أضف سؤال أو موضوع جديد          

تجربتي الاولى لتغير الزيت عند بترومين

up 14 down 23
benz lover -42
قبل 4 سنه



السلام عليكم اخواني الاعزاء كيفكم طيبين طبعا جا في بالي اغير الزيت عند بترومين طبعا الكل يعرف نصبهم واحتيالهم وناس تمدحهم شفت الامر كذا قلت لازم اتاكد بنفسي طبعا موتري اكسنت ١٣ وياخذ ٣ علب بدون الفلتر كنت بالسابق اقتل ماكينة السيارة بزيت ٥٠-٢٠ سوبل شل ب ١٧ عند البنشري اللي بالحارة وطلقته للابد مع العلم اغيره كل ٣٥٠٠ كلم  عندهم باقتين فضية وذهبية اخذت الفضية ب ٨٠ ريال وتشمل ٤ لترات زيت بما ان موتري ٣ لترات خصمو ١٥ ريال النصابين المفروض يخصمون  ٢٠ ريال زي اللي حاسبينه هم وطلع ٦٥ ونوع الزيت بترومين ٣٠-١٠ يمشيني ٥٠٠٠  وهذا مناسب للسيارة يعني طلع اللتر حول ٢١ ريال اشوف السعر جيد مقارنة بالبناشر العادية للهذا المقاس من الزيت لانهم يبيعونه نفس الشي وهنا في اهتمام اكثر ويسجلون ستيكر للتغيير القادم للزيت للتذكير وهذا امر ممتاز شغلهم نظيف ويهتمون بالسيارة افضل من ابو يمن اصابعه وهي شحم على كل البودي

انصح كل شخص موتره ٤ سلندر زي اكسنت وكذا يغير عندهم لانه نفس سعر البناشر 

اما اذا تحطون زيت تخليقية بمواتركم لا تقربونهم ابدددد حرامية سالتهم عن كاسترول ماغناتيك مقاس ٤٠-١٠ للي بي ام حقتي قلي اللتر ٦٥ تخيليوووو وانا شاريه كرتون وقف علي ٢١ اللتر يعني ينفعون لمواتر صغيرة لا غير يعني لا احد يحسب اني اسويلهم دعاية بالعكس تماما انا حبيت انقل الصورة بنفسي بدون قيل وقال وحياكم جميعا 













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الباقة هذيي تشمل كل الفروع اللي بالمملكة


up 3 down 0
ahamd9477 120
قبل 4 سنه



الله يعطيك العافية وما قصرت
وبترومين لي تجربة معهم انصب منهم مافية
كلمة حرامية قليلة في حقهم
بس دامك غيرت الزوجه كاسترول العادي 10w30 ارخص
العلبة 17 ريال والجملة ارخص 


up 3 down 2
الرفاعي33 13907
قبل 4 سنه



ماشاء الله . 
مشكلة الناس بسبب تخبيط المكاين سبوا بترومين و بترومين اسعار كويسه للزويوت العادي اما التخليقية فا الاسعار اكثر من الدبل زيت a1 العلبة ب 60 و الجملة ب 25 و الكرتون ب 21  تقريبا .
طبعا زيت 10-30 اشتريه كرتون ب 265 و اغيره بنفسي و معي اكسنت يعني 3 علب ب 11.5×3 = 34.5 و البناشر ب 63 .

مكاين الاكسنت 1.4 تاخذ 3.3 لتر مع سيفون و بدون 3 لتر .
1.6 تاخذ 3.5 لتر مع سيفون و بدون 3.2 لتر .



up 2 down 1
khalidoo 1168
قبل 4 سنه



الاخ احمد اتوقع نعم كل الفروع بالمملكة زي بعض 

اخونا الرفاعي : انا مادققت لانها ٣ لتر فقط موب مستاهلة قلت اجرب موب خسارة 

خالد : صحيح انا اخذت معي ٣ لتر بدون فلتر وماكينتي ١،٤ وفعلا بالزيوت التخليقية قمة النصب


up 3 down 5
benz lover -42
قبل 4 سنه



اهم شي الفلاتر انتبهو من فلاترهم ومسوين عرض
غير زيت واحصل على فلتر مجانا 
سواء فلتر مكينه او فلتر هواء او فلتر مكيف كلها تجاري
اخر ماجاني رسالة منهم امس كل اسبوع رسالة غير زيت احصل على فلتر
كنت اغير الزيت عندهم وتركتهم قبل سنه واشغلونا برسايلهم


up 3 down 1
الرفاعي33 13907
قبل 4 سنه



نصابين وعليهم شكاوي كثير ......
زيت القير يستخدموا نوع واحدلكل السيارات !!!!


