اخذت حفرة وانفقع الكفر للاسف

في برنامج ينزل على الجوال تصور وترفع للأمانة عشان يسدون الحفره .. لو تصورها وترفعها تسوي خير عشان يشوفون حل لها .. 

وقريباً راح أسوي موضوع عنها وتفاعلهم معاي، تبحث بالجوال اندرويد أو آيفون عن "أمانة 940" وتصور وترفع فقط 

عشان لاحد ياكل الحفرة غيرك ، وانا نفس موضوعك حصل لي الساعة 2ونص الفجر .. وجلست الى الفجر عشان يفتح 

البنشر ويركب الإستبنة، وحمدلله على سلامتكم 

برنامج الامانة .. جربته وبلغت على حفر في طريق بيتنا وصلحوها بعد اسبوع 


لكن الخط اللي انا كنت فيه .. اساسه كانت منطقة تريلات وشاحنات .. ومحد يمشي فيه 

يعني لو بلغت مستحيل يصلحونه 

واصلا الخط كله حفر ومطبات .. وحفر من النوع القووي جدا .. اللي لو تاخذ الحفرة على سرعه تروح سيارتك تالف بدون اي بمالغه 

اعطني اسم البرنامج في قوقل بلاي

اعطني اسم البرنامج في قوقل بلاي

أهلا وسهلا فيك يا الغالي " ابختصر لك سالفه شخص سار عليه مثلك "

كان فيه شخص بالرياض ماشي ومعه اللنترا !! وكان ذيك الايام امطار , وما درا الا ودخل في حفره شنيعه جدا من النوع المحترم جدا 

ولا شافها بسبب ان الشارع كله مويه والحفره مليانه مويه 

نزل من السياره ولقي الجنط مطعوج والكفر مفقوع وقام يسب في البلديه

ومر واحد من جنبه فاتح الشباك وقال اتصل على 940 وان شاء الله تنبسط 

ودق عليهم وقال لهم السالفه وفتحوا له بلاغ بأسمه وقالوا اتصل على 993 عشان تجيك دوريه ويشوفوا الاضرار ويكتبون ان الضرر من الحفره 

ودق على المرور وجاته بعد ساعه كامري وسجل التقرير وقال راجع مرور الشرق وراح لهم واخذ منهم ان المتسبب بالضرر وجود حفره بنصف الشارع لم يتم ردمها بشكل جيد من قبل المقاول 

وراح فيها لامانه الرياض " _ البلديه _ "

وقالوا راح نتصل فيك , وافعلا اتصلوا علي وقالوا تعال خذ تعوضيك وطلع شيك بقيمه 3100 ريال 

وسولف مع الموظف وقال الموظف لو كل واحد يسوي مثلك حتى ولو تضرر بشكل بسيط او يرسل فاكس على حفر موجوده في الشارع

والله ان المقاول ليشتغل شغل ممتاز جدا ولا عاد بتشوف هالحفر , لان المقاول يشيل هم اتصالات البلديه عليه , لكن ربعنا يركب الحفره و اذا سار له شيء غير الاسبير وكمل طريقه وهذا غلط فياليت الكل يتصل على الامانه 940 و راح ياخذ حقه بإذن الله واللي شاف حفره او مشكله بشارع فلاني هذا ايميلهم ولازم ترسل الاسم ورقم جوالك والشارع والحي ووصف المشكلة 


email : 940@alriyadh.gov.sa تحياتي لك عزيزي

صحيح كلامك اخوي 
وبعدين بالنسبه للجنوط ال16 وتحت تجيك دعسه الكفر مرتفعه وتمتص اكثر وعمرها اطول وتطول لك فعمر العضلات عكس ال17 وفوق 
وخصوصا (النترا-سوناتا-اوبتيما) غير جنوطك وركب جنوط الاستاندر مريحه تمتص الاهتزازات وعمرها اطول وتطوول لك عمر العضلات..
ارجووا التقييم لزياده عدد النقاط ومشكوور

عمادوه: إسم التطبيق بالجوال أمانة 940 بتحصل الرياض وجدة وعنيزة وحمل على حسب منطقتك 

بيض الله وجيهكم 

انا جنوط سيارتي 18 يضر ولا ؟

يا جماعة الخير العيب مو من الجنوط او الكفرات او اي شي العيب من شوارعنا الله المستعان