السعر مقابل المواصفات

موضوع جيد تشكر عليه

كويس أنك فاهم +1 لكل مواضيعك تستاهل

بالنسبة للسيارة الشعبية او المنتشرة بكثرة اغلبها مواصفات الامان ضعيفة فيها 
اما بالنسبة لجودة الديكوات الداخلية ما اعتقد انه في سيارة راح تتحمل شوارعنا 
والجودة في القطع الميكانيكة في بعض السيارت من نفس الفئة 
ارخص بفرق كبير وافخم في المواصفات ممكن الفرق اكثر من 20 الف وانا ماعندي علم عن جودتها 
خلينا نقارن كابسط مثال الافلون والكدنزا فرق السعر بين ما اعتقد اني راح ادفعه بالصيانة خلال 5 سنوات او اكثر 
خصوصا لو اخذت الستاندر سعرها بسعر الكامري 

 الان اكثر السيارات قريبه لبعض بالجوده يعني ان كان فيه فررق ليس بكبير

لكن الخطأ من وجهة نظري اللي يشتري اي سيارة حجم صغير فل كامل والفرق عن الاستاندر  20 الف او اكثر
هنا اشوف انه اخطأ لان بالحجم هذا ماراح تكون المواصفات بجودة عاليه  

يعني لو وفر ال20 الف ومثلآ ركب جنوط او حساسات ومن هالاشياء الغير اساسيه الي بالفل ماراح تتعدى 5الف 

وماهي السيارات التي بها جودة حاليا ؟ كل السيارات مواصفات ورادار ولييد وبانوراما وخرابيشي مالها داعي انا احتاج سيارة تتحمل الحر الشديد وشوارعنا المكسرة على الأقل تكد من ٥ سنوات الى ١٠ وتبدا تطلب بغض النظر عن الأشياء الاستهلاكية بس اني اشتري سيارة بمبلغ وقدره واخرتها بطلعلي عيب مصنعي متكرر واقعد كل شوي رايح الصيانه وإذا مالقيت حل رحت وزارة التجارة اشتكي ثم بعدين اقول يامن شراله من حلاله علة 
انا ابي الجودة والاعتماديه فقط ولا مانع قليل من المواصفات الاساسية وسلامتكم 

وخرابيط. اعذروني اكتب بالجوال

فرضا" واحد راعي خطوط
و محتاج سيارة سيدان ست سلندر بمثبت سرعة
و ميزانيته 80 الف فقط

هل بيختار صناعة اسيوية بدون تسمية
توفر له المواصفات المطلوبة بالسعر المحدد
او بيختار صناعة اسيوية اخرى لكن اقل مواصفات
اربع سلندر بعزم محدود و  بدون مثبت سرعة يريحه

؟؟؟؟؟
 اترك الاجابة لكم
و انا ما اتكلم عن المواصفات الاضافية
 كفتحة السقف و غيرها
مركز فقط على الاساسيات الضرورية

و الامثلة كثير مثل جيب ب90 اقوى و ارسى و اكثر مواصفات
و جيب اصغر و اضعف مكينة بدون مواصفات بنفس السعر
و من نفس جنسية الصناعة من شركتين مختلفة فقط

في النهايه الخيار يرجع لحاجة المستخدم مثلا اذا واحد يبغا يشتري سياره حقت سنتين ويبيعها ومشاويره داخل المدينه في هاذي الحاله المواصفات اهم من الجوده والعكس صحيح اذا واحد حق خطوط ومشاويره كثيره ويبغا السياراه تقعد معاه فتره طويله في هاذي الحاله الجوده اهم من المواصفات

وكل واحد ووجهة تظره ورأيه

انا ماخذ سيارة مافيها اي مواصفات او رفاهية مع ذلك مرتاح لها الحمد لله مريح راسي من الخرابات والوسوسة اذا تعطل حساس ولا شيء الفتك ثلاجة دف لوك مسجل بس. 

للاسف اغلب الناس كذا يبي دلع انا عن نفسي
ابي سيارة اعتمادية وقليلة اعطال وذات عمر طويل 
ابي سيارة جودتها ممتازة 
ابي سيارة بديها صلب من الفولاذ وفيها امان
وسيارة مريحة وراسية وبعض الاشياء الاساسية
 هذا بالنسبة لي اكثر من كافي وفيه شركات موجود فيها
الي ذكرته وسعرها رخيص ورغم عدم انتشارها لكن 
انا بتوجه لها فورا بدون تفكير 

بالنسبه لي اهم شي ان السيارة
تكون مرتفعة عن الارض ( جيب او جمس ) 
الامان فيها يكون توب من abs الى التراكشن 
قطعها متوفرة 
دفع رباعي ( دبل ) 
مكيف
تانكي كبير او تانكيين للمسافات الطويلة 

