أضف سؤال أو موضوع جديد          

مشكله تم حلها في النترا 2015

up 6 down 4
abonajm 49
قبل 3 سنه و 8 شهر



السلم عليكم 
كيف الحال عساكم طيبين 
المهم ياشباب انا معي النترا 2015واليوم ونا رايح اصلي 
واطفي الموتر وعقب ماصليت اشغل الموتر ولا يشتغل 
واعطيه اشتراك ولا يشتغل بس تغيرت التشغيله يعني 
كأن وده يشتغل ولا يشتغل واروح اجيب كهربائي ويجيب 
اشتراك ثاني ويالله اشتغل وعقب ما اشتغل ضبط الموتر 
بس اذا شغلت النرور يرمش (يكبس)خفيف وذا كبست 
المسجل يروح الصوت  ?

وبس ادري طولت عليكم بس الشكوى على الله 
والله يعطيكم العافيه 

ابشركم غيرت البطاريه ورجع الموتر زي ماكان 
والله يعطيكم العافيه جميعا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


 ‏السلام عليكم 
 ‏نفس مشكلتي معي النترا 2015 
وقتها شاريها من خمس أشهر جديدة وقت 
وقفت وبعد ساعتين ادق سلف اسمع صوت طقطقة السلف فقط! طبعا وقت المشكلة ماشية عشرة آلاف فقط. 




شركتها بسيارة ثانية بطارية 70 انبير ومطفي كل شي بالسيارتين ولا تغير شي فقط قدر افتح بالريموت قبل الاشتراك حتى الريموت ما يشتغل! 
عندي احساس مو سالفة بطارية 




فصلت الاصبع وتركتها 4 ساعات وشركتها ولا فيه فايده! 
فصلت الاصبع مرة ثانيه عشر دقايق 
وشركتها نص ساعة وداعس للموتر الثاني و2 اشتراك 
والاشتراك واحد منهم قوي ومن افضل الانواع. 
ولا فيه فايدة! 




جبت سطحة وعلى الوكالة 
دخلتها الخميس و طلعت السبت 
قالوا بطارية وعلى الظمان!! 
خسرت 450 ريال سطحة واجار سيارة وتاكسي 
واخرتها بطارية!! 
اش ذالسيارة الي ما تقبل إشتراك! 
كنت اشترك سيارات بدون بطارية!! 




واشركها بسيارة مثلها (كلهم دداسن) 
وتشتغل والبطارية مرميه بالأرض! 
يعني لو داري بطارية شريتها باقل من 450 ريال 




بعد تركيب البطارية بسنة وشهر 
والسيارة ماشية 30 الف نفس المشكلة يطقطق السلف ولا تستغل 
اقفل السوتش واشغل مرة ثانية واستغلت!! 
  بعدها بشهر ماشية 31 الف  نفس المشكلة!! واشتغلت!! 
طبعا السيارة ما حطيت فيها ولا شي حتى لمباتها وفيوزاتها بشد بلدها 
مع ان عندي شاحن جوال فيه مؤشر لضعف وقوة البطارية معطي وهي طافيه فيه ضعف يعني اقل من 12 فولت 
اثناء التشغيل معطي اشارة ان الكهرباء قوية. 




اعتقد اما عيب تصنيعي 
أو البطارية الي ركبوها الوكالة فيها نص عمر. 




خارج الموضوع كا معلومة: 
يمديك تاخذ نفس موديل سيارتك اذا بتجلس يوم بالصيانة 
ورفضوا يعوضوني لاني ما طلبت ولا كنت عارف انه من حقي سيارة بديلة. 
اشتكيت على التجارة والزموهم بالتعويض. 
وطلب الوكيل عقد اجار السيارة الي استاجرت 
ثم طلعوا لي بسالفه انهم بلغوني بيومها اجي استلمها وبناء عليه ما يحي لي سيارة بديله ولا تعويض عن الي استاجرت. 
وجابوا كشف بالرسائل الي مرسلينها لجوال! قلت بجيب لكم برنت من الاتصالات 
تذكرت كنت مسجل جوال العمل، وليس جوالي الشخصي. 
لكن الوعد يوم الحساب لو ضاع لك حق في الدنياء 



up 0 down 0
خ.الد 99
قبل 2 سنه و 5 شهر



تحديث>>
اليوم رفضت تشتغل السيارة
ورحت أدور بطارية أكتشفت أن الوكالة النصابين مركبين أردى بطارية صناعة تركية أسمها EXIDE
وبدلتها ببطارية هانكوك


up 0 down 0
خ.الد 99
قبل 2 سنه و 4 شهر