أضف سؤال أو موضوع جديد          

وهم الزيوت في السيارات

up 26 down 2
khalidoo 1167
قبل 5 سنه و 11 شهر



السلام عليكم و رحمه الله وبركاته 
اخباركم ان شاء الله بخير . موضوعي فكرته تصحيح الاعتقاد السائد بين الناس عن الزيوت .

اولا/ زيوت الدفرنس الخلفي و الامامي والدبل .
كثير من الناس و سباكين الورش يقولون استخدم زيت ثقيل عشان ما تخرب الكارونة او يطلع و الخزعبلات الفاضية .
تقوله ليش تحط عيار 140 و هذا الخطير او عيار 90 يقول المقولة الشهيرة ( السعودية جواها حارة فا تحتاج زيت ثقيل ) !!!!
و الواحد يحط الزيت و يصدق كلامه .
المنطق / السيارة شد بلد ممكن تجي بزيت 85w90 للخلفي مثلا و تمشي عليه 150 الف كلم و انت ما تعرف اصلا انه خفيف و فجاه تبي تزيد الزيت او تغيره يقول ما ينفع للسيارة الخفيف و مو حقها و انا المهندس وووو ؟؟ طيب السيارة كيف كانت تمشي قبل على الخفيف
بعض السيارات الدفرنس الامامي يختلف عن الخلفي بنوع الزيت و بعضها مطابق و بضعها مطابق حتى مع الدبل ( علبة التروس ) .
- كيف تعرف الزيت الصحيح ؟
افتح الكتالوج و بتشوف نوعه مع الكمية . او انزل عند الدفرنس و بتشوف زي النقس بحروف انقليزي او ورقة معدن مثبته باحد مسامير غطاء الكارونة او مسمار الدفرنس .
- متى اغير تغير الزيت ؟
افتح الكتالوج و شف متى يتغير و افحصه قبل وقته ب 20 الف كلم اذا لونه او تركيبته او ريحته متغيره هذا يعني لازم تغير الزيت .

ثانيا/ زيت القير 
كل قير له زيت مخصص له . يعني لا تسال احد عنه الا شخص معه نفس السيارة و نفس القير .
طيب ليش ما نقول ان زيت القير خفيف للجو الحار؟؟؟ ما احد عنده جواب .
الفرق بين زيوت القير الخصائص يعني لا تحسب الناس مثلا النترا 2015 تستخدم زيت النترا 2008 لانهم نفس السيارة النترا !!! لازم يكون نفس القير .
- كيف اعرف الزيت الصحيح ؟
الكتالوج او العيار اذا لها عيار من الكبوت .
- متى اغير الزيت ؟
مكتوب بالكتالوج و انت افحصه قبل ب 20 الف .
 الكلام يشمل العادي  و الاوتوماتيكي .

ثالثا/ الزيوت المسحوب عليها .
# زيت الدركسون : عدم تغيير يسبب ثقل في الدركسون - صوت في الطرمبة بسبب عدم فعالية الزيت و .
من اكثر الاخطاء ان الناس يستخدمون زيت القيرالاحمر ابو 10 ريال من بنشر او زيت الماني من بنشر.او يستخدم نفس زيت قير موتره  او زيت اسيدلكو و هذا غلط  لان بعض السيارات لها زيت دركسون خاص .
 زيت الدركسون مشابه للقير فا متى ما تغير اللون غيره مباشرة .
# زيت الفرامل : كثير يشتكي من الفرامل و مشاكلها و يروح يغير قطع و في النهاية تنسيم زيت يحل المشكلة . زيت الفرامل عاشق للهواء يعني يتاكسد بسرعة و ناتج التاكسد مويه وهواء في النظام الهيدروليكي فا يسبب ان الفرامل تنفك بسهولة و ضعيفة .
اي مشكلة في الفرامل تحس فيها عن طريقة دواسة الفرامل مباشرة سوي تنسيم او تغيير زيت .
افضل زيوت الفرامل wanger 21  الامريكي الازرق https://www.google.com.sa/search?safe=strict&tbm=isch&q=wagner+21+brake&spell=1&sa=X&ved=0CBgQvwUoAGoVChMI99a13Ja7yAIVwwcsCh1hXwB4&dpr=1.1&biw=1242&bih=606
يجي منه اسود بس ما اعتقد انه بالسوق السعودي و هذا تصنيفه DOT4 و انت استخدم المطابق هل هو dot3 او dot 4  و ما ينفع تخلطهم .

