المبالغه في الاسعار

خلاص موقع حراج انعرف ان اسعار السيارات مبالغ فيها جدا 
طبعا الكلام عن المستعمل اما الجديد اسعاره نفسها واتوقع 
البيع الان قليل جدا في موقع حراج 

والله مبالغة عجيبة 

حراج فر منه فرارك من الاسد بسبب غلاء الاسعار القريبة من الجديد الا القليل تلقاه سمح في البيع وخصوصا المظطر والمستعجل بسبب ظروف مايقدر يصير.
بعض الاسعار قريبة جدا من سعر الجديد والمشكلة في ناس تخرب بين البيايع والزبون برفع السعر ولا هو مشتري واحيانا تلقى صاحب السيارة يجيب لك سعر مفاجيء يقول وصل السوم كذا ومطير السعر في السما.

لا وازيدك من الشعر بيت اذا قال استخدام استخدام 
شايب والل استخدام مهندس اجنبي اعرف انه يبي يصلخ بالسعر
والا قالك البدي وكاله ماعدا الرفرف والباب والصدامات لعنبو الشيطان
وش خليت

في موقع حراج الاسعار مبالغ فيها في اغلب الاعلانات واغلب السومات ليست جدية وكل واحد يرفع على كيفة بس وقت الجد ماتلاقيهم شرايين بس اذا نويت على سيارة في موقع حراج قابل الرجال وافحص السيارة وبتلاقي سعر معقول ان شاء الله اذا الرجال ماهو شريطي

الموقع مفيد في انك تشوف السيارة اللي تبغاها وتشوف المواصفات وبعد كده تروح تشتري من المعارض

 والله سومات عجيبه حتى تصير 

مثلا قبل كم يوم واحد يبغى يبيع اكسنت وحاط الحد 25

جا واحد داعس ومطفي النور وقال 28 الف 

وهذا انا متأكد جدا انه شريطي يبغى يخرب البيعه لمن  يسحبون ع سيارة الرجال 
وبعدين يكسر ف السعر 

بس زي ماقال الأخ موقع حراج خذ فكره فقط 

و عليكم السلام و رحمة الله و بركاته
و يعمل عشرين اعلان عن سيارته و يقول مسيومة فى الاعلان السابق 20 الف و هى ما تسوى -ليش ما بعتها-واحد كتب عشرين و مشى الا و الحد عشرين و يبغى زود
و سيارات مرشوشة و مقلوبه لدرجة انى كل ما ادخل اعلان انتظر كلمة مرشوشة على نظافة-موديل 2013 و راشها على نظافة على اساس الدهان يبهت بعد سنتين
كلمت واحد راعى كراون فكتوريا عشان اشوف سيارته انظر ما قال لى"انا حدي من الاخر 15 الف غير كدا ماني بايع ولا تتعب نفسك اذا قلت 10 و 11 وكدا
"
طب اشوف السيارة الاول-اللكزس حقك

قبل يومين شفت النترا 2011 فل ماشي 60 الف 
مطلوب فيه 36 الف ريال وتلقى الشكل الجديد ممشى 100 حول ال 35 فل 

اسعار فوق الخيال 

ينباع بالعزا هو سيارته 

نعم صدقت
المشكله اللي يسوموون مايركز ع مكان السلعه هل هي بعيده او قريبه
واذا باعه قال وصلها لي
انا اشوف اسعار المواشي 
بالموقع غاليه جدا
اروح لسوووق احصل شي طيب و اقل ب80ريال بالراس   الواحد
يعني 10 روس تطلع اقلب800 عن الموقع سعر ماهووو هين

من يوم القرار المشؤوم حق استيراد السيارات و سوق 
المستعمل صار في العالي 

نص الموقع شريطية عرفت الاكسنت ال ١٣ يبي فيها ٤٠ هههههه اطقلي ١٦ وابشرك فيها ABS ويقولك انا مجرد معلن