أضف سؤال أو موضوع جديد          

كاتبين في الكاتلوج 6 ارباقات لكن العدد الفعلي ارباقين النترا

up 3 down 3
ms3al 1783
قبل 6 سنه و 3 شهر



السلام عليكم ورحمة الله وبركاته
صبحكم /مساكم الله بكل خير
اعطيكم السالفة من اول 
انا كنت ناوي على الكوريلا وشفت اسعارها وكانت 71500 للنص فل مكينة 1.6 وارباقين فصرفت النظر عنها بسبب الارباقين
ورحت للمازدا 6 وكانت 6 ارباقات وتركشن وABS ومكينة اكبر بس الداخليه السوداء حقتها ما عجبتني 
وشفت سيارة سعرها قريب للمازدا والكوريلا فكانت الالنترا 
شكلها حلو 
ليد عدسات مثبت سرعة ثلاجة وداخليتها كانت كويسة بالنسبة لي
الارباقات  اغلب المواقع تقول 6 ارباقات وخشيت على الناغي ولقيت صورة 6 ارباقات وحملت الكتالوج ولقيت كاتبين 6 ارباقات
2 امامي 2 على الجوانب والكراسي   2 يعني 6 ارباقات 
طبعا في كمان التركشن ووضعية القيادة الثلاث وضعيات (ايكو-نورمل-سبورت) ويمكن بعضكم راح يستغرب من الي اقوله 
الالنترا تجي تبريد تسخين مقاعد وتعتيم المرايا في النص 
ماهمني التبريد والتسخين ولا التعتيم لكن الارباقات انا والله اخذتها احسيها 6 ارباقات لكن بعدين اتفاجأ انها ارباقين 
طيب الان الغلط يعتبر مني ولا منهم 
خصوصا اني رحت وطلبت الفل ودقوا علي وقالوا لي مافيه بصمة ولا جلد قلت مو مشكلة بعدين اتصلوا مرة ثانية قالوا ما في بني محروق وكنسلت الاوراق معاهم واتصل مندوبهم وقال لي بدور لك اللون
مشبنا الجلد والبصمة وابشركم جابوا لي اللون الي ابغاه بس الفرحة ما تمت 
وفي مقطع في اليوتيوب تجربة للالتنرا 2014 يقول الي مسوي التقرير نشكر شركة الناغي على انهم اعطونا السيارة وشوفوا ايش مميزات السيارة
راح ارفق لكم المقطع والروابط وشوفوا في الكتيب الصفخة 10 
وفي المقطع من الدقيقة 6:58
السؤال الان هل من حقي اروح وزارة التجارة واقدم شكوى وخصوصا ان كل ملاك الالنترات الفل عندهم ارباقين يعني اقدر اخذ لي درزن شكوى محترم  ولا يعتبر سوء فهم مني 
https://youtu.be/igTKgwo5xYY?t=6m58s

http://www.hyundai-saudiarabia.com/arabic/admin/cms_upload/specification/Elantra-Brchr-Ar.pdf







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مازدا  افضل من الالنترا 


up 5 down 8
العمري للعقارآت 350
قبل 6 سنه و 3 شهر



اخوي الكتالوج يترجم فقط لااكثر ومعروف الامان في السياارات التي تصل الينا صفر 
حتى وكيل هوندا عندما استورد الاكورد من امريكا , تمم اجباره على عدم فك اي من مزايا الامان
لذلك استورد الصينية والنتيجة امام عينك
والكامري 2012 المزودة ب10 ايرباقات اخذت اسوء تقييم من ناحية الامان , 
حتى السوناتا فيها 4 انظمة امان ,
الاول يساعدها على المشي بالمرتفعات الشاهقة
والثاني يساعدها على الثبات بالسرعات العالية
البقية لااعلم عنهم , لكن هل تجدهم عندنا؟    سامحك الله يامن كنت السبب ويامن مات اخواننا وابنائنا بسببه


