قسط الالنترا

ما انصحك حيتغير شكلها كليا 2016 الدفعة الثانيه اصبر
أو خذ كورولا اكس ال اي مطور
مثل هذا الاعلان رقم : 9021556 نفس السعر وش حدك عالكوري
أو خذ كورولا جي ال اي رقم الاعلان : 9019188 يزيد عن اكس ال اي مطور  2500 ريال فقط
موفق...

وش الي وش حدك على الكوري 
مشكلة والله ثقافة الي عند البعض 
المهم يا صاحب الموضوع 
كل 5000 ريال تنزل 100 ريال من القسط 
الالنترا انا ماخذها تأجير منتهى بالتمليك بنك الراجحي قسطها 1185 ريال 
اذا حطيت دفعة 20 الف راح يصير القسط 885 تقريبا 

ياخي في نفسي كلام نفسي اقوله بس مني عارف
الزبدة ياخوي الالينترا سيارات و تخدم بس حاول انك تبعد عنها
انا سيارتي الينترا 2015
الان ماشية 13 الف
امس اخذت سيارة واحد من الشباب كامري 2011 ما شاء الله تبارك الله
اخذها ب 45 مستعملة و ماشية للان 60 الف 
تبغى الصراحة فرق في السواقة ياخي دريت اني مظلوم و اني كنت اعمى يوم اشتريت الالينترا
قلت لو اخذت كامري ب 40 موديل 2011 او 2012 يعني من الموديلات هذه
و القرار لك يا خوي
موفق ان شاء الله

ايه يا مشعل وش حدك عالكوري
زمان كنا نقول رخيصه و بنت حلال وتجمل
مع انة زمان جودتها كانت أفضل من الأن للمعلومية
لكن الان صارت بسعر الياباني و الأمريكي ولا جودة و لا سلامة ولا شكل وظيفي
والي يقول قطعها رخيصه جودتها مخيسة و معروف الرخيص مخيس ههههه
5 سنوات وارمي وجيب غيره عكس الياباني يدوم معك 10 سنوات اين كان مو شرط تويوتا
( سوبارو - مازدا - هوندا - نيسان - ميستوبيشي - تويوتا - سوزوكي - لكزس - انفنتي - الخ )
ما أقول غير حلال عالكوريين جالسين يبيعو لكم مواتر مخيسه 
ويشتروا صواريخ و في المستقبل حتضرب امريكا بفلوسكم ههههههه
والان الصيني رخيصه وبنت حلال
واغلب التكاسي و الشركات صارت تلجأ للصيني لأنة رخيص
وما ألوم الي يشتريها لأنة منحد عالثمن
عكس الكوري الي اغرتة المواصفات الي تخرب بعد سنة
ايرباق واحد و بدون اي بي اس 50 ألف !!

ي رجل خويي معه النترا من يوم طلعت 2012 الشكل الجديد  ماشيه 260 الف للحين يحلف انها ماشكت من أي شي والسيارة نظيف وبالرغم انه يكرفها مشواير فانصحك اشترها وانت مغمض واللي يقولك كوري قله على شحم هذولي ي أما شيبان مايعرفون إلا تويوتا ولا مصرع مضحوك عليهم فعلشان كذا قسم بالله واقولها لك وانا صادق انها سيارة عملية رقم واحد بالسعودية حاليا 

ايه ايه الكوري مخيس 
الياباني كله ما في احسن منه حتى الأمريكي ابو كلب وحتى السلامة في الياباني 
اذا شريت ياباني ما تنقلب ولا يصير عليك حادث ولو لا قدر الله صار عليك حادث الله لا قدر الله تنفتح لك 10 ارباقات  
اقول الله  يستر عليك بس حسستني الكوريلا الي فيها 20 ارباق الحين 
تبي مقارنه اعطيك مقارنه 
اذا على موصفات الامان الوكيل ساحب عليها ولا النترا تجي 6 ارباقات وتركشن وABS 
والناغي جايب لك ارباقين وABS 
والكوريلا سعرها النص فل في المعارض قبل 9 شهور ب 71500 

واذا على السعر فوالله احطه في سياره فل كامل ولا احطه في سيارة نص فل وبعد مكينة 1.6 
وتقول لي كوري ما يعيش غير 5 سنوات وشوف الياباني 
تعال واوريك سوناتا 2008 ماشيه 400الف زي الحلاوة 
وتعال واوريك النترا 2015 ماشيه 20 الف مخبطه 
الفرق هذا حافظ وانتبه لسيارته وهذا والله مهملها 

