مشكله تحبيل الكفرات

هذي مشكلة الجنوط الكبيره

المشكلة في الجنط كبير بس .
كبر سمك الكفر من 40 الی 50 شرط ان الكفر ما يحك بشي و اذا ما قدرت غير الجنط الی اصغر 

دعسة الكفر جدا صغيرة اكيد يحبل وش تتوقع منه 

غير دعسة اكبر او حط جنوط 18 وكبر الدعسة

انا عارف مشكلتي في كبر الجنوط والدعسه واطيه بس استفساري عن افضل نوع كفر صيني لان الهانكوك غالي ومصيره بيحبل ..

اووووف  ؟ كل 6 اشهر طقم خلال 3 سنوات يعني غيرت 6 مرات ؟

انا موتري نفس موترك وركبت كفرات نانكينج التايلنديه الواحد ب 400 ريال .. طبعا افضل من الهانكوك لانها اقسى عشان كذا ارتحت من التحبيل ولله الحمد 

غير كذا مواصفاتها اعلى .. السرعه ( y )  اي 300 كيلو متر بالساعه بينما الهانكوك سرعه ( V ) معناته انه يتحمل حتى 240 كيلو متر بالساعه بحد اقصى < الازيرا ماتفصل الا على 255 

ورمز التحمل بالنانكينج هو 98 بمعنى ان الكفر الواحد يتحمل 750 كيلو جرام ، والكفرات الاربع تتحمل 3 طن .. بينما الهانكوك رمزه 94  ( الكفر الواحد يتحمل 670 كيلو ) وهذي نقطه اخرى لصالح النانكينج 

الحراره والتراكشن كلها AA  .. مؤشر تآكل الاطار هو 240 للنانكينج و 300 للهانكوك وهذي النقطه الوحيده اللي يتفوق فيها الهانكوك عليه فقططط ..

انا ليش كتبت جميع مواصفاته بالتفصيل ؟ لان بعض الناس مستحيل يصدق ان بعض كفرات التايواني افضل من الكوري او ان الكوري افضل من الياباني وزي كذا ؟ مع ان العبره دائما هي مواصفات الكفر وليس اسم الشركه او بلد التصنيع 

تصحيح << النانكينج تايواني وليس تايلندي .. ووكيله العيسائي نفس وكيل كفرات نيتو اليابانيه 

ركب ميشيلان وانسى الكفرات 5 سنوات

بس اشتريها من الوكيل لان تخزينة مناسب عكس المحلات والبناشر تنحط بالشمس
اذا كنت من جدة رح سوق الكفرات كيلو 2 كل وكلاء الكفرات موجودين هناك

انا ماخذ كفرات صينيه مستخدمه ومشت معاي 5 شهور وانت كفراتك جديده ب 6 شهور تتلف في شي غلط بالسياره يعدم عليك الكفرات

والله الكفرات سالفتها سالفه واحد من العيال طقم كفرات لسوناتا وكل حفرة وحبل الكفر الامامي عنده وطنشه وضرب عليه
شوارعنا اكبر سبب
لاهلاك الكفرات
والعضلات

ابو هيثم شكلك مندوب عن كفرات نانكانج لاني قريت لك في اكثر من موضوع تتكلم عن هذه الكفرات والدليل المعلومات اللي انت كاتبها عن الكفر لايمكن للمستخدم العادي ان يعرفها .... تقبل مروري

ركب جنوط 15 السوود او 16 وركب كفر دعسته عاليه وراح تدعيلي حتى المطبات ما راح تحس فيها زي جنط بلدها .

يا أخي لو تحط كفر ب1000 ريال ماينفع مع شوارعنا أغطية الصرف والحفر وكسرات المطبات  هي السبب صوالين وتريلات تبنشر من قوة الحفر ودعستها 100 فيكيف ب40 و45 الله يكون بعونك يبيلك تمشي وعينك على الصدام الأمامي وما تطب بحفره او خزان صرف 

انا بعطيك الكفرات الصينيه دام ماحد عطاك شيء لها
جينيو... وديرو... ووينلي ...ورينواي ... هاذي افضل الانواع
واسعارها متقاربه ورخيصه جدا وتدوم اكثر من سنه ونص

السلام عليكم
الله يعوضك ياخوي فيما ابتلاك 
المهم ركز على ضغط الهوا لاينزل عن ٤٠ عشان يتحمل ويحمي الجنط من الطعوج بإذن الله 
عاد اتحمل القساوه بالمشي الله يعينك

يعطيكم العافيه ماقصرتم

يا خوي  لا تزعل مني
ترا ابي أقول كلام معقول 
يا خوي اول شي من عاد زين خطوطنا اللي تلق لق 
يزفلتون الطريق ما يجيلها يوم الا حطو مطب ولا حفره 
ولا نسيو لا يحطون تصريف السيل ويرجعون يحفرون ويخلصون شغلهم ما يمديهم يرجعون السكه مستويه لازم في خراب 
ولا المطب ان تطلع فوقه تشوف الدنيا كلها وإذا جئت مسرع الله يكون بعونك تحس انك مسوي نظام طيران 
ههههههههه 
الله يكون بعونك يا خوي فايز 

جرب النكسن كفرات كورية بس جودتها عالية و ضمانها جيد و سعرها معقول

نكسن الطقم ب ١٨٠٠ ريال

قووديير الطقم ٣٣٠٠ ريال

وكلها هااادئة 

بالنسبة للقودير تحمله للحفر عجيب