رابعا / زيوت المكينة .
كلام الناس وسيع و  صعب تحدد فا الطريقة اذا سيارتك جديدة افتح الكتالوج و شف اللزوجة الموصى بها و اللزوجة الممنوعة بسبب المنطقة .
مثلا اغلب سيارات هيونداي ما ينصح ب 5w20 بالخليج يعني تستخدم 5w30 .
طيب اخترنا اللزوجة لازم نشوف التصنيف اغلب السيارات الكورية تصنيف موديلات فوق 2010 هو sm فما فوق , و الافضل الان sn  .
الزيوت لها كلام طويل لازم موضوع منفصل لكن انا اذكر نقاط عريضة فقط . 
اذا سيارات مو وكالة هنا تعتمد على موديل السيارة و كم ماشيه و حالة المكينة و انا اشوف ان السيارات اقل من 200 الف تقدر تستخدم 15w40 و اذا ما طلعت مشاكل معه استخدم 10w30 و استمر عليه .لما تشوف ان المكينة بدات تتغير و تحتاج زيت اثقل .
 من وجهة نظري اشوف بترومين زيوته ممتازة ..

-بعض الناس يقول مثلا هل انا اعرف من الوكالة بنوع الزيت ؟
ايه انا اعرف لان هدف الوكيل فلوسك و لو استخدم زيوت غلط راح تمشي السيارة لما ينتهي الضمان لانه يعرف ان الفترة هذي ما راح تخرب السيارة و عادي عنده يغير مكينتين مقابل زيت فاشل .
-هل الزيوت الوكالة كويسة دائما لانها  وكالة و هي تستخدمه ؟
هي اتفاقيات بين الوكيل و الشركات و الهدف توفير فلوس الوكيل . 
- الوكالة تقول زيت الدركسون ما يتغير مثلا او اي زيت غيره ؟
ما فيه زيت يتحمل حرارة احتكاك و تاكسد و راوسب لمدى الحياة  . صح فيه زيوت مثلا عمرها طويل بس ما يعني انها ما تتغير . 
زيوت السيارة وكالة تجي خفيفة فا ليش ما تنقص و لا يصير لها شي و هذا دليل علی بطلان كلام السباكين .

افضل الزيوت هي اللي تجي من المصنع و لا لها اي مكان ثاني تقدر تاخذها منه حتی الوكيل ما عنده مثلها بالخصائص 

لتحافظ على سيارتك
( اشتر قطع من الوكيل بس لا تسوي الصيانة عنده لانه سرقة عيني عينك و التشييك ما حولك احد  )
(لا تشتري زيت او غيره من بنشري او محلات قطع الغيار) اشتر من موزع معتمد و اختر زيت ماله تقليد مثل بترومين او اعرف الفروقات بين التقليد و الاصلي  . 
( ابعد عن القطع التقليد و الدرجة الضعيفة لانها اغلى من الاصلي  على المدى الزمني )

اتمنى اني اكون توفقت في طرح الموضوع و اعتذر على الاطالة لكن التوعية ضرورية . 
و اعتذر لجفاف الموضوع لانه بدون صور .

