أضف سؤال أو موضوع جديد          

بالصور طريقة تغيير فلتر مكيف الاكسنت او الريو

up 40 down 42
benz lover 379
قبل 3 سنه و 9 شهر



السلام عليكم جميعا كثير من الشباب مايدري ان بالاكسنت والريو  ٢٠١٢ وفوق يجي فيها فلتر هواء بالدرج امام الراكب ويعاني من ضعف الهواء والورش ينصبون هذا اللي مروحة الطبلون وهذا كومبريسر ... 

الامر بسيط افتح الدرج امام الراكب يجيله مفصلات يمين يسار كل مفصلة لفها عكس عقارب الساعة واسحبها برا ينزل الدرج كامل تحصل بوجهك الفلتر له زي المشقبيه تمسكها بالسبابة والابهام وتطلع اليمين وكذلك اليسار يطلع الفلتر بوجهك تسحبه برا لجهتك زي الدرج وانا انصحك تغيره قيمته ٤٠ اصلي من الوكالة محلات القطع ارخص والبناشر يبيعون التجاري الكلبي ب ٥٠ لا يلعبون عليكم 

مع الملاحظة عند تركيب البلاستيك الاسود اللي يغطي الفلتر ترفع القطع فوق بزاوية وتسقطها بالكلبسات مكانها والحروف المكتوبة بالانجليزي تكون بشكل صحيح ماهي معكوسة عشان تتاكد انه ركب صح  وبالتوفيق جميعا ونبي الدعوات على كل نسمة باردة :)
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عمل رائع من شخص  متميز 

بس اخبر ماتركب الا ألماني  وش جابك للكوري 

تحياتي  1+


up 3 down 1
احمد ال الشيخ 2024
قبل 3 سنه و 9 شهر



ياسلام عليك تقرير خفيف رائع 
تقريبا طريقة فك فلترها نفس طريقة فك فلتر الكامري والاوريون والافالون
وبالنسبة للتجاري ماينفع بريال 
عندك عندك فلتر المكيف والمكينه والقربة والقير هاذي لاتاخذونها الا من الوكالة
او موزع معتمد 
شكرا لك


up 7 down 5
الرفاعي33 13854
قبل 3 سنه و 9 شهر



هلا اخوي احمد هذيو لداخل البلد فاكها وكالة 2013 ومعي بي ام حوت للخطوط والمناسبات الرسمية ونورت ياعسل 

اخوي الرفاعي من بعض ماعندكم يالغلا وفعلا التجاري ماينفع بريال هذا وهو اصلي طلع منتهي وشرفت ونورت الموضوع 


up 6 down 12
benz lover 379
قبل 3 سنه و 9 شهر



معلومة قيمة و لو انها بسيطة لكن فيه ناس ما تعرف

انت من الاعضاء المميزين جدا في المنتدى و نستفيد من معرفتك


up 2 down 0
rraammooss 960
قبل 3 سنه و 9 شهر



^^^ هلا اخوي الغالي انا قلت انزل موضوع عن الاكسنت بما انها سيارة الشعب موب كل الناس راكبه الماني وكثير منهم يدقون سلف ويمشون مايعرفون شي عن الموية والزيت وذي الامور البديهية للبعض وجزاك الله خير شهادتك اعتز بها 


up 2 down 7
benz lover 379
قبل 3 سنه و 9 شهر




مشكور بارك الله فيك ................. وفي ناس كثير تروح البنشر وينظفه لهم ب 20 ريال .. والشغلة بسيطة . ناس اتكاليين لابعد درجة. للاسف


up 2 down 1
theuk1984 795
قبل 3 سنه و 9 شهر



حتى هذي الطريقه تصلح النترا والسوناتا انا مغيرها ومشكور على افادتك لنا


up 4 down 0
saeed-ksa 204
قبل 3 سنه و 9 شهر



اللي سوا دسلايك وراك ما اتحفتنا بالطريقة من اول ولا وصلت نقاطة 40 وفرحان ؟ 


up 2 down 4
benz lover 379
قبل 3 سنه و 9 شهر



نفس نظام الكورلا ... ولايك لك ياعسل


up 1 down 1
مستريح البال 1 1784
قبل 3 سنه و 9 شهر



يعطيك الف عافيه يالغالي 

انا معي اكسنت الشكل القديم واطبق هل الطريقه كل فتره وفتره اغير فلتر المكيف 

ولك جزيل الشكر 

وتستاهل +١


up 1 down 0
amear 1340
قبل 3 سنه و 9 شهر



غريبه بي 40 
حق الالنترا بي90 ريال !!!!


up 2 down 0
abonajm 50
قبل 3 سنه و 9 شهر



benz lover بارك الله فيك على هذا الموضوع المفيد





up 4 down 0
ابــو ســنــد 10635
قبل 3 سنه و 9 شهر



فيه ماس زي ما قلت تدق سلف وتمشي وموضوعك مفيد لهم 
بس فلتر الريو بدون ما تفك الدرج يجي الغطاء فوق تفكه ويطلع معاك الطريقه مشابهه لطريقتك


up 2 down 0
عبدالله الغامدي ٧ 108
قبل 3 سنه و 9 شهر



ممكن تجي خاص ياابو بنز؟


up 1 down 1



السلام عليكم اخي الفاضل والمميز في مواضيعك 
استفسار لو رميت الفلتر ما ركبتة اريح لدفع المكيف هل السلبيات فقط الاتربة ولا ايضا الحشرات تدخل وشكرا


up 0 down 0
cresmes007 -8
قبل 3 سنه



اخي cresmes007
تلو تحذف الفلتر مع الوقت تنسد الثلاجه لان الريش واوراق الشجر مافيه شي يمسكه لثلاجه سيده 
وفك الثلاجه مكلف جدا مايقارب 400 على حسب السياره والفريون وشغله مالها اول ولا تالي الافضل نظف الفلتر ورجعه واذا قديم ومهتري غيره بد50 ريال ولا 80 ولا تفك الثلاجه بعد كم شهر


up 0 down 0
ابو عبد العزيز 305 395
قبل 11 شهر و 3 أسبوع



اخوي متاكد الفلتر من 2012 وفوق لني معي 2010 مادري فيه ولا



up 0 down 0
محسن 6099 -4
قبل 2 شهر