أضف سؤال أو موضوع جديد          

بخصوص شراء سيارة كانت ايجار

up 1 down 2
flower47 299
قبل 7 سنه و 3 شهر



السلام عليكم ورحمة الله وبركاته
ذكر لي احد الزملاء انه عند شركة ذيب للتأجير
مجموعة من السيارات للبيع 
ومن ضمنها النترا 
موديل 2014
وممشاها في 70000 km واكثر شوي
واسعارها في ب 28 الف وفي ب 30 الف وبالهحدود تقريبا
والصراحة متردد لانه كانت ايجار 
وما ادري اذا الشركة يسمحون للزبون يفحصها بمراكز مثل كارتك 
او تشريها بدون فحص
ياليت الي عنده علم بهالشي يفيدني
لان المبلغ بهالحدود مناسب لي وهو كل الي بقدرتي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


سعرها حلو واهم شي النظافه ... انا ماخذ من عندهم من سنتين سوناتا 2013 ماشيه 50 الف وما اشتكت من شي ابد ما شااء الله والحين ماشيه حدود 140 الف وما طلبت غير القطع الاستهلاكيه..  والفحص ما ادري عنه بس انا خذتها من غير فحص لأني اعرف واحد هناك وقالي الي فيها صدام خلفي مرشوش بس وصدق بكلامه 


up 1 down 0
رابح 337 105
قبل 7 سنه و 3 شهر



صراحة صعب اخذ سيارة بدون فحص
عادي اتخسر 300 او 400 قيمة فحص
ولا اتخسر مكينة كاملة ولا توضيب قير
اهم شي عندي الرباق ماطلع والشاص والقطع الاساسية لازم اتاكد قبل


up 1 down 0
flower47 299
قبل 7 سنه و 3 شهر



نصيحه انحححش من سياره مكتب ايجااار  انحاااااش


up 3 down 5
mm.2015 155
قبل 7 سنه و 3 شهر



70000 كلم بحكم انها ايجار فا اغلب الناس يجلدها و استخدامها غلط ( جلد موب جلدك جره علی الشوك ) .
فا راح يكون ممشاها الفعلي 120 الف علی الاقل . 

ما انصحك تاخذها 


up 3 down 1
khalidoo 1167
قبل 7 سنه و 3 شهر



هههههههههههه

وانت مصدق عدادها 70 






up 2 down 2
مدرس عاطل 3
قبل 7 سنه و 3 شهر



انا كنت اتردد على حوش السيارات المستعملة في ذيب .. صراحه نادر تحصل النترا نظيفه
يعني بالاسبوع تجي دفعتين تقريباً فيها 10 سيارات النترا .. واحدة منها تكون نظيفه لكن فيها حكوك ودقشات بسيطة ماتأثر وداخليتها لك عليها
بالنسبة للفحص غير مسموح اخراج السياره ولكن مسموح تشغلها وتجرب كل شيء مكيف وتسمع صوت المكينه تتأكد انه كل شي سليم في السياره وجيب معك جهاز فحص بدي مايكلفك 350 ريال نوعية ممتازة وممشى السيارات يتراوح مابين 70 الى 90 الف كيلو


up 0 down 0
al_orainy 56
قبل 7 سنه و 3 شهر



اذا شركة ذيب قولهم وين السيارات اللي كانت تتاجر بفرع المطار و يدلوك عليها
لانها انظف سيارات عندهم بالشركة و دايما تكون ممشاها قليل و نظيفة و غالبا تكون جديدة بحالة وكالتها و اغلبها تكون اكسنت
ذا الكلام قالي اياها واحد من موظفيهم بفرع مطار الرياض زمان 

فدور السيارات تبع فرع المطار و نقي النظيف

و ابعد عن الافيو و الكروز و الماليبو حتى لو كانت تلق من النظافة لانها عبارة عن مشاكل و تبطي ان تصلحها محبة الورش

و بالتوفيق،،،


up 3 down 0
mb 320 195
قبل 7 سنه و 3 شهر



النظيف غالبا لا يوصل للمزاد
يتم تصريفه عالموظفين والمعارف
سياره الايجار الغالب يستخدمها برعونه وشده
لو تدفع المبلغ دفعه اولى بسياره جديده ازينلك


up 0 down 0
Ahmad356 518
قبل 7 سنه و 3 شهر



النظيف غالبا لا يوصل للمزاد
يتم تصريفه عالموظفين والمعارف
سياره الايجار الغالب يستخدمها برعونه وشده
لو تدفع المبلغ دفعه اولى بسياره جديده ازينلك


up 0 down 0
Ahmad356 518
قبل 7 سنه و 3 شهر



و عليكم السلام و رحمة الله و بركاته .

دامها اجار فابدا لا تعتمد على ممشاها 
وخصوصا الهونداي اسهل سيارات ينفصل عدادها


up 0 down 0
w1w1 2206
قبل 7 سنه و 3 شهر



انصحك بالابتعاد عنها ولو تقدر تزيد على فلوسك وتأخذ جديد افضل



او تخلي المبلغ اللي معك دفعة اولى



انا جيت اطلع النترا بدون دفعة اولى قسطها 872 ودفعة اخيرة 19000 الف طبعا استاندر


up 0 down 0
ماجلان90 18
قبل 7 سنه و 2 شهر