أضف سؤال أو موضوع جديد          

حذفه في الجينسس زير مامشى شي

up 2 down 1
أبو زياد العرابي 6
قبل 6 سنه و 4 شهر



السلام عليكم 

أتمنى إلي عنده حل وواجه هذه المشكلة يكتبلنا وش الحل إلي أتخذه

أتمنى عدم الخروج من الموضوع وينقلب حرب بين تويوتا وهيونداي أنا طرحته لفائدة المسلمين 
ليصلو لحل للمشكلة وخروجك عن الحوار والهدف من طرح الموضوع يقع فيه ضرر للغير وأولهم أنا
أتمنى من الجميع الرقي في الحوار

المشكلة : شريت هيونداي جينسس قبل ٤ أيام ومنذ شرائي لها لاحظت وجود حذفه لليمين مع إهتزاز خفيف بعد سرعة
٩٠ والمشكلة مؤرقة الحقيقة السيارة لازالت تحت ال ٢٠٠ كيلو وشريتها ماشيه ٦ كيلو وواضح إنها كرت أتمنى إلي صار له ماصار لي
يقولي وش سوى وهل لقى حل أو لا

الشغلة الثانية هل لو غيرت الكفرات وأخذت كفرات أعلى "وليس أعرض" هل يكون هناك ضرر للمساعدات والأذرعة لأن الكفرات الحالية نحيفة وأي حفرة راح يتضرر الجنط وينفقع الكفر

الشغلة الثالثة من ناحية الصيانة هل أقدر أصينها في أي وكيل هيونداي مع العلم سياراتي وارد الوعلان

وشكرآ للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب يالغالي وديتها للوكاله ؟


up 1 down 0
morphine-coffee -48
قبل 6 سنه و 4 شهر



ودها الوكاله يزبطونها لك وان شاء ماتحصل منها الا الخير


up 0 down 0
خالد ___الرياص 1332
قبل 6 سنه و 4 شهر



وعليكم السلام
حياك لو اني منك ادق سلف الحين ولا اوقف الا عند باب الوكالة
الاهتزاز تقصد رجه ترصيص ويضبطونها لك وكذالك الحذفة يضبطونها لك
وشوف هواء الكفرات ترا احيانا او كفر ناقص عندك عن الباقية يحذف الموتر
والكفرات تقصد عندك نحيفة دعسة واطية 
ماعندك مشكلة في الارتفاع شوف الرقم وخذ الي بعدة اقصد رقم الارتفاع
والف مبرووك على الموتر الله يعطيك خيرة ويكفيك شرة



up 0 down 1
الرفاعي33 13914
قبل 6 سنه و 4 شهر



بيض الله وجيهكم ياشباب 
السيارة فيها حساسات وكلها الضغط على ٣٥ وبوديها الوكالة بإذن الله بس حبيت أشوف من واجه هالمشكلة
وأخوي الرفاعي معلومتك بخصوص تغير حجم الأرتفاع هل أنت متأكد إنها ماتضر الأذرعة والمقصات 
لأني أعرف إنها لازم تنوزن على إرتفاع الكفر وإذا غيرته لازم توزن من جديد


up 1 down 0
أبو زياد العرابي 6
قبل 6 سنه و 4 شهر



 يابعدي كم مقاس الارتفاع عندك 
سئلتلك واحد من العيال مطلع الموتر قبل سنه
يقول افضل مقاس للجينسس 
 الامامي 245/45/19
 والخلفي 275/40/19 
هل المقاس عندك نفس الي كتبته لك



up 0 down 0
الرفاعي33 13914
قبل 6 سنه و 4 شهر



الامامي 245/40/19
 والخلفي 275/35/19 

وهذا مقاس الوكيل وأنا ودي أغير لمقاس خويك بس برضو ودي أعرف وش سلبيات تغير المقاس
على السيارة

أشكرك أخوي الرفاعي على تفاعلك السريع وسخر الله لك من حيث لاتعلم


up 1 down 0
أبو زياد العرابي 6
قبل 6 سنه و 4 شهر



ابد يالغالي الرجال ماشية معه زي الحلاوة ولا واجه اي مشاكل
زود 5 امامي و5 خلفي وباذن الله امورك طيبة
وبالتوفيق ربي يسعدك


up 0 down 0
الرفاعي33 13914
قبل 6 سنه و 4 شهر



وبالنسبه للوكلاء تقدر تروح المجدوعي او الناغي مب ضروري الوعلان 


up 1 down 0
حسام الخثيمي 121
قبل 6 سنه و 4 شهر



شيك على تاريخ الكفرات لايكون مخزنه 


up 1 down 1
شويخ من أرض مكناس 2823
قبل 6 سنه و 4 شهر



غيرت كفرات باترول طقم بسبب انها مخزنه وعند الترصيص الكفر متعرج

المهم راجعت المهندس قال مانغير الكفرات الا خلال ال 1000 كلم اما بخصوص وزن الاذرعه عني اغلب الوكالات هي والترصيص مايسوونها

مر العضيب واذا فيه عيب راجع الوكاله خلال ال 1000 كلم وراح يغيرونها بخصوص مقاس الكفر اشوف مثلا 225 لو حطيت 235 مافيه ضرر لكن لو حطيت اكثر بتحك او تصير ثقيله يعني من 5 الى 10 موب مشكله طبعا اذا بتعوض النقص بالعرض قلل الارتفاع والعكس صحيح


up 0 down 0
khaled3224 284
قبل 6 سنه و 4 شهر



أشكركم على طرحكم يا أخوان 


up 0 down 0
أبو زياد العرابي 6
قبل 6 سنه و 4 شهر



ودها الوكالة ويزبطونها لك الرجه عايديه اكيد تبي ترصيص تعرف تخرب مع الوقفة وصارت لاكثر من واحد اعرفه مطلع موتر وكالة لاتعدا 120 يرج ترصيص وتروح

الصيانة عايدي أي وكيل


up 0 down 0
a.ibrahem 3169
قبل 6 سنه و 4 شهر