مقارنة بسيطه بين اللمبات وطريقة تركيب الزينون للالنترا 2015

سلام عليكم ورحمة الله وبركاته
صبحكم/مساكم الله بكل خير
قبل ما ندخل في الموضوع صلى علي الحبيب صلى الله عليه وسلم
:::::قبل ما نبدأ الموضوع انصحك تزبط لك كأسة شاهي وجيب بسكوت معاه لأن الموضوع طويل شوي ::::

اليوم جايب لكم موضوعين في موضوع واحد
1-طريقة تركيب الزينون في الالنترا
2-مقارنه بين الهيلوجين والليد والزينون

نقول بسم الله ونبدأ
اول شي طريقة تركيب الزينون في الالنترا
انا بقول لكم الي ركبته في سيارتي مع الاسعار
ظفيرة خارجية 40 امبير 34 ريال
محولات دينسو الجيل الثاني 350 ريال
لمبات kensun مقاس h7 لونها ابيض او 5000 كلفن 76 ريال
تحويله من لمبات اصليه لتجاريه 34 ريال
واغطية لمبات الحبة ب 12 ريال
كبسترات من شركة kensun او ما يمسى بمانع الذبذبه 56 ريال

شرح التركيب بالصور لكن بقول لكم على خطوة وحدة نسيت اصورها (بس عوضتها بصورة)
الي هي فك الصدام
مشكلة الالنترا انه جهة السواق صعبة توصل للمبة ولازم تفك الصدام وتفك الشمعة
في امكانية انك تفك الشمعة بدون فك الصدام وهذا الي انا سويته في البداية بس التركيب اتعبني شوي وخفت تنكسر كلبسات اللمبة ففكيت الصدام

ملاحظة بسيطه (الهونداي بشكل عام كهربته ضعيفه فالافضل لها محولات الديجتل وانا ارشح لكم شركة kensun او OPT7 اوInnovited او محولات DLT الصينيه)
الحمدلله ما وجهت اي مشكلة وخصوصا محولات الديسنو تصرف كهرباء بس الحمدلله ظفيره 40 امبير وكبسترات وماشيه اموري
له الان اسبوع وما وجهت اي مشكلة
طرق التركيب بالترتيب
1-فك مسامير وكلبسات الصدام ثم فك الصدام(في مسمار جهة الكفر من عند بطانة السيارة)
2-فصل اسلاك الشمعة
3-فك اغطية اللمبة وفك اللمبة
4-تخريم غطاء اللمبة بالدريل السبب عشان ندخل الجلده الي بين لمبة الزينون والاسلاك في الغطاء عشان ما تتوصخ الشمعة (الصورة توضح أكثر)
5- وصل سلك اللمبة الموجود داخل الشمعة بالظفيرة الخارجية
6-تركيب الظفيرة الخارجيه
7-توصيل المحولات ولمبات الزينون بالمحولات يفضل وضع كبستر
8- تركيب الشمعة مكانها
9-تركيب الصدام
10-قفل الكبوت والله يستر عليك

____________________________________________________________________
المقارنه بين اللمبات الثلاث (الهيلوجين-الزينون-الليد)
من خلال الي انا شفته
بعطيكم الترتيب الي من وجهة نظري
1-الزينون
2-الليد
3-الهيلوجين

في التجارب الاُثنين الأولى الزينون والليد تمت التجربه على مازدا 6 2015 جهة الركاب فقط لأنها اسهل في التركيب السواق متعب شوي
(الليد مقاسه h11 ويركب على مقاس H9 و H8 )
اما الاخيرة كانت من سيارتي (النترا)

اعطكم ميزة الليد
الليد الموجود عندي انا اشوفه افضل نوع موجود في السوق 3538 لومن افضل من الزينون
الزينون يجي 3100 لومن ال35 واط وال55 واط يجي 4100 لومن
الكسرة حقت العدسة جايه مزبوطه ولا فيها اي تشتيت
لا تحميه ولا شي شغل نورك تلقاه على طول اشتغل
أمن لكهربة السيارة واذا خايف على الكهرباء الشركة حاطه لك كبستر ركبه وريح راسك
السبب الي يخليني اقول أفضل نوع موجود عليه ضمان سنتين وضد الموية وفوق هذا كله 30 واط ياخذ بس
اللمبة الهيلوجين العادية تاخذ 50 واط وتوصل ل80 واط

الشركة الي اخذت منها الليد اسمها opt7 سعره 380 ريال
اخذته على اساس اركبه في الكشافات عندي
واضائته كانت فوق المتوقعه

هذا ما عندي فإن أحسنت فمن الله، وإن أسأت أو أخطأت فمن نفسي والشيطان

وأي استفسار لا يردك الا كبيوردك
طيب الأن نترككم مع الصور