أضف سؤال أو موضوع جديد          

مقارنه بين الزينون vs الليد vs الهالوجين

up 24 down 3
ms3al 1633
قبل 3 سنه و 6 شهر



سلام عليكم ورحمة الله وبركاته
 صبحكم/مساكم الله بكل خير
قبل ما ندخل في الموضوع صلى علي الحبيب صلى الله عليه وسلم




زي ما وعدتكم في موضوع (تجربتي في تركيب تبريد تسخين مقاعد)




تم تركيب الليد ولله الحمد وعملنا المقارنه بين الهالوجين والليد والزينون 
والنتيجة تفوق الزينون بشكل واضح وراح تشوفوا في الفيديو والصور 
الترتيب في الاضاءة كالتالي 
1- الزينون
2- الليد
3- الهالوجين




نتكلم شوية عن مميزات الليد
الليد الفرق بينه وبين الزينون 
ان اضاءة الليد محدوده يعني الزينون يعطيك نور بمحيط كامل 360 درجة
اما الليد مجرد لمبتين وحدة يمين وحدة يسار 180 درجة 
ومع العواكس ما راح يطلع معاك بالشكل المطلوب 
اما في العدسة راح يضبط لأن العدسة تحد من تشتته وتجمعه في نقطة وحدة وتعطيك اضاءة مرتبه 




نتكلم في الكهرباء أمن جدا جدا لكهرباء السيارة ليش؟!




لأن كهرباته ثابته الي عندي من يوم ما تشغله وحتى تطفيه كهربته 30 واط وطبعا يختلف من شركة لشركة على حسب التقنيات الي تستخدمها الشركة في اجهزتها 
يعني بمعنى اخر 
انا الشمعة الوحدة تعطي 3538 لومن يعني تعدا قوة الزينون وكهربته 30 واط من شركة opt7
طيب من شركة New Brights LED لمباته قوتها الوحدة 3200 لومن بس الكهرباء 40 واط للشمعة الوحدة 
يعني الشمعة تعطي اضاءة اقل وتاخذ كهرباء اعلى من الي عندي 
وهنا يبين لك الفرق في التقنيات .




والان له يومين مركبه عندي المسجل سليم ما فيه إعادة USB ما فيه تشويش ما فيه اي ترميش في الكهرباء او النور 
السيارة (النترا 2015) طبعا معروف ان الهونداي كهربته سيئة وهذا انا مركبه في الواطي وايضا مركب في الكشافات نفس اللمبات اللهم مقاس H11 والحمدلله اموري ماشيه 




حسب ما بحثت انه يجي بلونين :
5000 كلفن ابيض
و 6000 كلفن ابيض ثلجي




التحمية 
ما يحتاج تحمية مجرد ما تشغل النور اشتغل 




ما تحتاج ظفيرة ولا تقطيع اسلاك مجرد فك وركب




ما يضر العواكس الي داخل العدسة لأن حرارته ماهي عاليه زي الهالوجين والزينون
لا تستهينوا بالهالوجين تراه يطلع حرارة عاليه وفي هالوجين يجيك بتقنيات زي فيلبس Diamond Vision و X-treme Vision يجيك ابيض ويولد حرارة عاليه ونوره ممتاز 
الليد اقل منهم في الحراره 




في بعضها تجي بمروحة ومحول
وبعضها تجي بمروحة بدون محول 
وبعضها تجي بدون مروحة وبمحول












انا اشوف العيب الوحيد فيه اضاءته المحدوده +سعره مرتفع شوية




الأن بحط لكم الصور ومقطع الفيديو 




السيارات الي سويت فيها المقارنه كلها النترات عشان نعدل في المقارنه وبحيث تكون نفس العدسة 








معلومات عن الليد والزينون المستخدمة 
الليد من شركة opt7 
قوته 3500 لومن .
كهربته 40 واط.
 اللون 6000 كلفن 
ضد الموية وضد الصدمات الكهربائيه . 
سعره 380 ريال
الرابط في امازون
http://www.amazon.com/gp/product/B00VNBDOV2 




الزينون من شركة Kensun
لونه 5000 كلفن ابيض
كهربته 35 واط 
قوته 3200 لومن 
ضد الموية وضد الصدمات الكهربائيه (محولات ديجتل)
سعره 230 ريال 




الرابط في امازون
http://www.amazon.com/gp/product/B0050Z9N30

(اعتذر عن جودة المقطع كنت متوقع جودة افضل)
رابط الفيديو
https://www.youtube.com/watch?v=_7uC4uUgq8w



قبل ما اختم هذا الموضوع 
اتمنى اي احد يشوف شي يعجبه يذكر الله يا جماعة
ان اصبت من الله وان اخطأت فمن نفس والشيطان 
اي سؤال اي استفسار لا يردك الا كيبوردك
الأن نخليكم مع الصور 





















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك الف الف عافيه ماقصرت
والله يرزقك من واسع فضله


up 0 down 0



السلام عليكم
ممكن رقمك للتواصل معك اذا كان محلك في الرياض


up 0 down 0
ابو فهد 2016 s
قبل 7 شهر و 2 أسبوع