أضف سؤال أو موضوع جديد          

ابي ارسى على بر وش اخذ

up 4 down 2
وليد ابو فيصل 1205
قبل 8 سنه و 11 شهر



االسلام عليكم وكل عام وانتم بخير عندي موضوع شاغلني الا وهو شراء سيارة جديدة جاري البحث عن سيارة ومحتار والله محتار هونداي والا تويوتا واحيان اقول اخذ جيب من اي شركه سيارة للمهمات الصعبه مع العالم اني اكرف السيارة وكذلك اهتم بالصيانه الازيرا خاشه براسي ولكن السؤال كيف حتكون بعد 5 او 4 سنوات اخااااف تتهربد ولاتجيب قيمة وتتعبني في الصيانه مريت امس قلت بشوف البرادوا وصلت عند ابوجميل فرع العليا 2009 وسعره 98000 ريال قلت وينا فيه المهم وش رايكم شوروا علي مع العلم اني باخذها عن طريق اليسر وعندي حوالي 30 الف انا انسان جربت جمس 2005 وبعته لضائقه ماليه الله يفرج عني وعن كل مسلم لكن والله يشهد انه موتر رغم حجمه الاني كنت مبسوط ومسيطر عليه ياليت تفيدوني مع العلم اني متزوج وابو عيال حبيت الهونداي وخايف من تدهورها مع الوقت ياليت تفيدوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مدام انك مجرب الجمس خلك عليه احسن لك 
هيونداي ماتصلح الا للشباب والازيرا بتكون ضيقه عليك 
خذلك جمس وريح بالك 


up 2 down 0
ريان-الجهني 736
قبل 8 سنه و 11 شهر



والله اذا انت ابو عيال
اذا كانو ثلاثه او اقل الله يخليهم لك ان شاءالله
وتبي سياره تخدمك عشر السنين وانت مرتاح بدون ماتتعبك بالخرابات
انصحك بالاكورد
واذا انت راعي خطوط خذها ستاندر او سبيشل عشان سعر الكفرات ارخص


up 2 down 1
بشوش 5096
قبل 8 سنه و 11 شهر



الان ماعاد فيه سيارات صاحيه كلها كراتين وابو سنه ونص وهي اعطال


خذلك جيب لك وللزمن


ونصيحه ابتعد عن شركة اليس نسبتهم كبيره


خذ عن طريق شركه ثانيه


او خذ عن طريق بنك ارخص من الشركات



up 3 down 0



البنوووك قصتهم قصه وانا شغال لحسابي والحمد لله الامور حلوه ولله الحمد بالنسبه للهوندا ماحبها خلقة عندي 3 عيال والازيرا والله هبلتني ابي سيارة ماتطلب الا اساسيات وماتوجع راسي لاني اكره الصناعية على فكره يا شاقح وش الشركات غير اليسر الله يرحم والديك


up 1 down 1
وليد ابو فيصل 1205
قبل 8 سنه و 11 شهر



في شركة اوتوستار ممكن تطلع منها 


up 0 down 0
mr.hazoome 23
قبل 8 سنه و 11 شهر



اذا تبي انت سياره متوسطه
فنصيحه خذ ازيرا وبتدعي لي موتري ازيرا ٢٠١٢
واذا تبي سياره كبيره عندك اليوكن او الاكسبلور 
وعسى ربي يكتب لك الي فيه خير


up 0 down 0
azera .. 2012 3505
قبل 8 سنه و 11 شهر



على حسب استخدامك اذا بتهلك السياره بدون محافضه اكيد بتشتكي الازيره حلوه وعندك اختيار ثاني اكسبلورر او اكسبديشن من فورد مره ممتازه واذا انت امورك تمام ربي يوسع عليك لاتدفع دفعه 30 خلها 15 لنه ماتفرق ال15 الي بتزوده بتنزل 300 ريال لنه كل 5000 فوق الدفعه المحدده تنزل 100 من القصد 


up 1 down 0
princ 18873
قبل 8 سنه و 11 شهر



تبغى سياره تخدم معك خذ اكورد والله حلوه والازيرا برضوا حلوه بس مدري تكرف ولا...؟


up 2 down 0
zezw 874
قبل 8 سنه و 11 شهر



سيارة سيدان خذ أكورد واذا تبي سيارة كبيرة خذ اكسبديشن قصير وسلامتك


up 2 down 0
ماكسيما 2008 6744
قبل 8 سنه و 11 شهر



دور لك على سوبربان شفر او جمس 2000 الى 2002 بس بشرط نظيف جدا سيارة قوية و صيانتها مقبولة نوعا ما
مقاس 1500


up 0 down 0
ssulltan 1509
قبل 8 سنه و 11 شهر



انصحك بافالون ولا اكورد والله مواتر مكده


up 1 down 0
.o m a r . 238
قبل 8 سنه و 11 شهر



انصحك  في المتسوبيشي  باجيرو  مكينة كبيرة    حق  كرف  وبر   وجيب محترم 


up 0 down 0
abd_alrhmn 2352
قبل 8 سنه و 11 شهر



الله يخلبهم لك بس لا تمسى انهم بيكبرون وبتضيق عليك السياره خذ لك تاهو ولا يوكون قصير وربك سميع الدعاء 


up 0 down 0
ريان-الجهني 736
قبل 8 سنه و 11 شهر



اكسبديشن وانت مغمض اخوي من وجهه نظري انه الحين تفوق على اليوكن والتاهو في وسائل السلامه والسعر اقل من اليوكن والتاهو ويكفيك انه من فورد لان فورد في الفتره الاخيره ابدعت في صناعه السيارات العائليه واذا تبي تتاكد ادخل عاليوتيوب واكتب اختبار التصادم لليوكن وبعدها اكتب اختبار التصادم للاكسبدشن وشوف رساوتها وراح تعرف الفرق وعندك الخيارين اما قصير او طويل ,,,, وبالنسبه للازيرا ما انصحك فيها من وجهه نظري انت ابو عيال وما تصلح لك لان عيالك ربي يحفظهم بعد كم سنه بيكبرو وبتضيق السياره عليهم لذلك ما انصحك فيها ,,,, تقبل مروري


up 0 down 0
شكوتي لله -53
قبل 8 سنه و 11 شهر



الله يعطييكم الف عافية شباب وبالفعل ماخاب من استشار بروح اشوف الاكسبديشن هاليومين


up 0 down 1
وليد ابو فيصل 1205
قبل 8 سنه و 11 شهر



يعافيك يالغالي ماسوينا شي وانا اخوك لازم الواحد يحب لاخيه كما يحب لنفسه ... ومبروك مقدما


up 0 down 0
شكوتي لله -53
قبل 8 سنه و 11 شهر