلة أو مبلغ يعادل (1÷400) من قيمة السلعة وقت الشراء، وذلك عند تعذر انتفاع المستهلك بالسلعة وإخلال الوكيل أو الموزع في توفير قطع الغيار أو وجود عيوب في السلعة أو التأخر في البدء أو الانتهاء من أعمال الصيانة عن المدد المتفق عليها.
****************** العيوب المتكررة:
منحت الأحكام المستهلك الحق في الحصول على سلعة بديلة أو قيمة السلعة في حال تكرار عيب أو وجود أكثر من عيب في السلعة من شأنها التأثير في الانتفاع الكلي أو البالغ من السلعة، أو التأثير في قيمتها أو سلامة استعمالها، وذلك بعد استنفاد الوكيل أو الموزع محاولات الإصلاح التي حددتها الأحكام.
1
0
بخصوص السيارة ناتشتغل ان شاءالله انها بسيطة لكن مقدر اطلعلك المشكلة بدون ماتعطيني تفاصيل
اما البانوراما مقدر افيدك
وطقطقة الدركسون بخصوص
هذي المشكلة كانت عندي النترا 2010 طقطقة من الدركسون نفسه طبعا الدركسون كهربائي مابقيت مكان مارحتله اخر شي رحت لكهربائي سوري مشهور قالي سيارات هونداي كثيرة مرت علي والحل انك تبدل دينمو الدركسون من التشليح(المحرك الكهربائي) ووبعدها رحت الوكالة وقالوا نبدل الدركسون كامل(علبة الدركسون داخل السيارة بس) يكلف 8600 بعد الخصم بغيت انجن. والتشاليح يبيعون دينمو الدركسون بـ1500 طبعا الدركسون يلف معي بدون اي مشكلة بس الطقطقة والفضاوة جننتني انواع الاصوات. بعدها جلست فترة اطقطق في النت لقيت موقع امريكي يشتكون من نفس المشكلة وحلها شي تافه تشتري قطعه صغيرة بلاستيك من الوكالة وتروح لكهربائي فنان يفك الدركسون ويركبها في راس دينمو الدركسون. فكرتها زي خلاط الكهرب بين اسنان الجيك والخلاط جلدة سوداء صغيرة نفس الفكرة بالضبط اللي عندك في السياؤة منتهية الجلدة اسنان دينمو الكهرب و عمود الدوران تضرب ببعض ويطلع صوت الطقطقة.
قيمة القطعة تقريبا 7 ريال صلحتها انا قبل اكثر من سنتين وشغل اليد 200 وبعدها صار استدعاء قبل شهرين صلحوها الوكالة على حسابهم رقم القطعة 56315-2K000-FFF
2
0
وللأسف الشاصية ضعيف للغاية جت دعمه في الرفرف الخلفي اختلت السياره وتأثر الكمر
0
0
لاكن مارحت لللجوده الله يوفقك
المهم
ارفع لوزارة التجاره ولاتستلم السياره ابد وخلك حازم معهم
خساره *خساره
سياره غاليه اخر شي اعطال
قبل 9 سنه و 3 شهر