up 2 down 1
00احمد العنزي00 -2
قبل 6 سنه و 3 شهر



لا حول ولا قوة الا بالله 
والله مشكلة ما اقول غير الله يكفينا شر الحديد 
المشكلة هونداي لها 3 وكلاء مافيهم واحد كفو يجيب موصفات كاملة 


up 0 down 1
ms3al 1783
قبل 6 سنه و 3 شهر



اي سياره يقوم حظها بالسعوديه لا بد يسرقون فيها 
بالهبل و ينقصون مواصفان 

الوكلاء يلعبون لعب و لا احد حولهم 


up 1 down 1
legaacy -315
قبل 6 سنه و 3 شهر



ماتلاحظ دايم الوكالات يكتبون على السيارات بخط يبيله مجهر قد تختلف المواصفات حسب الوكيل 


up 1 down 2
benz lover -75
قبل 6 سنه و 3 شهر



كل الوكلاء هدفهم مادي لا اكثر 
الاكسنت لو وفرها لك ب6 ايرباقات بكل الفئات
وتراكشن و abs و سعرها وصل لل ٥٠ الف للاستاندر 
فهو ياخذ اردا شي عشان يوفر سعر الشراء 
وسعر البيع للزبون راح يكون ارخص 
تقريبا ٥٠ الف سعرها بأمريكا 
وتتوفر بمواصفات السلامة كاملة 
عندنا اقل منهم بكثير تقريبا تبدا ٣٩ الى ٤٣ استاندر
الزبدة المشكلة بالمواطن نفسه يعني عارف
ان السيارة مجرد حديد ومعرض للحوادث باي وقت
تروح تاخذ سيارة بأردى مواصفات السلامة
والمشكلة تلقاه يلحم ويسرع وماعنده abs
واجب علينا ان ناخذ بالاسباب واهم شي حزام الامان
قبل كل شيء ولا تنسوا دعاء الخروج من المنزل

قاطعوا جميع السيارات اللي مافيها مواصفات الامان
كاملة
اقل شيء abs وايرباقين
اللي مافيها لا abs ولا ايرباقين خلوها تخييس
الين ماينزلها الوكيل بكامل مواصفاتها
خصوصا الهايلكس ٢٠١٥ السعودي
والالنترا والاكسنت و الربع تايوتا والربع نيسان 
و الشاص الاستاندر
ودباب دايهاتسو و سوزوكي
والسيارات الحوض الصينية كلها 
قاطعوها علشان يوفرولكم مواصفات زي العالم والخلق
 



up 2 down 1
fasool95 317
قبل 6 سنه و 3 شهر



اذا عندك اوراق موضحه في المواصفات واستلمت مواصفات غير مطابقه لك الحق. ...




up 0 down 0
asalami 2180
قبل 6 سنه و 3 شهر



المواصفات اللي شفتها في الكتلوج اللي حملته هي مواصفات امريكيه او تكون اعلى مواصفات انتجها المصنع للسيارة وغالبا تكون في امريكا

لكن خذ مثال بسيط
شوف كتلوج اي سيارة استاندر
راح تلقى كاتبين فالكتلوج اعلى مواصفات 
وكاتبين ملاحظه
هذه المواصفات قد لاتتوفر لدى منطقتك 

عندي الالنترا فيها لمبة التراكشن لكن ماهي شغالة

مثال ثاني
الوالد شرى كيا كريفنال 2002 اول  مانزلت استاندر
كتلوجها كاتبين فيه جميع المواصفات وشرح عن كل الانظمه
لكن اغلب الانظمه ماهي موجوده

واللي يبغى يتاكد يفتح اي كتلوج سيارة 
راح يلقى فيه شرح عن جميع الانظمه حتى لو هي ماهي موجوده فالسيارة 
بدل مايطلعون لك كتلوج للاستاندر والنص فل والفل كامل وبعض الاصدادرات الخاصة

يختصرون الموضوع في كتلوج كامل ويحطونه لكل السيارات وتلقاهم كاتبين عند بعض الانظمه حسب توفرها لديك

يعني ماجبت شي جديد هالشي معروف من زمان


up 0 down 0
شويخ من أرض مكناس 2823
قبل 6 سنه و 3 شهر