اما الباقي مايهم 
شاشة - تخشيبة - مراتب كهرب - شفط - فتحة -كلهم مايهم 
طبعا افضل الماركات هذي اشهدلها بالكرف والقوة 
تايوتا ( اف جي - شاص - ربع ) صحيح غالية لكن تكرف 
نيسان ( فتك طويل - شاص - ربع ) 
وهم الافضل بالنفوذ ^
شفر وجمس ( تاهو - يوكن - سيلفرادو - سييرا ) 
فورد ( اف ١٥٠ ٢٠١٣ وتحت ) 

اما باقي الجيوب ماتصلح لعدة اسباب 
فئة كروس اوفر كلها ماتصلح للاستخدام الشاق 
الجيوب الثانية اسعارها غالية بشكل مبالغ فيه اما بسبب سمعة او فخامة
لاندvxr - نيو باترول - لكزس - اسكاليد - رانج روفر ) باقي فيه سيارات بس مشوار اذكرها
فيه جيوب اسعارها معقولة وتكد لكن عيبها الوحيد
وكيلها شاطح باسعار الصيانة وقطع الغيار
مثل : باجيرو من ميتسوبيشي
ناتيفا من ميتسوبيشي
رانجلر من jeep
جراند شيروكي من jeep
دورانجو من شركة دودج


 

انت جالس تلمح ان السيارات الكورية سعر ومواصفات لكن بدون جودة
والسيارات اليابانية لاسعر ولامواصفات ولكن جودتها عالية

في الوقت الحالي السيارات اليابانية والكورية متقاربة جدا من ناحية الجودة
جيب لي سيارة يابانية ماشية 400 الف او اكثر وانا اجيب لك سيارة كورية مثلها
جيب لي سيارة كورية مخبطة على ممشى قليل وانا اجيب لك مثلها سيارة يابانية

المشكلة ليست في جودة هذه السيارة او تلك
المشكلة في ثقافة وعقول المجتمع
يعني اذا سيارة يابانية صارت لها مشاكل على ممشى بسيط قالوا عيب مصنعي او ماله حظ
واذا صار نفس الشيء على سيارة كورية قالوا جودة ابو كلب

^
نفس الكلام اللي كنت بكتبه امس

بعدين ممكن تعرف لي ايش يعني الجودة ياصاحب الموضوع ؟

جوابك كالتالي:
الاتقان في الصنع وبالمثال يتضح المقال عندك لكزس مثلا :لاحظ موديل ٢٠١١اول المقطع وموديل ١٩٩١ اخر المقطع
https://www.youtube.com/watch?v=kZqFI2wtUVU
ومثال واقعي آخر معروف في بعض السيارات من دون تسميه المكيف يضعف عند الوقوف لوقت طويل كالاشارات والزحمات في عز الحر
بينما سيارات اخرى تبقى صامده في اقسى الظروف وهنا نفهم معنى الجودة.

 

جميعكم لايك بغض النظر اختلفت معكم او لا

شوف حبيبي انا اختلف معك ... 
الكوري بدأ من الصفر وتتطور والان اصبح منافس
 بل تغلب على معظم الشركات اليابانيه في عدد المبيعات واصبح ثاني اكبر مصنع للسيارات في العالم 

والجوده في تطور ملحوظ ولكن راح يجي يوم وتقول الياباني ولا شئ جنب الكوري في الجوده وراح تتذكر كلامي 
اللي خلاهم يسوو تصاميم بهالشكل ما اعتقد تصعب عليهم الامان والجوده .
وبعدين وين الجودة فالياباني واحترام العملاء ؟ عندك الاكورد ياباني واصبح صيني ؟! وصارت مشاكل فالمكينة  !!
والتويوتا فيها عيوب كثيرة تتعب وانت تعدها .. 
1- تعليق مثبت السرعه .. > وين الجودة ؟؟
2- الكامري 2012 اخذت سيء في اختبار الاصطدام .. فالامان .. > اين الجودة ؟
3- قبل اقل من شهر وزارة التجارة استدعت سيارة تويوتا افالون لعيب قد يتسبب في احتراق السيارة ..!!!!!!!!! > ومازالو يقولون ياباني وتيوتا جوودة ..
4- تهريب زيت الدركسون فالهوندا الاكورد لمن كانت ياباني .. >> وييييييين الجودة ؟؟
5- تعرف ان عبداللطيف جميل يشلح السيارة من المواصفات ومع ذالك تشتريها باعلى الاسعار ؟ العقل نعمة ..
طبعا من كثر العيووووب اللي فالتويوتــــــــــا تعبت وانا احطها وبختصرلك هي في رابط واحكم بنفسكك !!!!!!!

