هل اقوم بعمل صيانة النترا في الوكاله ام اخرجها من الضمان؟

ما عليك منه

قبل الحج اتصلت على وزارة التجارة و سألت الموظف قال عادي تقدر تغير خارج الوكالة بس لازم يكون الزيت بنفس المواصفات و تاخذ فاتورة

و هذا رقمهم عشان تتأكد 8001241616

ولاتطلع ولا شي ماعليك منه انت شاري جديد عشان كل مامشيت 10000 ولا 5000 كيلو تدفع 500 ولا 1000 ريال وشوله اجل اشتري جديد اقعد على موتر احسن وبين فترة وفترة ازبطه



اطلع منهم وغير زيت برا ارخص لك واوفر ولاقدر الله لو واجهك عيب مصنعي الله لايقوله يصلحونها غصبن عليهم


والقطع الاستهلاكية حتى لو خربت بعد فترة من الزمن فيك فيك انت اللي بتدفع حقها حتى لو منتظم في الصيانة لأن مالها علاقة يعني يدفعونك اياها غير زيت برا وانت الله لايقوله طلبت قطعة استهلاكية بعد فترة الورش فاتحه بابها زبطها وامش وصلى الله وبارك




وبعدين لاتعتبر من كلامي هذا تقليل من سيارتك لكن يخوي تراها الالنترا يعني مافيه الا قير ومكينة ومكيف مهيب ذيك الحساسات ولا المعقدة تقول محد يعرف لها الا الوكالة غير زيت وامش وانتظم في الفلاتر وحافظ ووكل الله طلع احتاجت السيارة قطعة استهلاكية غيرها برا اوفر لك مع انها مهيب طالبة ان شاء الله هالفترة الموتر جديد


اذا فيها لاقدر الله عيب مصنعي هنا يجي دور الوكالة



هذي وجهة نظري لاي سيارة جديدة ، بالتوفيق

الله يجزاكم خير 
اتصلت بوزارة التجارة قال الموظف سويها خارج الوكاله واحتفظ. بالفاتورة وما راح تطلع بره الضمان

الله يجزاكم خير 
اتصلت بوزارة التجارة قال الموظف سويها خارج الوكاله واحتفظ. بالفاتورة وما راح تطلع بره الضمان

فيه ورقة عند الوكيل فيها الاشياء اللي تغير و اللي تفحصها خذها و سويها برا . او افتح الكتالوج و شف الصيانة العاظي و الصيانة الشاقة و حسب سواقتك تحدد . 
اسعار الوكالة بس شغل يد بدون قطع . و المشكلة ليت الفلوس الزيادة اللي ياخذونها يسوون تشييك كامل للسيارة فعليا هم ياخذونها علی اساس يسوي تشييك و هو نصاب . 
اهم شي لا تشتري قطع الا من الوكالة بس و لا تسال احد عند الزيوت ولا شي كل شي مكتوب وفي الكتالوج . 

عندي النترا ماشيه حاليا 70 الف

سويت التشيكات الى 20 الف كلها التشيك بس زيت وسيفون وتدفع مبلغ وقدره

بعد 20 الف ماشافوا وجهي والحمد لله ماشي معي زي الحلاوه بس انت معتنى وع رجلي ولا اسرع ومحافظ

اهم شي انك تغير زيت قيرها في الوكاله بس

الباقي تقدر تاخذ دفتر الصيانه وتسويها بره

الزيت تاخذ لك كرتون من موزع معتمد وتغيره بنفسك بس لما تجي تغيره خلك ع راسه مو تسلمه السياره وتمشي

يا رجال يغير الزيت ولا عليك منه
والضمان وش دخله في القطع الى 
تغيرها هم يبغون اعلى نسبه
علشان بونص يزيد 

يرجل ماتطلع من الضمان انا معي سوناتا 2015وسويت صيانة 5 بس وسحبت عليهم 
ما اجيهم الا اذا في مشكلة بسيارة او عيب مصنعي ويصلحونه ولا يسالوني عن الصيانة
وكالة الناغي 

يارجال ماعليك منهم غصب عنه وطرقه على خشمه الضمان يشملك الى 100 االف كم او ثلاث سنوات ايهما يتحقق اولا محدثك من تجربه