up 1 down 0
ابومشعل2010 163
قبل 4 سنه



هم ما اجبروك تغير الزيت حق القير من عندهم صح عندهم مكينة غسيل بس مو يعني تغير عندهم 


up 0 down 1
khalidoo 1168
قبل 4 سنه



انت قلت العادي ارحم
بس الأغلب بل الأكثريه يستخدمون زيوت تخليقيه مثل بترومين A1  وغيرها
الأفضل تشتري كرتون ما يكلفك 250 تخليقي بالكامل وريح مخك
يكفيك ٣ تغييرات وزود 
وابعد عن النصابين واستنزاف القروش
بالتوفيق


up 0 down 0
nasser 7868 143
قبل 4 سنه



ياخوان لهم فرع بحايل ولا لا اذا لهم شكلي بروح لهم


up 0 down 0
حربي نجدf15 89
قبل 4 سنه



طيب ي بنز وشو وضع فلاتر الزيت ؟؟جربتها 


up 1 down 0
d7ooom777 389
قبل 4 سنه



وعليكم الﻻم 
ونسيت اقولك كيف يغيرون الزيت من الصره وﻻشفط ﻻن الشفط الي اسمعه مايطلع الزيت كله وﻻكان المصانع ماحطت صره


up 2 down 0
d7ooom777 389
قبل 4 سنه



اكبر دليل انهم حرامية تغيير الفلتر حق المكيف ب 160 سلااااامات الفلتر واصلي ب25 وتركيبة مايبيله شي كل مافي الامر تفك الدرج وبعدها تفتح القربة الي فيها الفلتر وتبدله وانتهينا والفلتر حق الزيت الي عندهم تجاري صيني واغلى من الاصلي


up 1 down 0
saleh54321 88
قبل 4 سنه



كويس انك انحشت من زيت 20 50 سياره 2013 صعبه تحط لها المقاس هذا بنسبه للبترومين صحيح اهتمام زايد بس لو تروح لبنشري نظيف ومحطه كبيره ممكن يغيره لك اقل منهم بترومين يبعون لك زيتهم 21 ريال البناشر الثانيه عب لها كسترول 10 30 او عب لها شل هيلكس هذا الي يحطونه الوكاله بسعر 17 ريال  يعني تكلفك 90 ريال بترومين  130 ريال 
وغسيل مجاني البناشر  بس زي ماقلت لك يعني محطه كبيره ونظيفه  بنسبه لزيوت التخليقيه معروفه ذي تاخذها من سوق الجمله ارخص انا اخذت كسترول ماجنيك بسعر 21 ريال وهو يبعون 45ر يال وبترومين يبيعه 60 ريال  السيفون اخذه من  الوكاله اضن وسعره رخيص 


up 1 down 0
سكودر 14933
قبل 4 سنه



بالنسبه لي اغير عند الوكاله احسن ياخذو مني 127 ريال بالضبط 

لاني لمن اغير عند بترومين ياخذو 122 ريال فأغير عند الوكاله احسن واضمن 


up 0 down 0
loody_23 364
قبل 4 سنه



كويس انك لحقت سيارتك قبل تخبط حرام عليك 2013 تحط 20w 50 
ومن راي اشتري 5w 30 من الجمله وغير عند اي بنشري، واسحب على بترومين والوكالات 


رحت ابغير زين القير قالي ب300ريال ومسكت ثوبي وانحشت 


up 1 down 0
هيثم الهيثم 6
قبل 4 سنه



نصابين احذروهم ,, يطلع لك زيت من تحت الحفره بالوعاء ويقولك زيت المكينه اسود منتهي ومتجمد والمكينه بتخبط عليك ويطقطقون عليك ضروري تغسل المكينه تنظيف داخلي وتخسر 280 ريال حقها وبعدها يقولك مسمار الزيت مافيه ربله وبيهرب عليك وهاذي حقها 40 ريال غير تغيير الزيت والفلتر ب 120 ريال والله خرجت من عندهم ناصبين علي ب 440 ريال وسيارتي اكسنت اغير لها زيت بترومين مع فلتر بالبنشر العادي ب 75 ريال


up 0 down 0
antarmujly
قبل 2 سنه و 6 شهر