أنا اعرف ناس مقسطين ألنترا موديل 2016 وبعد كذا ندموا لأنها طلعت كافة الأقساط ب 94 ألف وفيه ناس طلعت عليهم ب 106 ألاف
 والسيارة قيمتها كاش 62 ألف فل كامل
فكر كويس أول شئ 
رايي تقسط على سيارة تستاهل

من قال انه الي يبيعه عبداللطيف الحرامي تويوتا
كله يتشلح لمن يجي الميناء وكيل نصاب والدليل على ذلك في العارضة ( اطار الزجاج ) الامامي يجي ايرباق 
يقوم يشلحها و يحط بلاستيك بدون ايرباق ما يكمل شهر الا و البلاستيك تلاقيه فك شوي لانة مستحيل يرجع كبس المصنع شد بلد
و ما عليه رقيب ومسلك أمورة و الحياة زبادي في الخلاط عندة
-------------------------------------------------
طبعا اسعارة غاليه لكثرة الطلب لكن لمن تشوف 
باجيرو 75 ألف 6 سلندر ياباني 3.5 يعيش العمر
أو النترا فل كامل 1.8 4 سلندر 75 ألف أول حادث تشليح مبالغ فيه
ABS ما يجي الا بالفل وبدون جلد
انا ماني ضد أي سيارة بالعكس انا كنت انصح بالكوري
الين 2012 لمن ارتفع سعره الدبل لكثره الطلب عليه
الصيني سعرة جديد 19 ألف فيها ايرباقين و ABS و EBD !!
واللي يقول اخذتها عشان أوفر بنزين البنزين ارخص منة مافي
الموية أغلى من البنزين وش تبي عبيت الشاص تانكيين فاضي
 فل 95 ما كمل 80 ريال رحت الامارات عبيت تانكي واحد بحدود 170 ريال!!
احنا عشان ننقل مويه و غاز نستعمل بترول !!
وتقولي اخد **** عشان موفر ؟؟
-----------------------------------------
بالنسبة للكورولا اتحداك 71500 نص فل حديك أسعارها من 9 شهور الى الان نفس السعر سعر الوكالة و المعارض اخصم 5000 الى 8000 ريال
xli 59010 
xli ex 65010
gli 1.6 70010
gli 2.0 78160
^^اسعار الوكالة 2015
-----------------------------------
في السلامة الياباني أفضل من الكوري و الصيني متفق عليه
والأمريكي أفضل من الياباني متفق عليه
و الألماني التوب التوب متفق عليه

الكوريلا النص فل معارض 
كانت دخول ذكي وبصمة وشاشة بدون مثبت بدون فتحة  1.6
ب 71000 الف هذا ارخص معرض في تبوك يبعيها بالسعر ذا 
ولقيت الالنترا جنبها ب69500 فل كامل 2.0 
عاد ودك تكذبني شي راجع لك 
ولا النية كانت الكوريلا وكنت صامل على الكوريلا 
شفت الالنترا بس بسأل عن سعرها وقلت نفس كلامك 69 في كوري 
سألت عنها وصليت الاستخارة وتوكلت على الله 
ويا رب لك الحمد مرتاح فيها جدا 

يا جماعه الخير هدووا 
اللي يبغى مواصفات اكثر وراعي دوام وبيت وطلعات قليل خذ كوري ويمشي معاك زي اللوز 
راعي خطوط وتكد السياره خذ تويوتا وكلمه مني ما توقفك اقل شي 3 سنين تاخذ كوري وتكد امه سنتين وتبدا تطلب 

وهذي الحقيقه ومحد ينكرها التويوتا تكدها 400 الف كيلو واذا محافظ ع المكينه تمشي اكثر
الكوري 300 الف وخلاااص وانا مجرب يا مكينه ي قير كنت م ادنى التويوتا وجربت بنفسي امريكي وكوري والله يمرمطك سلملي ع التويوتا 

الله يبارك لك ما قلنالك شيء
راجع موضوعي عن اسعار تويوتا 2015
وتشوف يمكن معارض تبوك غاليه لان الطلب عليه اكثر مدري لكن بالرياض 
xli 54000 
xli ex 59000
gli 1.6 65000
gli 2.0 72000
^^اسعار المعارض بالرياض 2015

انا نفس الطريقة عام 2013 مريت على الوكالات "عبداللطيف ووكالة الناغي بتبوك"
 كانت النية على كرولا13 اقل فئة بس قيرتماتيك مكينة 1600 قالي 70الف
والنترا فل كامل بصمة فتحة بـ 67الف المكينة 1800 والحمدلله اخترت النترا
 ياصاحب الاعلان
كل 5000 دفعه اولى تنقص 100 من القسط وهكذا انا اخذتها عن طريق الراجحي عطيتهم 30 وصار القسط 700ريال