http://www.toyota4arab.com/forum/t303192.html

اولا:المبيعات لاتعني الجودة ..خصوصا ان المبيعات تعتمد على ثقافة المستهلك وتسويق التاجر والمبيعات موضوع مستقل عن الجودة
ثانيا:انت بنفسك تقول جودة الكوري في تطور ملحوظ ماذا يعني هذا؟..
ثالثا:الاكورد انتقل المصنع وظهرت مشاكل المكينة في الصين وليس في اليابان
رابعا:تعليق المثبت ومشاكل الكامري او الاكورد مو معناته ضعف جودة السيارات والشركات اليابانية الاخرى.
خامسا:السيارات اليابانية اللي اقصدها هي اللي تصنع باليابان مثل البرادو والباجيرو والاندكروزر ولكزس lx وls وgs وغيرها
اما سيارات التجميع خارج اليابان اقل جودة واغلب استدعاءات وزارة التجارة عليها مثل مثالك على الافلون 

واخيرا بالنسبة لسيارات تويوتا فجودة سياراتها مختلفة عن بعض منها ما يصنع في اليابان ومنها خارج اليابان ومنها الغالي ومنها المتوسط و الرخيص
والجودة تختلف باختلاف ما ذكرت

انا اتكلم عن تويوتا بشكل خاص .. وهوندا اكورد بشكل عام .. 
الاكورد كانت ياباني مافكرت بعملائها اللي اشتروا موديل 2015 وماهم عارفين انه صيني هذامو ظلم ؟ وين احترام العميل ؟
يعني سبحان الله اي سيارة تصنع فاليابان تكون قوية وتتحمل ؟
بعدين قل لي الكوري مافيه جودة من ناحية ايش ؟ التحمل ؟؟ سيارتي 2012 ازيرا ماشية140 الف
وروح انت اركب مع اي تاكسي النترا الشكل القديم واسأله كم موديل السيارة وكم ماشية .. بتعرف ان الكوري يتحمل
اما اذا التكييف حق الكوري ماهو ذاك الزود طيب ياخي قوي المكيف وين المشكلة بردت السيارة وطيه .. ؟ مع اني احانا 
اللي يجلس جمبي يقولي بردان طفي المكيف .. !!
واذا على كلامك انت اعترفت ان الكامري والكرولا واليارس والافالون " ابو كلب " ..
وبعدين انا قلت الكوري في تطور ملحوظ يعني الكوري قبل عام 2011 كان زبالة معاحترامي .. لكن الان صار تطور وجودة ..
وبعدين اذا على كلامك الجودة تعني (( الاتقان فالصنع .. ))
على سبيل المثال اللاندكروزر ياباني يوم يعلق مثبت السرعه اين الجودة والاخلاص فالعمل والاتقان ؟
على سبيل المثال البرادو الم تسمع بالعيب المصنعي بالبرادو 2010 ؟
قامت شركة تويوتا العالمية باستدعاء سيارات ( البرادو ) 2010 بالأضافة لـ (اللكزس gx460 ) التوأم للبرادو من كل إنحاء العالم وخاصة الأسواق الأمريكية لوجود خلل مصنعي في نظام الاتزان يؤدي إلى سهولة الإنقلاب.

وقد قام مراقبين في الولايات المتحدة بنشر شعار ( لا تشتري هذه السيارة ) مشيرين إلى خطورة هذا الأمر على حياة البشر , هذا وقد أشارت عدة صحف أمريكية في نهاية شهر أبريل الماضي لـ خبر سحب هذه السيارات ومن هذه الصحف الـ ( CNN ) و الـ ( فوكس نيوز FOXNews ) والـ ( businessweek ) وغيرها من الصحف الأمريكية.

الملفت للنظر أن وكالة تويوتا في السعودية أشارت للموضع على أستحياء في موقعها الرسمي بدون عمل حملة إعلانية كبيرة تقارب حملة البيع لأستدعاء عملائها حفاظاً على سلامتهم.
http://cdn.sabq.org/files/general/91172_9364.jpg-large

http://www.mekshat.com/pix/upload06/images/2015/02/mk20132_img-20150224-wa0004.jpg

https://encrypted-tbn0.gstatic.com/images?q=tbn:ANd9GcQWzMxjkaL803-SgEaHFBeUcfRiUj-OwYqFl2IeRY1vrh1xV-4R

http://www.mekshat.com/pix/upload06/images/2015/02/mk20132_img-20150224-wa0008.jpg

http://www.mekshat.com/pix/upload06/images/2015/02/mk20132_img-20150224-wa0007.jpg

http://www.mekshat.com/pix/upload06/images/2015/02/mk20132_img-20150224-wa0005.jpg



http://sabq.org/iHWfde