اخوكم / خالد الفوزان 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكور على مجهودك ولك لايك


up 1 down 0
iadnuyh 842
قبل 5 سنه و 11 شهر



كلامك ذهب لابد ان نقراء كتلوج السيارة ونتعلم صيانة السيارة 


up 3 down 0
qwer12 59
قبل 5 سنه و 11 شهر



موضوعك مهم و اهم مقوله :

" بعض الناس يقول مثلا هل انا اعرف من الوكالة بنوع الزيت ؟
ايه انا اعرف لان هدف الوكيل فلوسك
و لو استخدم زيوت غلط راح تمشي السيارة لما ينتهي الضمان لانه يعرف ان الفترة هذي ما راح تخرب السيارة
 و عادي عنده يغير مكينتين مقابل زيت فاشل "

بالفعل عندك العيسائي وكيل مستوبيشي
متعاقد مع موزع زيت قلف من سنين
و يغير لكل السيارات نوع ثقيل 20W50
اول مرة غيرت عنده طاح عزم الباجيرو و صوت المكينه ارتفع
بعدين غيرت كاسترول ميجناتك خفيف و مناسب 10W40
و تحسن العزم و الصوت تحسن عن اول

مشكور +1 لايك


up 2 down 0
أبو نجوى 2442
قبل 5 سنه و 11 شهر



كلام سليم ويعطيك العافيه 
بس عندي النترا وفي الكتالوج مكتوب زيت القير ما يتغير .. والوكاله يقولو 40 الف ولازم تغيرو .. فا مني عارف متى اغيرو 


up 1 down 0
loody_23 363
قبل 5 سنه و 11 شهر



الاخ iadnuyh
مشكور علی مرورك الجميل 

الاخ qwer12
كلك ذوق ؛ لازم نزيد ثقافة القراءة .

الاخ أبو نجوی
كلامك صحيح 100% و هذا شي يضيق الصدر حتی الوعلان مثله زيت كاسترول و الحين صار يستخدم شل 20w50  للاسف

الاخ loody_23
غير الزيت كل 40-50الف كلم . 
و اذا كان الزيت sp iv افحصه علی 60 الف كلم هل يحتاج تغيير او لا . 


up 2 down 0
khalidoo 1167
قبل 5 سنه و 11 شهر



الواحد لو يترك الاعتماد على العمال ويبحث عن المعلومة بنفسه كان سياراتنا سلمت من الخرابات
العمال ماهمهم الا الريال


up 2 down 1
icew92 21
قبل 5 سنه و 11 شهر



تقريبا ما لقيت واحد فاهم زيك

أنا كنت مع الخيل يا شقرا لكن الحمد لله شوي شوي تعلمت 

و كثييييييييير أحاول أقنعهم يرد علي الوكالة أدرى

و ولد عمي لي سنين نتهاوش شوي و نتضارب ذابحني بسوبر موبيل 50-20 و يقول زمان كانوا يفكون المكاين اللي تستخدمه و يلقونها نظيفة أقول له  هذا أول مو ذحين يرد علي كلها مكاين و حديد قسم بالله عجزت معاه

ولا يجيك الفاهم و يرفع الضغط و السكر و يجيب لي القلب يقول أجوائنا حارة ما ينفع لها إلا الثقيل طيب أنت و إياه عندك أمريكا اللاتينية استوائية يعني حارة و عندك مناطق كبيرة في أمريكا أحر من اللي عندك أتوقع زي تكساس

و فيه بعضهم جيته و فهمته و شوي شوي فهم و جرب و اقتنع و منهم اللي اقنعته يستخدم 20-5 لسيارات فورد

أكثر نقطة أعجبتني و قليل اللي سمعته يقولها هي اتفاق الوكيل مع مصنع للزيوت و يجيك المستخدم ما يشتري إلا الزيت نفسه


up 2 down 0
الصـاعدي 129
قبل 5 سنه و 11 شهر



اشكرك عللی تفاعلك الجميل . 
و كلامك صحيح و الناس تحسب السيارات نفسها ما تتغير ولا تتطور و للاسف الوكيل هدفه مادي بحت 


up 0 down 0
khalidoo 1167
قبل 5 سنه و 11 شهر